آفْرُودِيتْ 🦢

الحلقة الواحدة و الثمانون🦢

🔸️حلقة 81
🔸️إلينا_تحكي:
عديت عينيا على تفاصيل وجهو...متوقعتش نشوفو هوني و لا حتى نتحط في الموقف هذا معاه...مزلت حاقدة عليه و ناقمة على اللي عملو معايا...مع أنو كل تفكيري كان معاه...أما أول ما ريتو تذكرت لي صار تذكرت إتهامو ليا و قلة ثقتو فيا...و لتوا منعرفش شنية يحب مني و لا وين يحب يوصل بالظبط...كل مرة يقرب مني يخليني ضايعة أكثر و منعرفش شنوة لازمني نعمل...كيما هاذي أول مرة نحس إني وصلت معاه لثنية مسدودة و مفيهاش رجعة...خاطر وجعني عاللخر...وجعني لدرجة إني معادش نجم نغزر لوجهو و لا حتى نقرب منو...قويت روحي و غزرتلو نحكي
أنا:متنجمش تحبسني هوني طول الوقت
أركان:إذا إظطريت نحبسك هوني...صدقني نعملها لين تركح و تسمعني
أنا:أنت وفيت بالنسبة ليا و لي باش تقولو ماهو باش يبدل حتى شي بيناتنا...أنا خسرت برشا بسببك و مانيش مستعدة نخسر روحي أكثر من هكا...فما حياة بعيدة عليك تستنى فياا...حياة أنت ماكش فيها
أركان:إنتي متنجمش تتخلى عليا إلينا...و مستحيل تتخلص مني حتى لو هربت لآخر الدنياا
تبسمت و عاودت هزيت عينيا في وجهو...نحكي
أنا:أنت متنجمش تحافظ على شخص ميت أركان وجودي معاك ماهوش باش يخلق حتى فرق في حياتك...مشاعري ناحيتك ماتت الكل
أركان:إنتي قاعدة تكذب على روحك
أنا:اللي بيناتنا كان مجرد رغبة و كهو...عالأقل من ناحيتك أنت...أما علاقتنا فارغة و خالية من كلشي و أهم حاجة إحنا معندناش ثقة في بعضناا...أنت متنجمش تاثق في مرا قربت منك باش تضرك و أنا منجمش ناثق فيك...خاطر تبعد و ترجع كيما تحب أنت...أكا علاش يا ريت تبقى بعيد و معادش تدخل لحياتي مرة أخرى و بالنسبة لعلاقتي بأيان ما عندك حتى حق تدخل فيهااا
أركان:نظن إني خبرتك قبل بداية علاقتنا أنو مصير حياتك باش يكون مرتبط بياا...متنجمش تبعد عليا مهما عملت...غير هكا مفما حتى شي إسمو علاقة بينك و بينو
تبسمت و عديت عينيا على تفاصيل وجهو...نحكي
أنا:تتوقع أني باش نخاف منك إذا قررت نكون معاه ؟
أركان:متقولش كلام تندم عليه
أنا:أيان عرض يعرس بيا و أنا وافقت المرة هاذي
ضحك و عدا عينيه على وجهي...يحكي
أركان:بالله ؟
غزرتلو بتحدي...و خذيت نفس طويل باش نبعد عليه حط يدو جنب راسي و قربلي أكثر...حصرني لدرجة حسيت بأنفاسو لي ضربت في وجهي...غير عينيه لي كانت تتفحص فيا بحدة...كبست على يديا زوز و قحرتلو نحكي
أنا:فاش تعمل ياخي ؟
دخلت بعضي أكثر كي نزل عليا في لحظة...وين حسيتو باش يلامس شفايفي...كأنو يحب يخليني نرضخ بتصرفاتو هاذي...دورت وجهي قبل ما يبوسني...مد يدو شوية...كبس على خدي و دورلي وجهي يحكي
أركان:أغزرلي هووني...أغزررلي إلينا
هزيت عينيا في وجهو مرة أخرى...نزل بصوابعو لشفايفي و غزرلي ندرا كيف...يحكي
أركان:علاش تعمل فينا هكا ؟ جاااوبني ؟
كبس على يدي أكثر...وين ريت غزرتو لي تبدلت منعرفش علاش نحسو مينجمش يأذي أيان...و ميحبش يتحط بيناتنا زادة...تبسمت نحكي
أنا:القرار هذا يخصني وحدي...إذا كان أيان باش يعطيني الإستقرار و الأمان...مستعدة نكمل حياتي معاه...عالأقل علاقتنا باش تكون واضحة للكل
أركان:إنتي متاعي...حبيت و لا كرهت هاذي الحقيقة الوحيدة لي لازمك تتعود عليها و متنساهاش جملة
