آفْرُودِيتْ 🦢

الحلقة السادسة و الخمسون🧚‍♀️

🔸️حلقة 56
🔸️إلينا_تحكي:
هزيت راسي شوية من البانو...منعرفش قداش بقيت هوني...كنت بحاجة إني نفكر في وضعي أكثر..يمكن نلقى مخرج من هذا الكل..هزيت روحي بالسيف خرجت من الما و لبست الكاب متاعي و خرجت من غير ما نشيح شعري...أصلا معنديش جهد...هزيت راسي شوية و غزرتلو مصدومة...متوقعتش نلقاه في بيتي الوقت هذا...عديت عينيا على وجهو من غير حتى كلمة...قاعد في وسط الفوتاي...مد يدو شوية و دور البيسي متاعي ناحيتي...غزرت لصور لي كانو يتبدلو وحدهم...للحظة استرجعت تفاصيل النهار هذا أما ملقيتش جرأة باش نتكلم...منعرفش شكون عندو مصلحة يلاحقني و يمكن اسكندر ورا الصور هذوما زادة...فقت من سرحتي على صوتو يحكي
أركان:شنية هذا ؟
بقيت نغزرلو من غير حتى كلمة..معرفتش شنوة لازمني ننطق بالظبط...خاطر في الحالتين ماهوش باش يصدقني...قحرلي يحكي
أركان:منحبش نكرر سؤالي مرة أخرى
أنا:كنت تسأل لي بعث الصور
هز روحو وقف في لحظة و قرب مني...وخرت خطوة لتالي من غير ما نغزرلو...مد يدو شوية و هزلي راسي يحكي
أركان:متكملش على ●●●● منعرفش كيفاش مزلت متحكم في أعصابي لتوا بعد اللي شفتو
أنا:مهما قلت توا...أنت ماكش باش تصدقني
أركان:فاش كنت تعمل معاه ؟
أنا:طلبت منو يسحب إسمي من المهمة اللي وكلني بيها...بعد ما ولات علاقتنا كاملة
أركان:ريت الصور لي بينك و بينو ؟ ريت الوضع لي كنت فيه معاه ؟
أنا:مفما حتى شي من اللي في بالك...نهارتها كنت تاعبة برشا و فقدت توازني بعد الحوار اللي كان بيناتنا...غير هكا عرض أنو يساعدني في حالة إنسحبت من حياتك
أركان:إنتي كنت تلجأ ليه في كل مشكلة رغم إني بجنبك
أنا:هاك حبستني بعد ما لجأت ليك
غزرلي ندرا كيف و عدا عينيه على تفاصيل وجهي وقفت على صوابعي و قربت لوذنو نحكي
أنا:وليت تشبه شخص كنت نعرفو من سنين
بعدت عليه شوية و عطيتو بظهري باش نبعد عليه جبدني عندو في لحظة...وين ضرب ظهري في صدرو كبس عليا و نزل عندي شوية يحكي
أركان:إنتي مكنتش مجرد مراا عادية في حياتي حرفيا عطيتك كلشي عندي لدرجة لتوا منحبش نصدق السبب اللي خلاك تكون موجودة في حياتي
أنا:أنا كنت مجبورة وقتها
أركان:للأسف إنتي بقيت مجبورة حتى بوجودك معايا حتى بعد ما عرفت قيمتك عندي...إنتي استغفلتني في كل لقاء حضرت عليه و نتوما مع بعضكم و مع هكا ثقتي فيك كانت أكبر من إني نشك فيك
أنا:أنا مخنتكش و مستحيل كنت باش نعملها
تنهد بقوة و حط جبينو على كتفي لثواني...غمضت عينيا و عاودت حليتهم...نحكي
أنا:أنت متنجمش تخليني هوني طول الوقت...إذا تأكدت من أبحاثك حررني و أنا باش نخرج من المدينة متاعك الكل
أركان:للأسف ماكش باش تمشي لحتى بلاصة..مزلت متاعي و متنجمش تاخو خطوة وحدة من غير إذني
