آفْرُودِيتْ 🦢

الحلقة السادسة و الستون🧚‍♀️

🔸️حلقة 66
🔸️إلينا_تحكي:
مديت يدي شوية و شديتو من يدو...تبسمت و أنا نغزر لعينيه...كانو نفس لون عينيا أنا و ويليام...أما باقي ملامح وجهو كيما أركان بالظبط...تعدا أسبوع كامل على اللي صار معانا الكل...بالنسبة ليا كان مجرد كابوس مزلت مفقتش منو و متقبلتش موت بنتي...يمكن خاطرني رسمت أحلام كبيرة مع صغاري ماهيش باش تتحقق...خذيت نفس طويل و تبسمت نحكي
أنا:محلاك يا روح ماماتك...أنت عندي بالدنيا الكل توا
دورت راسي مع صوت الباب و غزرت للممرضة متاعي لي جات في بلاصة جينا...حطتلي دوايا و غزرتلي تحكي
كاتيا:مدام إلينا كان مفماش مانع تاخو دواك و تخليني نتفقد الصغرون...يمكن يحاجة تبديل توا
أنا:أيان هوني ؟
كاتيا:عالأغلب وصل من شوية
أنا:رد بالك على ويليام
خذيت نفس و خرجت من البيت...غزرت لوحدة من الخدم لي كانت ماشية المكتب متاعو...وقفتها نحكي
أنا:أيان في المكتب متاعو ؟
هي:لاا...أنا جيست باش نحط الدعوة لي وصلاتو من شوية في المكتب متاعو
أنا:دعوة شنية ؟
هي:معنديش علم
أنا:تو نحطها أنا في المكتب متاعو
شديتها عليها...و حليتها بعد ما نزلت...دقات قلبي قوات و أنا نقرا في الدعوة...لي كانت حفلة خاصة بنوح و آنيا...أصلا متوقعتش أنهم يكونو عرسو في فترة غيابي فرد وقت إستغربت الدعوة لي كانت موجهة ليا أنا بالظبط...في الأخير طلع يعرف وين أنا و مع هكا رفض أنو يجي يشوفني و لا حتى استجاب لدعوة أيان للكلينيك...هزيت راسي شوية على صوتو يحكي
أيان:إلينا لبااس ماهو ؟
أنا:علاش حتى توصلني دعوة هكا ؟
غزر ليدي و عاود هز عينيه في وجهي...يحكي
أيان:الدعوة مقصودة لينا الزوز...منعرفش لشنوة قاعد يخطط بالظبط...أما كأنو أركان القايد مزروب باش يعرف شكون الشخص لي عفس منطقتو
أنا:كان يعرف إني هوني ؟
أيان:من أول يوم جينا فيه
عديت عينيا على وجهو مصدومة و حطيت يدي على كرشي نحكي
أنا:أركاان كان جا يعرف إني هوني...أكيد كان باش يلقاني
أيان:أما هو مكلفش روحو باش يلقاك و لا حتى إستجاب لرسالتنا لي خبرناه فيها أنك في الكلينيك
نزلت عينيا من وجهو و سكت...منحبش نتصدم أكثر من اللي نسمع فيه...خاطر رغم كلشي صار كان عندي يقين أنو مهما بعدت عليه باش يجي نهار و يلقاني خذيت نفس نحكي
أنا:خبرتو في الرسالة إني ولدت ؟
أيان:يعرف أنك كنت على وشك الولادة...أما ميعرفش أنو كان عندك توأم و لا حتى بنينا لي توفات
أنا:هذا مش أركاان لي عرفتو...متأكدة أنو هو مستحيل يعمل هكا
أيان:ملا بشنوة تفسر الدعوة لي في يدك ؟
غزرت لدعوة مرة أخرى...و كبست عليها...نحكي
أنا:مستحيل يفرط في صغارو...مستحيل
أيان:شنية قررت ؟
أنا:بخصوص شنية ؟
