آفْرُودِيتْ 🦢

الحلقة الثامنة و التسعون🦢

🔸️حلقة 98
🔸️جينا_تحكي:
حليت عينيا شوية و عاودت سكرتهم من الوجيعة لي حسيتها في راسي و من الضو لي ضرب في وجهي زادة...عديت دقايق باش نجمت نسترجع اللي صار معايا بالظبط...دورت راسي شوية و غزرتلو...كابس على يدي و متكي على يدو لأخرى...عديت عينيا على تفاصيل وجهو...حاولت نجبد يدي منو...حل عينيه بالوقت و غزرلي مروهج يحكي
أيان:جيينااا
وقف بسرعة و قرب مني...حط يدو على خدي و تفخص ملامح وجهي يحكي
أيان:كيفااش تحس في روحك توا ؟
بقيت ساكتة من غير حتى كلمة...منجمتش ننسى لي سمعتو منو أمس و لا لي صار معايا زادة...غير وجيعة راسي لي حسيتها زادت أكثر و خلاتني عاجزة باش نحكي
جبد روحو شوية مني بعد ما دخل الدكتور و قرب منا يحكي
هو:سيد أيان خلينا وحدنا شوية
أيان:مانيش باش نخرج
قحرتلو و غزرت لدكتور لي قرب مني يفحص فيا و تبسم يحكي
هو:هاك تتحسن بسرعة...أما باش تبقى عندنا الفترة هاذي
أنا:راسي يوجع فياا
هو:متخاافش...طبيعي يوجعك بعد اللي صار...أما باش تخف الوجيعة مع الوقت...باهي
تبسمت و هزيتلو براسي باهي...تلفت لأيان يحكي
هو:لازمها راحة توا...إذا كنت باش تبقى معاها متعبهاش برشا
أيان:بااهي
قرب مني بعد ما خرج و نزل عندي شوية...يحكي
أيان:كيفاش تحس في روحك توا ؟
أنا:نحب نبقى وحدي
أيان:تعرف لي مانيش باش نخليك وحدك
أنا:سمعت كلام الدكتور
أيان:سمعتو و مع هكا مانيش باش نمشي جيناا
قعد على طرف السرير...كبس على يدي و باسني منها يحكي
أيان:أنا فقدت روحي في الساعات اللي فاتت...جيناا إنتي كيفاش تعمل فيا هكا ؟
جيت باش نحكي...نزل عليا شوية وين حسيت بأنفاسو لي ضربت في وجهي...باسني من جبيني و نزل لشفايفي شوية يحكي
أيان:علااش متحبش تصدقني ؟ علاش ديما تتسرع في الحكم علياا ؟ حتى لو غلطت معاك...معندكش حق تضر روحك بسببي و لا حتى تخليني نعيش الخوف هذا الكل
أنا:أ..أياان
أيان:نعرف أنك موجوعة مني...و نعرف لي إنتي تاعبة و متحبش تشوفني و لا تحكي معايا...أما توا بالظبط متبعدنيش عليك...مهما كان اللي تحس فيه ناحيتي تحملني و متبعدنيش عليك
غمضت عينيا مروهجة من أنفاسو و كلامو و من الوجيعة لي في راسي و قلبي...دوب لامس شفايفي تحل الباب مرة أخرى...بعد عليا بالوقت و عدا يديه زوز على وجهو...و تلفت للممرضة لي قربت مني و حطت دوا في سيروم متاعي...قرب منها يحكي
أيان:وجيعة راسها ماهيش باش تخف ؟
هي:أنا حطيتلها مخدر الألم في السيروم متاعها و بعد ما يفحصها الدكتور مرة أخرى يخبرك بحالتها الكل
عدا يدو على شعرو و بقى يدور في الغرفة...لين خرجت...غمضت عينيا نحكي
أنا:فاش تعمل ياخي ؟
أيان:موجوعة برشا ؟
أنا:شيهمك فياا ؟
أيان:جيناا...أنا من أمس على أعصابي...و منعرفش على روحي كيفاش نجمت نتحمل لتوا...جاوبني خليني نعرف نتصرف
أنا:أنا لباس علياا...تنجم تمشي على روحك
أيان:الصبر يا ربي...ياخي لهدرجة متقلقة مني و من وجودي ؟
أنا:و أكثر زادة
دورت وجهي بالوقت باش منغزرلوش أكثر...تنهد بقوة و قرب مني مرة أخرى...قعد بجنبي على طرف السرير و كبس على يدي يحكي
أيان:مانيش باش نخليك وحدك...و ماكش باش ترتاح مني زادة و بخصوص اللي صار أمس باش نحكيو فيه الكل
أنا:منحبش...ما نحب نحكي معاك في حتى موضوع أصلا اللي قاعد يصير غالط و طريقو واضحة
أيان:والله مانيش باش نخليك تاخو القرار هذا وحدك غير هكا...لو إنتي تقبلت بوستي ليك في الماضي و معملتش منها حكاية و حزنت زادة...مكناش وصلنا لهوني
أنا:شنية مذكرك في الحكاية هاذي توا ؟
أيان:والله أنا ديما غالط...إذا قربت منك غالط و إذا بعدت نفس الشي...حتى أنك ديما تقول لي عندك من غير ما تسمعني
أنا:أولا...وقتها كنت صغيرة و أنت كنت تحت تأثير الخمر و ثانيا انا سمعت لي كان لازمني نسمعو الكل
أيان:الموضوع مش كيما إنتي فهمتو...أنا طلبت أركان و بالصدفة حكيت مع إلينا
جبدت يدي منو بالوقت و دورت راسي شوية نحكي
أنا:راسي يوجع فيا و نحب نرقد تواا
تنهد بقوة و نزل عندي شوية...باسني من جبيني يحكي
أيان:بااهي...مانيش باش نخليك تتعب أكثر من هكا
قعد على الكرسي و تكى لتالي...نجمت نلاحظ كمية التعب لي ظهرت على وجهو و درجة خوفو علياا أما مع هكا منجمتش نتخطى لي سمعتو...فكرة أنو قلبو مزال متعلق بيها...خلاتني نقطع كل أمل ممكن يجمعني بيه...و قد الغصة لي حسيت بيها...أما لقيت روحي نغزر للحيط من غير ردة فعل مني...خاطرني نحس في روحي تاعبة عاللخر و مانيش مستعدة باش نسمعو و لا باش نسمع أي حاجة تتعلق بيهم غمضت عينيا و رجعت لنفس الليلة لي كان يحكي عليها...يمكن من وقتها قلبي لقى ثنيتو ناحيتو و لقيت روحي نبني في أحلام و آمال على بوسة صارت بيناتنا في لحظة...غير هكا منعرفش علاش انفعلت برشا وقتها...يمكن خاطرني كنت نشوفو أخ مش أكثر و لا خاطرني خفت من بابا يعرف باللي صار بيناتنا و يعاقبنا الزوز...غير هكا متوقعتش يكون متذكر الفازة...خاطر ولا مرة حكينا فيها و لا تحل الموضوع بيناتنا...نزلت على شفايفي شوية و غمضت عينيا...معادش نجم نخمم في الموضوع هذا أكثر من هكا و لا في علاقتنا زادة...كلشي نحب عليه في اللحظة هاذي إني ننسى لي سمعتو البارح و في نفس الوقت نحب نكذب روحي و نصدقو...نصدق اللي أنا فهمت الموضوع بالغالط...و اللي هو مكانش يقصد الكلام لي لي قالو و ما عندو حتى مشاعر ناحيتها زادة.