أنا:و أنت كنت أكبر غلطة في حياتي...غلطة أدركتها متأخرة...أما تعلمت منها...تعلمت كيفاش نعفس على مشاعري و قلبي...تعلمت كيفاش نتخلص من حبي ليك اللي فك مني كلشي و صدقني كل لحظة تتعدا عليا ننقم عليك أكثر و نكره كل نفس مزال يخرج منك
عدا صوابعو على شفايفي و رجع بيهم لخدي...كأنو قاعد يظغط عليا و حس بدقات قلبي لي تمردت عليا و بالنسبة ليا أكثر شي كرهتو هو ضعفي قداامو معادش نحب نبين نقاط ضعفي ليه و لا حتى نستنى منو يتنازل لياا...و يكون واضح معاياا عالأقل مرة وحدة رجعلي خصلات شعري لتالي و غزرلي يحكي
أركان:إنتي قاعدة تكذب عليا مرة أخرى آنسة دايون خاطر رعشة شفايفك و دقات قلبك اللي حسيت بيها توا...تقول عكس كلامك
لعنت روحي ألف مرة على مشاعري لي ديما تفضحني قدامو...و تخليه يقرا كل حركاتي و تصرفاتي منعرفش علاش مزلت لتوا منجمش نتحكم في اللي نحس فيه و هو قريب لهدرجة...أما كان لازمني ننقذ نفسي من الموقف هذا و نخليه يبعد عليا و لا عالأقل نكسر غرورو و ثقتو بنفسو اللي يتعامل بيها معاايا في كل مرة خذيت نفس...هديت بيه روحي...فرد وقت تبسمت و هزيت عينيا في وجهو...نحكي
أنا:ميهمش برشا اللي حسيت بيه أنت...الأهم إني تخلصت منك و نجمت نبدا من جديد و للأسف أنت متنجمش تبدل واقع إني ملك راجل آخر غيرك أنت خاصة أنو إرتباطنا باش يكون قانوني سيد أركان بالمختصر أنت معاد ليك حتى بلاصة بيناتنااا
غزرلي ندرا كيف...وين بقى ساكت من غير حتى كلمة و لا حركة...حسيتو تصدم من طريقة كلامي و غزرتي ليه...حبيت ملامح وجهو لي تبدلت في لحظة...و حسيت إني إنتصرت عليه و خليتو يحس بنفس الشي لي خلاني نعيشو أسبوع لتالي...بالنسبة ليا منجمتش ننسى غزرتو ليا و لا طريقة كلامو معايا و مانيش باش نخليه ينسى هو زادة...حتى لو إظطريت نوجعو في كل مرة نشوفو فيها...يمكن بالطريقة هاذي نبرد و ننسى...و لا عالأقل نتخلص من الجرح اللي في قلبي...بقيت نغزرلو من غير حتى كلمة..وين حسيت بأنفاسو لي قوات في وجهي على قبل..كأنو باش يطرشق في لحظة...غير هكا منجمتش نعرف فاش يخمم و لا حتى نعرف الخطوة اللي ناوي يعملها بعد اللي صار معانا هوني الكل...تعدات الدقايق لي بيناتنا من غير حتى ردة فعل وسط هذا الكل حسيت إني بردت شوية بعد ما ريت ملامح وجهو لي تكبست...كبست على علبة الخاتم في يدي و حاولت نجبد روحي منو...مد يدو بالوقت حطها على جنبي و جبدني قبل ما نبعد..حصرني مرة أخرى..هزيت عينيا في وجهو بالوقت...قحرلي يحكي
أركان:لي خرج من فمك توااا آخر مرة نسمعو منك
أنا:و لا شنية باش تعمل ؟؟
أركان:نحرقك
غزرتلو من غير حتى كلمة...نزل عليا أكثر...وين حسيت بأنفاسو لي ضربت في وجهي و كمل بقية كلامو في شفايفي
أركان:و نحرق أي حد يحط عينو عليك
أنا:فاش تستنى ملااا
أركان:متلزنيييش...خاطرني منحبش نوجعك
أنا:مانيش خايفة منك
دزيتو بيديا زوز لتالي و غزرتلو بتحدي...نحكي
أنا:حتى لو حرقت الدنيا الكل...مانيش باش نرجعلك مرة أخرى
شدني من رقبتي و رجعني لتالي...غمضت عينيا بالوقت باش منغزرلوش أكثر...قرب لوذني يحكي
أركان:للأسف المرة هاذي معندكش إختيارات...يا تكون متاعي بإرادتك...يا ندفنك بيديا زوز