جبدت روحي منو في لحظة و تلفت عندو نحكي
أنا:أنا مانيش عبد عندك باش تتصرف معايا بالطريقة هاذي
أركان:باااهي...تفضل أمشي من هوني و وريني كيفاش باش تحمي رووحك...إنتي لتوا متعرفش مع شكون ورطت رووحك و لا حتى شنوة عملو المحقق في حقك وقت ذكر إسمك في مهمة كيما هاذي ساعة تعرف شكون الناس لي فوقو ؟ أقل واحد جنيرال سابق روبرت كونور...للأسف إنتي كنت مجرد طعم مش أكثر..في سبيل انو يحصل منك أي معلومة تفيدو بخصوص الأسلحة لي نستقبلها من روسيا و نصدرها بطريقتي و بخصوص أكثر من جريمة صارت قبل توا و تذكر إسمي فيها و آخر وحدة كانت لصوفي راميز...هذا غير تبييض الأموال و المخدرات لي تدخل و تخرج من اليونان بأمر مني
عديت عينيا على وجهو مصدومة من طريقة كلامو معايا...قرب مني شوية و قحرلي يحكي
أركان:يعني لي رماك في طريقي كان يعرف شنوة باش يصير فيك...و يمكن اختارك باش تكون الجريمة التالية لي ينجم يستغلها ضدي خاطرك مبعوثة ليا
هزيتلو براسي لا...منحبش نصدق لي نسمع فيه منو مد يدو و بعدلي خصلات شعري من وجهي...يحكي
أركان:وجودك في حياتي...خلى قلبي يدق من جديد بعد ما دفنتو مع ولدي و مفما حتى سبب في الدنيا يخلي مشاعري تبرد ناحيتك...يمكن أمورنا تاخو شوية وقت باش تتصلح...أما تأكد من هوني لوقتها لا أنا و لا أي حد آخر عندو الحق باش يمس شعرة منك
أنا:م..ملا علاش حبستني هوني ؟
أركان:خاطر ما عندي ثقة في حتى حد...بعد ما تكشفت الحكاية منعرفش شكون ممكن يضرك..قبل ما نتأكد من طقم الحراسة و الخدم...إنتي باش تبقى في الجناح متاعك مع خوك و ممنوع تقابل أي حد و بالنسبة لقضية غالي لتوا مش معروف شكون حركها من جديد و الهدف متاع الشخص هذا هو أنو يضرك إنتي و خوك و لا مكانش باش يحل قضية ليها سنين
أنا:شنوة باش يصير بعد توا ؟
أركان:منعرفش...أما مدامك تحت حمايتي مفما حتى حد ينجم يضرك
أنا:أنت متنجمش تحميني إذا مكنتش مصدق كلامي و مشاعري ناحيتك
أركان:الوقت كافي باش يثبت كلشي
أنا:و لا ينهي كلشي
غزرلي من غير حتى كلمة و سحب الفلاشة من البيسي يحكي
أركان:هات تليفونك
أنا:علاش ؟
أركان:باش يبقى عندي الفترة هاذي...تحسبا لأي شي
هزيتو من تابل دونوي و حطيتو في يدو...كبس عليه يحكي
أركان:بعد شوية يكون عندك واحد آخر
أنا:مش لازم...مانيش بحاجتو
هز عينيه في وجهي...عطيتو ظهري بالوقت...نسمع فيه يحكي
أركان:حديثنا مزال موفاش...غير هكا إنتي مجبورة تسمع كلامي طول الفترة الجاية...واااضح
أنا:باااهي
بعدت شعري من وجهي و تلفت ورايا كي حسيت بيه خرج...منعرفش علاش قربو دخلني بعضي لهدرجة...و رغم وضعنا توا...تمنيت كان حطينا كلشي على جنب و بقى بجنبي أكثر من هكا