آفْرُودِيتْ 🦢

الحلقة السابعة و الستون🧚‍♀️

🔸️حلقة 67
🔸️أركان_يحكي:
غزرت للوقت أكثر من مرة...منجمتش نتحكم في أعصابي..خاصة بقى يفصلني على الموعد لي عطيتهولها ساعة و كهو...أصلا مرقدتش ليلة كاملة و أنا نتخايل فيه من الوصف متاعها...كأني أول مرة نرزق بصغير..ليا برشا على الشعور هذا...غزرت لأولجا لي كانت واقفة مع فريق الديكور...خذيت نفس نحكي
أنا:نحبك تاقف على التفاصيل الكل و خلي شكون تستلم الطلبيات اللوطة..من هوني للأمس نحب غرفة ولدي تكون حاضرة كيما حبيتها بالظبط
أولجا:تهنى سيد أركاان..أنا باش نشرف عليها بنفسي هزيتلها براسي باهي و توجهت للأصونصير منجمتش
نبقى في الجناح متاعي أكثر من هكا...نزلت اللوطة و غزرت للخدم لي كانو لاهيين بالتحضيرات لي كلفتهم بيها...عندي برشا مريتش الأجواء هاذي في القصر دخلت للقاعة الكبيرة و غزرت للوقت من جديد...لي حسيتو قاعد يزيد مش ينقص...كيما نحبها تلتزم بالموعد لي طلبتو منها...خاطرني منحبش نضرها و معنديش إستعداد نخليها تعيش حاجات خايبة أكثر من اللي تعدات بيهم قبل...كبست على يدي بعد ما وفى الوقت لي طلبتو منها...وين ظطريت ناخو الخطوة لي مكنتش نحب نوصل ليها...خرجت من للقصر و وقفت بعد ما لمحتها نزلت و هو في يدها للحظة نسيت كلشي كنت نخمم فيه لحظات لتالي وين دقات قلبي قوات لدرجة حسيتها باش تفضحني قدامهم الكل...هزت راسها شوية وين جات عيني في عينها...قربت ناحيتها من غير ما نحس بالمسافة لي كانت تفصلني عليهم وقفت قدامهم بالظبط و غزرتلو...عديت دقايق من غير حتى حركة..غزرتلها مرة أخرى و مديت يديا زوز لعندها شديتو عليها و حطيتو في حضني...غمضت عينيا مروهج من الإحساس لي سيطر عليا في لحظة...خذيت نفس من ريحتو و تبسمت...فرد وفت جبدتو من عندي شوية و عديت عينيا على تفاصيل وجهو...نحكي
أنا:أهلا بيك يا روح بابا
قربتو مني شوية و بستو من جبينو...نحكي
أنا:مفما حتى شي يفرقني عليك بعد تواا
هزيت عينيا في وجها و قحرتلها...لتوا مستغرب كيفاش نجمت تبعدني عليها بالطريقة هاذي رغم أنها كانت حامل و باش تجيب قطعة مني أنا زادة و مع هكا ما نجمت نقول حتى شي في حقها...أصلا متوقعتش أنها تنجم تحافظ عليه بعد الليلة هذيكا خذيت نفس نحكي
أنا:هيا إيجاا
تلفت باش نمشي...وقفتني بالوقت...تحكي
إلينا:نستنااك هوني
ضيقت عينيا مستغرب و تلفت عندها...حطت يدها على كرشها تحكي
إلينا:مطولش برشاا
أنا:لاا عاد...بعد كلشي عملتو...تستنى فيا نحسب الوقت لي نعديه مع ولدي ؟
إلينا:منجمش ندخل للمكان لي خسرت فيه خوياا
أنا:معندكش حل آخر...خاطر القصر هذا باش يكون المنزل الوحيد لولدك
إلينا:متنجمش تاخو قرار يخص ولدي من غير ما أنا نكون موافقة عليه