حاولت نبعدو عليا مع أنفاسي لي تقصت و قحرتلو باش نحكي...سكتني كي عضني من شفايفي و كبس عليهم وين معادش نعرف إذا قاعد يبوس فيا و لا يعاقب فيا...كبست على صدرو باش نخليه يبعد..أما كان أقوى مني...طاحت العلبة مني يدي...بعد ما استطعمت الدم بلساني...كبست على أجنابو...باش نخليه يبعد...جبد روحو شوية و شدني من يديا زوز قحرتلو نحكي
أنا:ساااقط و متوحش...سيبنييي
كبس عليا أكثر و عاود باسني من شفايفي بالشوية و غزرلي يحكي
أركان:هذا حتى شي من اللي باش يصير فيك إذا تكرر الكلام لي سمعتو من شوية
أنا:أبعععد علياا
مد يدو شوية و عدا صوابعو فوق شفايفي...مسح الدم لي نزل منهم يحكي
أركان:منحبش نسمع صوتك مرة أخرى و اللي باش نقول عليه...هو اللي باش يصير
أنا:مستحيل...أنت ما تنجم تفرض عليا حتى شي
أركان:متختبرش صبري إلينا و إلا صدقني باش نقضي على أي حد يقرب منك و أولهم أيااان
أنا:أنت تهدد فيا ؟
أركان:بالظبط و هاذي آخر مرة تخرج مع غيري مكانش نخليك تنسى العالم الخارجي
أنا:تتوقع باش نرضخ لتهديداتك ؟
مديت يديا زوز و دزيتو لتالي...فرد وقت نزلت باش نهز العلبة...عفس عليها بساقو و جبدني مني يدي يحكي
أركان:إني نقت-لك و ندفنك أهون من إني نخلي شكون يحط يدو عليك و توا تمشي قدامي من غير حتى كلمة و لا صدقني ماهوش باش يصير خير
جبدني عندو أكثر و حل الباب...وين لقيت شكون واقف برا متوتر...قرب منو يحكي
هو:تفضل سيد أركان
أركان:خبر سيد أيان أنو العشا على حسابي ليلة و خليهم يجيبولي كرهبتي من الخرجة الثانية
أنا:شنية تستخايل في روحك تعمل و ويت باش تهزني
جبدني من يدي بلا ما يجاوبني...إظطريت نطاوعو بسبب العمال لي كانو يغزرولنا...حاولت نفلت روحي منو اما قبضتو كانت قوية لدرجة حسيت يدي باش تطير ركبني يحكي
أركان:حسابنا مزال مبداش
أنا:نزلني توااا...معندكش حق تتصرف معايا بالطريقة هاااذي
حاولت نحل الباب أما منجمتش بعد ما سكرها قبل ما يركب و بعد ما ركب زادة...شد الثنية يحكي
أركان:معناااها تحب تعرس بيه ؟ هذا لي تخمم فيه ؟
أنا:أموووري متخصكش...ياااخي أنت شنية تحب مني ؟ مش خرجت من حياتك و خليتك مرتااح علاش تعمل في هذا الكل ؟ و وين باش تهزني ؟ جاااوبني أركاااان
أركان:والله باش تبقى في بلاصة ما تشوف فيها حتى حد غيري
أنا:مفهمتكش...شنية تقصد ؟ ياخي نسيت ويليام ؟
أركان:لا منسيتش...إنتي باش تطلب أمك توا و تقولها تحضرو...باش نتعدا عليها توا و جرب تعمل العكس وقتها اللي باش يصير ماهوش باش يعجبك جملة
أنا:خليت تليفوني في المطعم
مد يدو و طيش تليفونو بين يديا...حليتو و طلبت كاثرين لي كان رقمها موجود...هزت عليا تحكي
كاثرين:تفضل أركان
أنا:أنا إليناا
كاثرين:إلينا ؟ لباااس ماهو عزيزتي ؟ شنية يعمل تليفون أركان عندك و شنية صاار ؟
أنا:مفما حتى شي...حضر ويليام توا...أنا باش نجي نهزو
كاثرين:مفهمتكش ؟ ياخي وين باش تمشي معاه في الوقت هذا ؟
أنا:متخاافش علياا...أعمل لي قتلك عليه و كهو
كاثرين:باهي يا روحي
علقت عليها و حطيت تليفون من يدي...منجمتش نعارضو...خاطرني خفت من الحالة لي كان فيها و من الطريقة لي كان يسوق بيها زادة...كيما منجمتش نحكي معاه باش ميهردش الدنيا أكثر...شد الفران بعد ما وصلنا و قحرلي يحكي
