آفْرُودِيتْ 🦢

الحلقة الخامسة و الخمسون🧚‍♀️

🔸️حلقة 55
🔸️نوح_يحكي:
شديت الفران و هزيت روحي نزلت...نحس في راسي باش يطرشق بعد الأحداث لي تعدات علينا الكل..غير الخدمة لي تراكمت زادة...قربت من الأصونصير و حبست مع صوتها و هي تحكي
زمردة:مااكش باش تشوف أمك ؟
ضيقت عينيا مستغرب و تلفت عندها...مكانش عندي علم أنها هوني...فقت من سرحتي كي قربت مني لي خلاني نسلم عليها بالوقت...جبدت روحي نحكي
أنا:زمردة فااش تعمل هووني ياخي ؟
زمردة:والله مزلت متغشة منك بعد اللي عملتو معايا آخر مرة...أما توا مرجعتش على خاطرك...مادلين هي لي طلبت تشوفني
أنا:مادلين ؟
زمردة:والله هاني آخر من يعلم باللي قاعد يصير هوني...توقعت أنك تعطيني بوجودها...يعني كان متلقيتش رسالتها مكنتش نعرف أنها هوني
أنا:أعفيني من الموضوع هذا توا...حاول أنك تستمتع بوجودك هوني و كهو
زمردة:علاش الروسية مزالت في جناحك لتوا ؟
أنا:زمررردة...الموضوع هذاا منحبش نحكي عليه و منحبكش تدخف فيه زادة...آنيااا خط أحمر بالنسبة ليا
زمردة:والله نشوف فيك باش تضيع أكثر جرايرها
أنا:ليلة سعيدة
وخرت خطوة لتالي و كبست على الزر...خاطر بالرسمي معنديش طاقة باش ندخل معاها في النقاش هذا منعرفش على روحي كيفاش وصلت للجناح...محبت الفاست و حطيت من يدي...ضيقت عينيا مستغرب كي ملقيتهاش...خاطر بالعادة نلقاها في حضني أول ما ندخل...غزرت في لوسي لي جات تجري و طلعت على الطاولة و قربت ناحيتي...عديت يدي على رقبتي نحكي
أنا:فاش تعمل هوني إنتي ؟
قربت مني أكثر...وين بديت نتحسس منها...لي خلاني نادي عليها بالوقت
أنا:آنيااااا...آنياااا.. إيجا هزها من هوني تواااا
غزرتلها مرة أخرى و تبسمت كي ريت مشبك شعر في الروز على راسها...ضحكت نحكي
أنا:هوكا طلعت تهتم بيك أكثر بالقدا
طلعت راسي شوية كي ريتها جاية ناحيتي...عديت عينيا على وجها و نزلت بيهم للمنشفة لي دايرة على بدنها...متوقعتش أنها باش تخرج عندي هكا..غزرتلي ندرا كيف و هزتها من غير حتى كلمة...عطاتني بظهرها و رجعت لبيتها...استغربت موقفها أكثر...لي خلاني نخلط عليه بالوقت...حليت الباب و دخلت وراها...نغزرلها و هي تحطلها في الأكل متاعها باش متعاودش تخرج و خذيت نفس نحكي
أنا:لبااس ماهو ؟
آنيا:مريتهاش كي خرجت
أنا:مانيش نقصد في لوسي...كمل لي تعمل فيه و إيجا نحكيو برا
آنيا:لازمني نبدل دبشي و نراجع النصوص لي عندي
أنا:ألبس أي حاجة و أخلط عليا...نستنى فيك
آنيا:بالسيف ماهو ؟
أنا:أزرب رووحك
وخرت خطوو لتالي و قربت من الباب باش نخرج وقفتني تحكي
آنيا:متأمرنييش
عديت يدي على وجهي و تلفت عندها مرة أخرى نحكي
أنا:شنية مناسبة الكلام هذا توا ؟
آنيا:منحبش نشوفك توا