أنا:و أنا مستحيل نخلي ولدي يكبر في دار راجل آخر
إلينا:أنا باش نرجع لداااري و وقتها تنجم تشوفو في الوقت لي تحب عليه
أنا:ولدي مستحيل يكبر بعيد عليا...حط هذا في بالك كان تحب تفضل...الأبواب هاذي مستحيل تتسكر في وجهك
إلينا:لولا ويليام مكنتش باش نرجع لهوني مرة أخرى تنجم تبقى معاه الوقت لي تحب عليه...نستناك براا
أنا:تتوقع باش نخلي ولدي يبعد عليا مرة أخرى ؟
إلينا:والله ولدك مينجمش يبقى من غيري...خاطر في الأصل يرضع من عندي و كهو...غير هكا متخليهش برا و لا باش يمرض
غزرتلها من غير حتى كلمة و عطيتها بظهري...رغم إني منحبش نخليها ورايا...دخلت لأول صالة و قعدت فرد وقت جبدتو من حضني شوية...تبسمت و أنا نغزر ليديه لي حركهم شوية و حل عينيه...لي كانو كيما لون عينيها بالظبط...غزرت لسوسات لي طاحت من فمو على صدرو شديتها نحكي
أنا:أهلا بروح البابا
تبسمت بالوقت..لتو نحس في روحي مش قد بعضي و منجمتش نوصف لي نحس فيه زاادة...فكرة أنو ولا عندي صغير آخر..حسيتها غريبة برشاا...يمكن خاطر مخممتش في الموضوع هذا جملة بعد موت دانييل قربتو لياا أكثر و خذيت نفس من ريحتو..اللي خلاتني في عالم آخر..نزلتو شوية كي بدا يبكي و دوحت بيه نحكي
أنا:ياخي باش تقابل بوك بالبكا ؟
سكت و حرك يدو من جديد...تبسمت بالوقت و شديتو منها وين كبس على صبعي بقوة...غمضت عينيا بقوة و عاودت حليتهم...لتوا منجمتش نستوعب فكرة أني ضيعت كل لحظة كانت فيها بحاجتي و حتى غزرة عينيها ليا بكري حسيتها مختلفة على أمس كأنها تلوم فيا على كلشي صار في الماضي..خذيت نفس نحكي
أنا:مستحيل نتخلى عليك بعد توا و لا حتى نخلي شكون يحرمني منك كيما صار معايا في الماضي بووك باش يكون معاك في كل لحظة من توا يا روحي
بستو مرة أخرى و جبدتو من عندي...نحكي
أنا:غير هكاا باش نعطيك كلشي تحرمت منو أنا قبل و أمك باش تكون معانا زادة..نعرف أنها متغشة برشا و يمكن ماهيش باش تسامحني..أما مستحيل نخليها تبعد عليا من جديد
هزيت راسي شوية و غزرت لآنيا لي دخلت في لحظة تحكي
آنيا:سامحني...أنا جيست كنت باش نسأل على إليناا
أنا:محبتش تدخل للقصر
آنيا:فهمت عليك
أنا:إيجا لحظة...نحبك تهتم بيه لين نرجع
آنيا:أناا ؟ منعرفش
أنا:إيجا متخاافش...يكفي أنك تخليه في حضنك و كهو
آنيا:بلكشي بدا يبكي
أنا:خلي شكون من الخدم يخلط عليا..أنا جيست نحب نحكي مع إلينا شوية
قربت مني مترددة و قعدت بجنبي..بستو و حطيتو بين يديها...نحكي
أنا:متخافش مانيش باش نطول عليك
آنيا:باهي
تبسمت و هزيت روحي وقفت..نحب نستغل فرصة وجودها هوني و نحكي معاها في كلشي صاار..هذا كان نجمت نسحب الكلام مني و هي متغشة مني لهدرجة أصلا منجمتش نقتنع بفكرة أنها باش تبعد هي و ولدي من جديد..بعد توا منحبهمش يغيبو على عيني لحظة وحدة....هزيت راسي شوية و ضيقت عينيا مستغرب غزرت لواحد من رجالي نحكي