أركان:رد بااالك تتحرك
أنا:اللي تعمل فيه ماهو باش يبدل حتى شي بيناتنا و باش يخليني نكرهك أكثر
قحرلي و نزل من الكرهبة...استلم ويليام منها بعد تكلم معاها شوية و منعها تقرب من الكرهبة...حلي الباب و حطو في حضني...كبست عليه و قربتو ليا غريبة كمية الأمان لي حسيت بيها أول ما شميت ريحتو...طيش الصاك متاعو من تالي...و رجع بجنبي خدم الكرهبة من غير حتى كلمة...حتى ويليام معاودش غزرلو...حسيتو مش قد بعضو...لدرجة كان يزيد و ينقص في السرعة كأنو معرفش يتحكم في أعصابو...غير هكا منجمتش نسألو على الوجهة متاعو و لا وين باش يهزني زادة منعرفش أصلا شنية يحب مني بعد اللي صار الكل و مدام يخاف عليها مني...و لولا خوفي على ويليام من حالتو هاذي..مكنتش باش نعديلو الفازة..حسيت الثنية طوالت..لدرجة أنو ويليام غفى في حضني..كبست عليه و تنهدت بقوة خاطرني معادش نجم نخمم في الإحتمالات اللي باش تصير..غير هكا مانيش مستعدة باش نشوفو لا حتى نحكي معاه زادة...هزيت راسي شوية مع البوابة لي تحلت في لحظة و غزرت لرجالو لي كانو واقفين و للفيلا لي كانت مقابلتنا زادة...مكنتش نعرف المكان هذا من قبل أصلا أنا ملحقتش باش نتعرف عليه بالقدا...حتى نعرف الأماكن لي يقصدها و يملكها...شد الفران و نزل...بقيت في بلاصتي...حسيت روحي ضايعة و منعرفش شنووة لازمني نعمل بالظبط حلي الباب يحكي
أركان:أنزل تواا
أنا:رجعني...مفما حتى سبب يخليك تجيبني لهوني
نزل عليا شوية باش يهز ويليام...كبست عليه في حضني و قحرتلو نحكي
أنا:راقد تواا
أركان:أنزل توااا...متخلينيش نكرر كلامي
خذيت نفس و هزيت روحي نزلت...دورت وجهي باش منغزرلوش أكثر...و عديت عينيا على الفيلا مرة أخرى خلطت عليه بالسيف...خاطر معنديش حل آخر...تلفت عندي يحكي
أركان:حطو في الغرفة غديكا باش يرتاح في نومتو
حطيتو على الفوتاي و قعدت قريبة ليه...غزرلي يحكي
أركان:لازمك تتعود على المكان هوني...خاطرك باش طول فيه
أنا:مانيش باش نبقى معاك...أنت متنجمش تجبرني على حاجة هكا
أركان:والله هذا اللي باش يصير...سواء حبيت و لا كرهت...غير هكا نحبك تنحي الفستان هذا تواا معادش نحب نشوفو على بدنك
نزلت راسي و عديت يديا زوز على وجهي...نهدي في روحي...بعد عليا و دخل للغرفة...رجع بعد دقايق و حط قطع من الدبش متاعو بجنبي و هز عينيه في وجهي يحكي
أركان:بدل دبشك توا
هزيت راسي شوية قحرتلو...كبست على حوايجو في يدي و طيشتهم عليه نحكي
أنا:ما نلبس حتى شي من عندك
هد عليا في لحظة و نزل عندي...استند بساقو بين ساقيا و حط يدو على رقبتي...يحكي
أركان:تبدل و لا نتصرف وحدي ؟
أنا:نحب نمشي من هوني...معندكش حق تخطف-ني بالطريقة هاذي و لا حتى تهددني بالناس لي نعرفهم
أركان:تلبس و لا لا ؟
أنا:لااا
غزرتلو بتحدي...بعد عليا شوية و عاود نزل عندي هزني على كتفو يحكي
أركان:إنتي حبيت
أنا:نزلني توااا
أركان:منسمعش حسك
ضربني من تالي كيما كل مرة و دخل للبيت حطني بالوقت و جبدني من يدي...شد الفستان بيدو لأخرى قطعو بالوقت و قحرلي يحكي
أركان:نحيه توااا
أنا:منحييييهش
قرب مني و شقو من تالي بقوة...خاطرني رفضت نسمع كلامو...فرد وقت حل القطعة الفوقانية و جبدها...بعدت عليه و غطيت روحي نحكي