أنا:الصبر يا ربي...شنية صار زادة ؟ ياخي باش تولي تحكي معايا بالألغاز ؟
آنيا:ماكش مجبور تحكي معايا
قربت منها شوية...بعدت عليا بالوقت...خطفتها من يدها و جبدتها عندي نحكي
أنا:شنية صار في غيابي ؟
آنيا:حتى شي
أنا:قابلت زمردة ؟
آنيا:سيبني نووح
أنا:جاااوبني ●●●● حتى هي ليلة كلبة من أولها متكملش عليا إنتي
نزلت عينيها من وجهي و حاولت تجبد روحها مني دزيتها على الحيط نحكي
أنا:جاااوبني آنيااا
آنيا:أبععد عليااا و كهو
بعدت عليها شوية كي حسيت حلقي يحرق فيا غير الحكة لي شدتني في رقبتي...خذيت نفس نحكي
أنا:تحل فمك و لا نعرف منها لي صار ؟
آنيا:ما صاار حتى شي و محكااتش معاااياا...غير هكا ماكش مظطر تتعارك مع أمك جرايري
هديت عليها و حصرتها مرة أخرى...نحكي
أنا:ياخي ناوية تهبلني ؟
غزرتلي من غير حتى كلمة...قطرات الماء لي كانت نازلة من شعرها على وجها و أكتافها...خلاتني نسرح معاها غير نقاط النمش الموزعة فوق صدرها حسيتها استفزتني أكثر...غزرتلي باش تحكي قصيت عليها كي عديت شفايفي على خدها و قربت من وذنها نحكي
أنا:ششش...يزيك لي عملتو فيا ليلة
أنفاسها لي قوات دخلتني بعضي أكثر...نزلت لرقبتها شوية و مديت يدي للمنشفة...كبست عليها و جبدتها فرد وقت...عضيتها دوب نطقت بإسمي...للحظة نسيت الموضوع لي كنا فيه...هزيت راسي شوية و غطست في شفايفها...كبست على آخر ظهرها مع يدها لي دارت على رقبتي في لحظة...جبدت روحي شوية كي حسيت إني باش نفقد القدرة على نفسي و نتمادى معاها أكثر..دوب عديت عينيا عليها و هزيت المنشفة من الأرض..حليتها و حطيتها على بدنها كبست عليها و حطت يدها على رقبتي تحكي
آنيا:أ..أنت تحسست مرة أخرى
جبدت روحي منها و رجعت لتالي...زربت في خطواتي و خرجت من غير حتى كلمة..نحيت مريولي قبل ما ندخل لبيتي..مزلت نحس في روحي شاعل...غير الحكة لي شدتني بسبب لوسي لي كانت قريبة ليا...دخلت لبيت البانو و خذيت دوش بالوقت عالأقل نرتاح شوية منستغربش أنو زمردة ورا حالتها هاذي...كيما منعرفش شنية قالتلها و لا شنوة سمعت منها..في الحالتين هي حساسة برشا...ناحية أي موضوع يخصها و لا يمسها...و رغم إني متأكد من مشاعرها ناحيتي..أما نعرف بالقدا أنها لتوا متحسش بالأمان في علاقتنا..يمكن بسبب الظروف لي لقات روحها فيها جرايري و لا في وضعنا بصفة عامة لأول مرة منعرفش شنوة نعمل في علاقتي مع طفلة و لا حتى كيفاش نخلي كلشي يمشي بطريقة عادية من غير خوف و لا قلق من المستقبل...خاطر بالرسمي نحب نعيش معاها كلشي تحرمت منو قبل من غير ظغط..سواء من الماضي و لا من العبااد...و لأول مرة زادة نحس في روحي بحاجة راحة..راحة لمدة كافي باش تخليني نتخطى كلشي عشتو قبل توا و نبدا كن جديد..بداية نظيفة و بعيدة على الماضي متاعي الكل