آفْرُودِيتْ 🦢

الحلقة الثامنة و الأربعون🧚‍♀️

🔸️حلقة 48
🔸️نوح_يحكي:
خذيت نفس طويل من ريحتها و جبدتها من عندي شوية...كلشي خممت فيه دقايق لتالي إني نحكي في كلشي عندي..مهما كانت ردة فعلها و لا قرارها..غزرتها
ليا روهجتني أكثر و خلاتني عاجز باش نبعد عليها مديت يديا زوز و كبست على يديها...برودتهم سرات فيا بالوقت...غزرتلي ندرا كيف تحكي
آنيا:نووح
أنا:ياخي لوسي أهم مني توا ؟
هزتلي براسها لا...ضحكت بالوقت و بستها من جبينها نحكي
أنا:منحبكش تمشي توا
عديت صوابعي على خدها و هزيتلها راسها أكثر غزرت لشفايفها نحكي
أنا:إنتي كيفاش تمشي من هوني و تخليني وحدي
آنيا:أنت خليتني نمشي
أنا:بالله ؟ ساعة نسيت لي عملتو فيا جراير السيد ليو
آنيا:شبيك تحكي معايا هكا ؟
أنا:إنتي لتوا مجاوبتنيش
آنيا:على شنوة ؟
أنا:أنا نحب نعرف مشاعرك ناحيتي...منحبش نفرض روحي عليك و لا حتى نخليك تضيع جرايري...كيما منحبكش تكون معايا خاطر تحس روحك مدينة ليا قبل كلشي أنا عيلتك توا و مهما كان قرارك مستحيل ناقف ضدو...حتى على حسابي
آنيا:يعني أنت باش تحترم قراري لو أنا إخترت ليو
عديت عينيا على وجها...الرعشة لي كانت فيها تحولت ليا...دقات قلبي قوات...خاطرني توقعت جواب آخر منها...رخفت يديا عليها و بعدت شوية تبسمت نحكي
أنا:أكيد...المهم أنك تكون مرتاحة
آنيا:هكا ؟ بالبساطة هاذي ؟
أنا:شنوة ؟
آنيا:منعرفش...إذا أنت تحبني شبيك تقبلت الموضوع عادي ؟
أنا:شنية تحبني نعمل آنيا ؟ نمشي نقتلو و لا نحبسك هوني ؟ هكا في رايك نبرهن حبي ليك و نخليك تحبني ؟
آنيا:إيييه هكااا
ضيقت عينيا مستغرب..بعدت عليا شوية و عطاتني بظهرها...تمشي و تحكي فرد وقت
آنيا:الحق عليا نصدق فيك
خلطت عليها بالوقت...كبست على يدها و دورتها عندي تكيتها على الحيط لي وراها قبل ما تجبد روحها قحرتلي تحكي
آنيا:أبععد عليا
أنا:أنا لي نحب نسألك شنوة تحب مني آنيا ؟ شنوة المطلوب مني باش ترحمني ؟
آنيا:حتى شي..منحبش نكون مع شخص يتخلى عليا بالساهل
أنا:أنا تخليت عليك ؟ ●●●● تحب تهبلني ؟ هاني قريب نفقد عقلي جرايرك..ساعة معادش نعرف نركز في الخدمة و لا في حياتي بسببك و إنتي تقولي نتخلى عليك بالساهل ؟ بسببك نحس في روحي مربوط آنيا و منعرفش شنوة نعمل..إنتي تقيد فيا بطريقتك..كل حد يقرب منك تأمن فيه و تردو صديق ليك و تحميه على حسابي..من غير ما تهتم شنوة رأيي في الموضوع كلشي فسرتو على أساس أمر مني مش خوف عليك
مدت يدها بالوقت و حطت صوابعها على شفايفي تحكي
آنيا:أحكي بالشوية...تعرفني منجمش نفهم كلشي كي تحكي معايا هكا
بعدتلها يدها و كبست عليها مع الحيط نحكي
أنا:شنعمل فيك أنا توا ؟
آنيا:كان جيت تحبني متهددنيش زادة