أنا:معندكش حق تتصرف معاياا هكاا...مانيش ملكك باش تفرض أوامرك عليا
شدني من رقبتي و دزني لتالي في لحظة...نزل عليا يحكي
أركان:منحبش نسمع الكلام هذا مرة أخرى و تأكد يا إلينا...إذا سمعت و لا عرفت أنو هو تمادى معاك و لا حتى حاول يحط يدو عليك...وعد مني نقتلو قداام عينيك...تسمع فياااا
غزرتلو من غير حتى كلمة...خاطر كان نتكلم توا يشعل أكثر...جبد روحو مني مع صوت ويليام لي بدا يبكي و غزرلي يحكي
أركان:ألبس أي حاجة ترتاح فيها و من غدوة نوصيهم يجيبولك لي تحب عليه
أنا:ما نحب حتى شي منك
كبست على صدري و عطيتو بظهري...خرج و خلاني تكيت على الحيط محاولة مني باش نسترجع أنفاسي و نتخلص من الغصة لي واحلة في حلقي قعدت على الأرض مع دموعي لي هبطت...منجمتش ننسى لي صار و لا حتى نصدقو المرة هاذي...غير هكا حسيت روحي وحلت معاه و منعرفش شنوة لازمني نعمل و لا حتى كيفاش نخرج من الموقف هذا...رجع عندي بعد ما سكت ويليام و ضيق عينيه مستغرب يحكي
أركان:فاش تعمل ؟
دورت وجهي بالوقت...تنهد بقوة و نزل عندي يحكي
أركان:إلينا من وين جبت التصرفات هاذي ؟
أنا:منحبش نبقى معاك و معندكش حق تتصرف معايا بالطريقة هاذي...مانيش مجبورة نبقى معاك تحت سقف واحد...نحب نرجع لداري توا
أركان:ماكش باش ترجع و لا باش تقابلو مرة أخرى
أنا:أنت مستحيل تتخلص من أنانيتك هاااذي...غير هكا أنا مستحيل نكون معاك بعد اللي شفتو منك
أركان:و أنا مانيش باش نبرر اللي صار أكثر من هكا مدامك ماكش باش تصدقني و لا تاثق فيا
أنا:علاش جبتني هوني ملاا ؟
أركان:قوم رضع ولدك و تعود على المكان هذا خاطر باش تبقى فيه طول الفترة الجاية
أنا:مفهمتكش...ياخي أنت باش تخليني هوني بالسيف علياا ؟
هز روحو وقف و خرج من البيت مرة أخرى...خلطت عليه مصدومة من كلامو...و وقفتو نحكي
أنا:أنت شنوة تحب مني بالظبط ؟ ياخي منعتني نعرس بيه على خاطر ويليام ؟ أنت تعيش حياتك بالطريقة لي تحب عليها و أنا نبقى أم لولدك و عشيقتك مش أكثر
أركان:أزرب روحك و رضعو و إلا ماهوش باش يسكت
أنا:إذا كان كل همك ولدك تنجم تحتفظ بيه و تخرج من حياتي
هز عينيه في وجهي مستغرب من كلامي...حتى أنا منعرفش كيفاش خرج الكلام هذا مني...تبسم يحكي
أركان:معناها إنتي مستعدة تعرس بيه حتى على حساب ولدك ؟
بقيت نغزرلو من غير حتى كلمة...قرب مني بخطوات ثابتة و عدا عينيه على وجهي يحكي
أركان:مدام هكا أمشي من هووني و أنسااه جملة
غزرتلو مصدومة...متوقعتش يقولي هكا و لا حتى هو مستعد يتخلى عليا بالسرعة هاذي باش يحافظ على ولدو...قحرتلو و مديت يدي باش نضربو...شدني منها و دورها ورا ظهري يحكي
أركان:مش هذا اللي تحب عليه ؟
أنا:أنت ساااقط و حيوااان...أصلا هذا اللي كنت تحب عليه من الأول
أركان:لي نحب عليه واضح و خبرتك بيه...يا تبقى معايا بإرادتك...يا تموت على يدي و متكونش لواحد آخر
عديت عينيا على وجهو مصدومة من طريقة كلامو معايا...و من تصرفاتو...معادش نعرف فاش يخمم و لا نعرف كيفاش باش نتصرف معاه...خاصة بعد الوضع لي حطني فيه...من غير ما يخمم فيا و في شنوة نحب بالظبط...المهم عندو يعمل لي يحب عليه هو و كهوو.