أيان:الدعوة...إنتي مزلت تاعبة و عمليتك جديدة زادة...أصلا منظنش فما داعي لحضورنا
أنا:بالعكس...مدام تم إستدعائنا...معناها أركان يحب يقابلنا زوز
أيان:إنتي مستعدة ؟
أنا:ما عندي حتى شي نهرب منو و عالأغلب الدعوة خاصة بيك أنت...خاطر ما عندو حتى مصلحة أنو يشوفني...مدام كان يعرف بوجودي هوني و ما عمل حتى ردة فعل
أيان:متأكدة ؟
قربت منو شوية و عديت عينيا على وجهو...نحكي
أنا:أنااا إليناا داايون...سواء أركان و لا أنت و لا أي حد آخر...ينجم يتعدا لي عاشو معايا و هو بالذات مستحيل ينسااني...حتى بوجودهاا هي...غير هكا عندو صغير مجبور باش يعطيه كل حقوقو كأب خاطر مستحيل نخلي ولدي يعيش النقص هذا و بوه عااايش
أيان:أنا معااك في كل خطوة سواان
أنا:ملاا باش تكون عندنا حفلة على قريب برشاا
تبسمت و جبدت روحي منو باش نمشي...كبس على يدي و رجعني عندو...عدا عينيه على وجهي يحكي
أيان:حط في بالك إني مستعد نعطيك كلشي تسرق منك إليناا...مهما كان اللي باش يصير بعد توا...تذكر أنو عشقي ليك باش يبقى قايم في كل لحظة
هزيتلو براسي باهي و جبدت روحي منو...رجعت لبيتي مع صوت ويليام...غزرتلي تحكي
كاتيا:تحب نرضعو ؟
أنا:لاا...أنا باش نرضعو من عندي
هزتلي براسها باهي و خرجت...عديت يديا زوز على وجهي و قربت منو شوية...هزيتو في حضني و خذيت نفس من ريحتو و قعدت...سكت أول ما شد صدري عديت عينيا على وجهو مرة أخرى و رجعت بذاكرتي شهور لتالي...وقت خذيت قرار باش نتخلص من كلشي يربطني بيه..ساعات نحس أنو ربي عاقبني على أفكاري وقتها...أكا علاش حرمني من بنتي...و رغم نعرف انو اللي جاي صعيب برشاا...أما مجبورة نكمل ثنيتي و نحار-ب على خاطر ولدي...بيني و بين روحي نعرف أنو علاقتي بأركان وفات قبل شهوور و فما برشا حاجات ماتت في علاقتنا...يمكن بسبب اللي عملتو معاه و يمكن بسبب ظهورها في حياتو مرة أخرى...أصلا أنا و لا مرة إستبعدت مشاعرو ليها حتى و إحنا مع بعضناا...كنت نحس أنو مزال فما جزء منها دااخل قلبو...خاطر كان محتفظ بكلشي يخصها...و مع هكا صدقت الحلمة لي عشتها معاه حلمة خلاتني نخسر خوياا و خدمتي و بنتي و كلشي كان يعز علياا...معادش نعرف إذا لي نحس فيه توا هو كر-ه و لا حقد ناحيتو خاطر رغم كلشي منجمتش نتقبل الكلام لي سمعتو من أيان و لا نتقبل فكرة أنو هو باش يكون لمرا أخرى من غيري...و إذا تأكدت أنو هو رفض أنو يجي للكلينيك و تعمد أنو  يكون بعيد عليا في أهم لحظة من حياتي...مستحيل نسامحو خاصة أنو مكانش موجود مع بنتو و هي بحاجتو أكثر من أي شخص آخر...منعرفش الحفلة هاذي لأي مرحلة باش توصلناا...أما هو بالذات مظطر باش يواجهني و يعشقني من جديد زادة و مهما كانت علاقتو بإيما و لا أي مرا غيرها...هو باش يكون أسير لياا وحدي أنااا و كهو