ضحكت و عديت عينيا على وجها...نحكي
أنا:ياخي باش تشد في الكلمة هاذي مع كل فازة نعملها ؟ تراه قولي شكون يتحمل في اللغة متاعك لي واكلة شطر حروفها كيفي ؟
آنيا:عيب عليك تضحك عليا
أنا:مانيش نضحك يا حبي..هذا من غلبتي و كهو هاك باش تقضي عليا و نموت ناقص عمر يرضيك هكا ؟
آنيا:هكا باش تخليني وحدي بالحق
أنا:هاو ليو موجود معاك
غزرتلي ندرا كيف...لقطت دمعتها بصوابعي قبل ما تهبط...نحكي
أنا:علاش الدموع هذوما توا ؟ مش هذا اللي تحب عليه ؟
آنيا:أنا منحبش ليو...قتلك قبل توا أنو هو صديقي أما محبيتش تصدقني
أنا:آنيا يا روحي..أنا هو صديقك الوحيد هوني..ياخي تحب ترزي الراجل في عمرو و خدمتو ؟
آنيا:شبيك تهدد فيا مرة أخرى ؟
أنا:إعتبرو كيما تحب..هاني قريب شهر ناكل في روحي بسببك و سبب السيد لي خايفة عليه
مدت يدها شوية و حطتها على صدري..هزت عينيها في وجهي تحكي
آنيا:أنت بالحق تحبني ؟
عديت عينيا على تفاصيل وجها...سؤالها كان بريئ لدرجة خفت إني نخذلها و نخذل المشاعر لي بيناتنا توا...كملت كلامها تحكي
آنيا:تحبني كيما أركان يحب إلينا ؟ نقصد ماكش باش
تتخلى عليا كيما عملت مع لورا ؟ وقت تلقى أحسن مني ؟
أنا:إنتي ماكش مجرد رغبة عابرة بالنسبة ليا...أنا نحب نعدي معاك بقية عمري من غير ما نخمم في الماضي و لا في أي إحتمال خايب
آنيا:أنت متأكد من قرارك ؟
أنا:إنتي خايفة مني ؟
آنيا:نوح أنا ما عندي حتى حد..منعرفش إسمي الكامل و معنديش عيلة زادة...مكملتش قرايتي و ما نعرف حتى شي يخليني من مستواك...إذا سحبت على قرارك مبعد أعرف أنك باش تضرني و باش تغرقني في القاع لي كنت فيه أكثر
أنا:متخاافش مني آنيااا..نضر روحي و منضركش إنتي ملاكي الطاهر لي مستحيل نتخلى عليه...حتى على جثتي...هذا وعدي ليك
أنا:و شنية حكاية الطفلة لي كانت معاك بكري ؟
أنا:إيميلي معرسة و حبلة بالثالث..حتى إني خبرتها باش نجيب صغير حتى أنا
آنيا:من وين باش تجيبو ؟
أنا:منك
آنيا:مني أنا ؟
أنا:أكيد مانيش باش نعدي عمري من غير صغار منك حتى أنا نحب ثلاثة جنيات كيفك إنتي
آنيا:نوح ميطلعش هذا الكل مجرد حلمة ؟
مديت يدي شوية و قرصتها من جنبها...كبست على صدري تحكي
آنيا:وجعتني
نزلت على شفايفها شوية..بستها منهم نحكي 
أنا:مزلت باش تذوق برشا وجايع بنينة...غير هكا متوحشتنيش ؟
آنيا:توحشتك و مغرومة بيك من أول مرة ريتك فيها و لوسي نفس الشي
ضحكت و نزلت بيدي لآخر ظهرها...عنقتها و كبست عليها في حضني..نستحلى في يديها لي دارو على ظهري...تنهدت براحة غريبة محسيتش بيها قبل توا كلشي يهمني في اللحظة هاذي إني نخليها في حضني و ننسى كلشي تعديت بيه قبل توا...تكفيني الراحة لي نحس فيها بين يديها توا و معاد يهمني حتى شي آخر.