خذيت نفس طويل و حاولت نجبد روحي منو...فلتني في لحظة وخرت لتالي و هزيت ويليام في حضني بالسيف...خاطر محبش يسكت...بستو من راسو نحكي
أنا:أناا هووني ياا روحي
كبست عليه و رجعت للبيت...رضعتو و حطيتو بجنبي أصلا مستحيل نسمح لأي شخص يبعدني عليه و لا يحرمني منو...هزيت روحي بالسيف و وقفت جنب البلار...نغزر للبحر لي كان هايج عاللخر منعرفش فاش كنت نخمم و لا حتى قداش تعدا وقت بالظبط...فقت من سرحتي كي دخل عندي يحكي
أركان:بدل دبشك و إيجا تاكل
دورت وجهي من غير حتى كلمة...قرب مني شوية يحكي
أركان:مانيش باش نكرر كلامي معاك و الفستان هذا تنحيه توااا...معااادش نحب نشوفو على بدنك
كبست على صدري أكثر...بسببو حالتي تبهدلت هكا غير هكا مزلت نحس بكبسة يدو لي وجعني بيها بكري أصلا معادش نجم نتحمل الظغط متاعو خاطرني بالطريقة هاذي منجمش نهتم بولدي..مديت يدي و مسحت دموعي...وين حسيتو تهد في لحظة قرب مني أكثر و جبدني من يدي...عنقني بالوقت و عدا يدو على ظهري يحكي
أركان:ششش...يززي تواا...علاش الدموع هذوما ؟
أنا:نحب نمشي من هوني
أركان:ماكش باش تمشي قبل ما نحلو أمورنا الكل إنتي توا بحاجة راحة...بدل دبشك و أرقد شوية
أنا:ما نحب حتى شي منك
تنهد بقوة و مد يدو لأطراف الفستان...كبس عليه و جبدو في لحظة...وين طاح عالأرض...نزل عليا شوية و هزني في حملتو...حطني في وسط الفرش جنب ويليام و غطاني يحكي
أركان:خليك جنب ولدك...مدامك متحبش تلبس
تسطحت بالوقت و كبست على يدو...غفيت من غير ما نحس...حتى ويليام محسيتش بيه كي هزو من جنبي قمت مفجوعة لدرجة منعرفش كيفاش خرجت من البيت...كبست على الغطا فوق صدري و غزرتلهم...حطو بجنبو على الفوتاي و قاعد يتفرج في الكرتون...رغم أنو مزال صغير...نظن حتى هو تعود على طريقتي...تلفت عندي يحكي
أركان:شبيك ؟
عديت عينيا على وجهو من غير حتى كلمة...للحظة حسيت روحي باش نفقد توازني...وين قرب مني و سندني بالوقت يحكي
أركان:ريت عنادك وين يوصلك ؟
هزني في حملتو و رجعني لسرير بالوقت...و قعد بجنبي يحكي
أركان:مخليتوش بجنبك...خاطر كان باش يفيقك كي العادة..و اذا مكليتش توا باش تتعب أكثر و متنجمش ترضعو
أنا:أنت متنجمش تحبسني هوني...و لا حتى تاخو قرارات تخص حيااتي بالطريقة هاذي...غير هكا وعدتني أنك مستحيل تبعد ويليام عليا
مد يدو شوية و عدا صوابعو على خدي ونزل بيهم للجرح لي فوق شفايفي يحكي
أركان:مزلت عند وعدي ليك...أنا مستحيل نحرمك من ويليام مهما كانت ظروفنا
أنا:و الكلام لي قلتو بكري ؟
أركان:أنا جيست حبيت نعرف ردة فعلك...غير هكا أنا مستحيل نخليك ترتبط بغيري...إنتي جزء مني و قطعة من روحي...و مستحيل نعيش من غيرك