أنا:وينها ؟
هو:توجهت للحديقة
خذيت نفس و خلطت عليها...وقفت كي لمحتها قاعدة على الكرسي لي مقابل الدفيئة...المكان لي كان يقعد فيه ويليام قبل تواا..قربت منها بخطوات ثابتة و قعدت بجنبها...غزرتلي مصدومة و وقفت تحكي
إلينا:وينو ويلياام ؟ مع شكون خليتو ؟
أنا:مع آنيااا
عديت عينيا على ملامح الر-عب لي ظهرت على وجها و كملت نحكي
أنا:أقعد تواا
إلينا:توقعت أنك باش تبقى معاه أكثر من هكا
أنا:أنا نحب ولدي يكون معايا طول الوقت...أما مش هذا موضوعنا توا...أقعد إليناا
غزرتلي ندرا كيف و قعدت من غير حتى كلمة...خذيت نفس نحكي
أنا:فما برشا حاجات لازمنا نحكيو فيها
إلينا:مفما حتى شي بيني و بينك يستدعي باش نحكيو فيه من غير ويليام و كهو
أنا:أنا نحب نعرف كلشي صار في الفترة لي فاتت بداية من ليلة الحادث لي صار معاك و لظهور أيان في طريقك زادة
إلينا:نظن اللي صار ماهوش مهم برشا بالنسبة ليك
أنا:إنتي خذيت ثنية بعيدة عليا...رغم أنك حامل مني إليناا
إلينا:أنا كنت باش نخسر حيااتي و أنت مكنتش موجود كي العاادة...شنية كنت تتوقع مني ؟ نهرب لعندك بعد ما تخليت علياا ؟
أنا:تعرف بالقدا إني ولا مرة تخليت عليك...نفس الليلة هذيكاا أناا
إلينا:متحااولش تبرر موقفك و لا وين كنت في الليلة هذيكا...بالنسبة ليا أنت مكنتش موجود و تعديت لي صار وحدي كيما كل مررة
أنا:إلينااا هدي رووحك و أسمعني
إلينا:علاش أنت سمعتني ؟
غزرتلي ندرا كيف...وين لقيت روحي ضايع في عينيها لي مزالت لمعة الحزن طاغية عليهم لتوا سكت خاطر ملقيتش جواب لسؤالها...تبسمت تحكي
إلينا:معاااد فما حتى شي يتحكى بيناتنا...كلشي تكسر في الليلة لي أنا إعترفتلك فيها بالسبب لي جابني عندك و يا ريتني سكت و بعدت أنا و خوياا...يمكن راهو بجنبي تواا
أنا:تتوقع أنو عندي يد في موت ويليام ؟
إلينا:أنت وعدتني أنك باش تحميني أنا و خويا وقت تعرف الحقيقة...أنا إخترتك أنت على إسكندر و المهمة أما هملتني أول ما عرفت لي صااار و وليت مجرد عبء عليك مش أكثر...أكا علاش كان آخر إهتمامك تحمينا و إحناا في قصررك...أصلا لولا إني كنت حامل...مكنتش باش تكلف روحك و تبقى معايا
أنا:بالله ؟ هاذي وجهة نظرك بعد كلشي عشناه مع بعضنا يعني لولا ويليام أنا كنت باش نفرط فيك ؟
إلينا:علاقتنا كانت مجرد رغبة مشتركة مش أكثر و الحقيقة الوحيدة أنو حملي جا في وقت غاالط خاطر لي كان بيني و بينك وفى
أنا:أنا عمري ما إعتبرت لي بيني و بينك غلطة و ويليام أحسن حاجة صارت معايا من سنين فاتت نعرف إني غلطت في حقك و ظلمتك برشا بقراراتي و يمكن موفيتش بوعودي ليك...أما اللي جمعني بيك مكاانش مجرد رغبة إليناا
