آفْرُودِيتْ 🦢

الحلقة الأخيرة 🦢

🔸️الحلقة_الأخيرة:
🔸️بعد_شهور:
🔸️أيان_يحكي:
مديت يدي شوية و عدلتلها شعرها مرة أخرى..فرد وقت غزرتلها من المرايا...تبسمت و نزلت عليها شوية بستها من كتفها...نحكي
أنا:شقولك توا ؟
جينا:هكاا أحسن
كبست على أجنابها و دورتها عندي شوية...حطيت يديا زوز على كرشها لي خرجت على قبل و تبسمت نحكي
أنا:ولدي قاعد يكبر بسرعة
ضيقت عينيا مستغرب...كي حسيت بيه يتحرك و ضحكت نحكي
أنا:حسييت بيه ؟
حطت يدها على خدي و هزتلي براسها إيه...تحكي
جينا:أكيد باش نحس بيه يا روحي
أنا:يوجع فيك ياخي ؟
جينا:شوية...أما تعودت عليه
ضحكت و بستها من شفايفهاا...أصلا لتوا مش مصدق أنو باش يولي عندي صغير أناا زادة...كبست على كرشها أكثر و بستها من رقبتها نحكي
أنا:منحبكش تعب روحك برشاا ياا روحي
جيناا:أياان...أناا لباس يا روحي و بالطريقة هاذي إحنا باش نتأخرو على العرض
أنا:صحيح...هيا خلينا نمشيو
جينا:خليني نلبس الكعب متاعي قبل
قعدت على الفوتاي و مدت يدها باش تلبسو...نزلت عندها و فكيتو منها...لبستهولها و بستها من كرشها نحكي
أنا:نمشيو توا ؟
حطت يدها على خدي و قربت مني شوية...باستني من شفايفي تحكي
جينا:توا نجمو نمشيو
تبسمت و عاونتها تاقف...أصلا السفر لأثينا تعبها برشاا...كبست على يدها و خرجتها معايا...حليتلها الباب ركبت و خلطت عليها...شديت الثنية للمسرح و سرحت في ذكرياتي...وقت رجعت لهوني...كان عندي دافع واحد كهو...إني نخلي أركان يشوف الحقيقة المدينة هاذي عشنا فيها كلشي...أحلى ذكرياتنا و الأسوء منها زادة...خسرنا فيها أشخاص و ربحنا غيرهم...نتذكر إني مشيت من هوني و أنا صغير برشاا...لقيت روحي وسط عيلة جديدة خاطر بابا مكانش ينجم يهتم بيا وحدو بسبب المرض متاعو و كبرت وسط عيلة عطاتني كلشي... الأمان و الحب نتذكر أول مرة شفت جينا في المستشفى...كنت متغشش خاطر جابو فرد جديد و خفت يهتمو بيها أكثر مني...لدرجة إني كنت نغير منها و مع الوقت لقيت روحي نغير عليها و معرفتش نكسر الحاجز لب كان بيناتنا...بعد كلشي تعدينا بيه...هي كانت مرجعي الوحيد في كل مرة...كنت و مزلت منعرفش نقدم خطوة من غيرها...أصلا ولا مرة حطيت إحتمال أنها باش تكون لراجل آخر...فكرة إرتباطها بتوماس كانت صدمة ليا...خلاتني نفيق على وضعي قبل ما نخسرها و نخسر روحي...خاطر مهما حاولت نعيش بعيد عليها و لا نغزر لغيرها...قلبي كان يسحبني ليها...حتى إعجابي القوي بإليناا كان يتلاشى في كل مرة نغزرلها خذيت نفس و حطيت يدي على كرشها...تبسمت تحكي
جينا:أيااان...أنا شاهية قلااص
أنا:توااا ؟ في البرد هذاا
جينا:مممم تواا و متخافش عليا مانيش باش نمرض
أنا:بااهي...أما ماكش باش تكثر منو
جينا:بااهي...المهم أنك تشريلي منو
أنا:لحظة تراه يمكن نلقاو شكون يبيع في طريقنا
جينا:نجم نستنى لبعد العرض
أنا:أما ولدي ماهوش باش يستنى...منحبش نخليك على أعصابك...مبعد تدور عليا أناا
ضحكت و هزتلي براسها باهي...شديت الثنية لأقرب واحد...خذيت علبة من عندو و رجعت ليها...شدتها عليا و تبسمت تحكي
جينا:تعرف إني نحبك برشااا ؟
أنا:مممم نعرف...و أنا نموت عليك يا روحي
نزلت عليها شوية و بستها من خدها...حسيتها تفرهدت بعد ما كلات منو...هزيت روحي نزلت بعد ما وصلنا و حليتلها الباب...كبست على يدها و عاونتها باش تنزل...سلمتهم مفاتح الكرهبة و كبست على يدها خلطت على أطلس لي وجهنا لمقاعدنا اللي كانت في جانب المسرح بعيد على الناس...قعدت بجنبها و كبست على يدها...بستها منها نحكي
أنا:إنتي أحلى شي في حياتي الكل جيناا...أنا في المدينة هاذي خسرت كلشي و كنت إنتي السند و المرجع متاعي في كل مرة...توقعت إني بعد ما نسترجع خويا و حقي من الشخص اللي دمرنا نرتاح و نلقى السعادة اللي كنت نلوج عليها...أما طلعت غااالط..راحتي و سعااادتي كانت معاك إنتي و كهو إنتي عطيتني أكثر من اللي نستحقو ببرشا...عطيتني وقتك و قلبك و روحك و توا باش تعطيني قطعة مني زادة...غير هكا كنت و باش تبقى عشقي و حبي الوحيد و مستحيل نجم نعيش من غيرك
جينا:و أنت عشقي الوحيد لي حليت عينيا عليه و اللي منعرفش كيفاش باش نعيش من غيرو...و مكنتش نعرف شنوة نعمل لو أنت شديت ثنية غير ثنيتي
أنا:أنا مستحيل نضيع على ثنيتك يا روحي...هيا إيجا عندي ترااه
قربت مني شوية و حطت راسها على صدري...عديت يدي على شعرها و حطيت يدي لأخرى على كرشها نحكي
أنا:كأنو ماهوش ناوي يركح الليلة
جينا:طبيعي باش يخرج كيما بوه بالظبط
أنا:بالله ؟ كأنو مش عاجبك مدام جينا
هزت راسها شوية و غزرتلي ندرا كيف...تحكي
جينا:بالعكس أنا نحبو يكون نسخة منك بالظبط
ضحكت و بستها من شفايفها...بعد كلشي تعدينا بيه كانت هاذي الشهور أحلى أيام حياتنا...من عرسنا لحملها...و الماضي بقى مجرد ذكرى بالنسبة لينا الكل و مع هكا يبقى جزء منااا...مهما هربنا منو...و في الأخير كلشي نحب عليه توا هو إني نحافظ على عيلتي و مانيش باش نعطي فرصة للوقت و الظروف أنها تبعدني عليهم و لا على خوياا زادة...بالنسبة لياا خسرت برشا...أمي و طفولتي مع أركاان...حياتي هوني...يمكن منجمش نعوض الحاجات اللي خسرتها أما مانيش باش نعيش نفس الشي و لا حتى نعطي فرصة لشكون باش يدخل لحياتنا و يدمر سعادتنا مرة أخرى...اللي صار معانا في الماضي البعيد ماهوش باش يتكرر جملة.