مديت يدي بالسيف...كبست على يدو و نزلتها من وجهي نحكي
أنا:مش صحيح...أصلا علاقتنا سامة...كل مرة نقربو لبعضنا نضرو بعضنا أكثر
أركان:متقولش هكا فينوسي...أنا منعرفش نعيش من غيرك...نعرف أنو إنتي موجوعة مني...و يمكن مزلت نأذي فيك لتوا...أما كأني خايف نضيع أكثر...و نخسرك كيما خسرت الناس اللي نحبها الكل بالمختصر أنا منعرفش كيفاش لازمني نحافظ عليك خاطرني كل مرة نقربلك فيها نخليك تبعد أكثر
عديت عينيا على تفاصيل وجهو...على غزرتو لي عكست مشاعرو في لحظة...مديت يدي بالسيف و حطيتها على خدو...هو رغم قربو مني أما نحس أنو حلمة ممكن توفي في أي وقت...تبسمت نحكي
أنا:اللي عشتو معاك و لي عطيتهولي قبل كان الحلم لي حبيت نكمل فيه حياتي..أما الواقع عكس هذا الكل أنت باش تعدي عمرك الكل خايف مني نضرك و لا نضر الناس القريبة منك و أنا منجمش نبقى مع شخص ممكن يخرج من حياتي في أي لحظة...أنا حبيتك و مكنتش باش نضرك حتى حساب نفسي و رغم إني خسرت خويا الوحيد و الشخص لي حياتي الكل مرتبطة بيه داخل أسوار قصرك...أما مشكيتش فيك و مربطتش موتو بيك جملة..أما أنت متنجمش تاثق فيا و لا في حبي ليك
كبس على يدي باسني منها و هز عينيه في وجهي يحكي
أركان:أغزرلي هوني تراه..تتوقع أنا نجم نشك فيك ؟ نعرف اللي قلتو ليلتها وجعك..أما كان من غير قصد أنا جيست كنت معصب منك و من صحة راسك لي تفرضها علياا
هزيتلو براسي لا..معادش نجم نصدق كلامو خاطرني
مزلت منسيتش لي شفتو و منسيتش خوفو عليها خذيت نفس نحكي
أنا:أنت متنجمش تكذب علياا أركاان...أنا ريت كلشي ليلتها...أصلا أنت تخاف عليها لدرجة مكنتش باش تعاملها كيما عاملتني ليلة
أركان:مفما حتى شي بيني و بينها و راس ولدي الموضوع مش كيما في بالك...اللي نحس فيه ناحيتها هو تأنيب ضمير مش أكثر...أنا جيست نحب نعوضها على كلشي خسراتو بسببي...غير هكا مفما حتى شي يجمعني بيها...هي تعرف و الكل يعرف أنو أنا نحب مراة وحدة...هي إنتي فينوسي
غمضت عينيا مع أنفاسو لي قوات في وجهي...قد وجيعتي منو...قد ضعفي معاه..كل مرة يقربلي يخليني ضايعة أكثر من الأول و منعرفش شنوة نعمل بالظبط معادش نحب نرضخ لمشاعري و نعيش نفس الوجيعة مرة أخرى..بعدلي شعري لتالي يحكي
أركان:نحبك تعاقبني أما من غير ما تبعد عليا..من غير ما تخمم تكون لشخص آخر من غيري..خاطرني نقتلك إلينا
نزل على شفايفي أكثر..أما حبس مع صوت ويليام لي بدا يبكي بقوة كي العادة..جبد روحو مني شوية باسني من جبيني و عنقني بالوقت..غمضت عينيا من التعب حتى ويليام منعرفش اذا كنت باش نجم نهتم بيه بعد توا.