إلينا:الكلام هذا معاادش يفيد تواا...الأهم هو إني نوصل لحل بيني و بينك بخصوص ويليام
أنا:أنا مانيش باش نفرط فيكم بعد تواا
إلينا:أنا ما نحب حتى شي منك...يا ريت تتفهم الموقف متاعي المرة هاذي و ما تاخو حتى قرار ممكن أنو يضر ولدك
أنا:نظن أنو كلامي كان واضح إلينااا...منحبش ولدي يكبر في أي بلاصة أخرى و مع راجل آخر زادة
تبسمت و هزت عينيها في وجهي...تحكي
إلينا:معناها هذا هو السبب لي يخليك متنجمش تفرط فيااا...أركاان أناا مرأة حرة...مانيش باش نبقى عندك جيست باش نربي ولدي لي متنجمش تعيش من غيرو كان تحب نوصلو لقرار مشترك بيناتنا و يرضينا زوز رغم أنو معنديش ثقة فيك و لا في أي حد آخر..أنا مستعدة نحارب لآخر نفس على خاطر ولدي...في الأخير أنا خسرت كلشي عندي و معاد فما حتى شي مهم في حياتي من غير ويلياام و كهو
أنا:مقصدتش لي فهمتو إنتي..خاطر بوجود ويليام و لا العكس..إنتي ممنوع تكون لأي راجل من غيري كيما منحبكش تاثق في أياان جملة
إلينا:لي بينك و بينو ميهمنيش جملة و مستحيل نخلي أياان يستغلني ضدك و لا حتى يستعملني باش يشق طريقو لعندك..إذا أنا معاه توا تأكد أنو بإرداتي و من غير حتى ظغط
كبست على يدي و هزيت روحي وقفت...وقفت في جرتي تحكي
إلينا:أنا باش نرجع لداري..مبدئيا الوضع هذا يرضيك
أنا:الدار هاذيكا مزالت خطر عليك و منحبش لي صار يتكرر معاك مرة أخرى
إلينا:أنا فقدت خويا في القصر متاعك...اللي فيه نظام حماية عالي.. متخاافش...أنا نعرف كيفاش نحمي ولدي من أي حد يحاول يقرب منو
عطاتني بظهرها و بعدت عليا...خلطت عليها بالوقت و عطيتهم إشارة باش يخليو آنيا تجي...سبقتها لعندها و شديتو عليها..قربتو لعندي و خذيت نفس من ريحتو اللي باش تصبرني على غيابو في الساعات الجاية خاطر منحبش نظغط عليها...خاصة أنها مزال نافسة لتوا تبسمت كي بدا يبكي و حطيتو في حضنها وين قرباتو لعندها أكثر و حطت خدها على خدو تحكي
إلينا:ماما هوني معاك يا روحي
تبسمت و قربت منها شوية...عديت يدي على راسو فوق البوني نحكي
أنا:منحبوش يغيب عليا برشااا..تنقل لدارك في أقل من 24 ساعة و كلشي تحب عليه يكون موجود عندك و حتى طاقم الحراسة باش يكون مختلف المرة هاذي
إلينا:أنت حر في اللي باش تعملو بخصوص سلامة ولدك..يكفي أنو ما يكون حتى قرار منك يشملني أنا
هزيتلها براسي باهي و شاورت لسائق باش يحللها الباب..وخرت خطوة لتالي و كبست على يدي باش ما ناخو حتى خطوة ممكن إني نندم عليها مبعد خاطر مفما حتى شي يتحل بالقوة في الحالة هاذي منحبش نخلق حاجز آخر بيناتنا و نبعدها عليا أكثر يكفي أنها تبعد عليه توا و الباقي باش نحلو بطريقتي الخاصة و نعوضها على كلشي صار فيها بسببي.