آفْرُودِيتْ 🦢

الحلقة الثانية و الخمسون🧚‍♀️

🔸️حلقة 52
خذيت دوش طويل بعد ساعات الحديث لي عديتهم مع ويليام...كبست على المنشفة في يدي و دخلت لبيتي...لقيت روحي مزلت نخمم في الكلام لي قالو الصباح...مع إني نعرف بالقدا أنو علاقتنا ماهيش باش تخرج من الدائرة لي هي محصورة فيها..فقت من سرحتي على صوت تليفوني...ضيقت عينيا مستغربة كي لقيتو أطلس...هزيت عليه بالوقت نحكي
أنا:شفما أطلس ؟
أطلس:إلينا...ياخي عندك علم باللي صار ؟
أنا:مفهمتكش
أطلس:فما قرار رسمي...يقضي بغلق المسرح لتاريخ غير معلوم
أنا:أطلس فاش قاعد تقول ياخي ؟ أركان عندو علم بالحكاية هاذي ؟
أطلس:القرار كان منو هو إلينا..أكا علاش كل العروض
تأجلت توا
أنا:باهي...نحكيو مبعد
علقت عليه و توجهت للأصونصير من غير ما نبدل دبشي...بقيت في الكاب دوبان و طلعت للجناح متاعو دخلت أول ما تحل الباب و زربت في خطواتي...وين لقيتو قدام الكنتوار باش يصب النبيذ واضح أنو تو وين رجع...غزرلي مستغرب...يحكي
أركان:شبيك خرجت من الجناح متاعك هكا ؟
أنا:الخبر لي سمعتو صحيح ؟
قربت منو أكثر و أنا نسأل فيه...وقفت قدامو بالظبط و كررت سؤالي نحكي
أنا:أركان جاوبني...اللي سمعتو صحيح ؟
أركان:صحيح
أنا:عقاب جديد هذا ؟
أركان:القرار ميتعلقش بموضوعنا
أنا:ملااا علااش سكرت المسرح ؟ أنت ولا مرة خذيت قرار هكا ؟ فهمني شنية اللي صااار ؟
أركان:مش قبل ما تهدي روحك
أنا:مانيش باش نهدااا...أنت تعرف بالقدا شنوة يعنيلي المسرح هذاا...متنجمش تاخو قرار هكا من غير ما تشااورني
أركان:القرار يشمل الكل غديكا و إنتي منهم...المسرح باش يبقى مسكر لمدة معينة و بعدها كلشي يرجع لطبيعتو
أنا:قداش المدة هاذي ؟
أركان:منعرفش
أنا:علاش عملت هكا ؟
حط الكأس من يدو و قرب مني شوية...حاوط وجهي بيديه زوز يحكي
أركان:هدي روحك...أولا القرار هذا مجبور عليه مبدئيا و ميتعلقش بيك جملة...يكفي أنك تصبر شوية و كهو
أنا:ميجيش تعمل هكاا أركاان...المسرح داري الثانية منجمش نأجل العروض لي عندي الكل بسبب القرار متاعك...غير هكا الصغار عندهم نظام معين يمشيو عليه
أركان:نعرف...كمل تدريباتك مع مصممة الرقص متاعك هوني و أول ما يتحل المسرح تنجم تقدم العروض متاعك الكل
أنا:معناها ماكش باش تخبرني على السبب ؟
أركان:مانيش باش ناقش معاك أمور الخدمة
أنا:باهي...كيما تحب
جبدت روحي منو و تلفت باش نمشي...جبدني من يدي و رجعني عندو بالوقت يحكي
أركان:وين ماشية ؟
أنا:سييبني توا...نحب نبقى وحدي شوية
أركان:توحشتك
هزيت عينيا في وجهو بالوقت و قحرتلو...نحكي
أنا:و أنا منحبش نبقى معاك
أركان:بالله ؟
أنا:والله مش قبل ما تتعلم تشاورني كي تاخو قرار يخصني
أركان:القرار ميخصكش فينوسي..غير هكا إمتى تتعلم تاثق فيا ؟ أي موضوع يتعلق بيك و لا يمسك نخمم ألف مرة قبل ما ناخو قرار...و متأكد انو القرار هذا ماهوش باش يمسك و لا يطفي نجمتك زادة نحبك تحضر بالقدا باش ترجع أقوى من قبل
جبدت روحي منو و بعدت عليه شوية نحكي
أنا:منحبش المدة هاذي تطول برشااا..خاطر المسرح يعتبر مكسب عيش ليا و لخويااا
أركان:إيجا هوني
قرب مني شوية و عنقني...فرد وقت باسني من راسي يحكي
أركان:باهي صغرونتي..وعد مني الأمور باش ترجع لطبيعتها بعد ما تفوت الفترة هاذي
خذيت نفس من ريحتو و جبدت روحي منو شوية نحكي
أنا:أنا باش نرجع للجناح متاعي...لازمني نبدل دبشي
أركان:ألبس اي حاجة من عندي و خليك هوني..غير هكا خلي أولجا تنقل دبشك لهوني زادة
أنا:مش لاازم...أنا مرتاحة هكااا
قحرتلو و عطيتو بظهري...بعدت عليه و مشيت ناحية بيتو...وقفت أول ما هزيت راسي...دقات قلبي قوات و مفهمتش اللي قاعدة نشوف فيه توا...اللوحة اللي كانت هوني تخفات و حلت في بلاصتها لوحة أخرى لوحة كانت عليها صورتي في أول حفلة ليا بالفستان الأزرق كانت مرسومة بطريقة تخليها تظهر كأنها حقيقية...تلفت عندو مصدومة نحكي
أنا:أركاان...شنوة هذا ؟
قرب مني شوية..وقف ورايا بالظبط..بعدلي شعري على جنب و باسني من رقبتي يحكي
أركان:والله تهديدك ليا كان واضح بخصوص اللوحة قلت خلي نستبدلها بفينوسي..عالأقل معادش ندخلو في مشاكل الغيرة
نزلت على شفايفي شوية و تلفت عندو بالوقت نحكي
أنا:شكون رسمها ؟ و كيفاش نجم يتقنها هكا ؟
أركان:نجمت نلقى رسام شااطر..عطيتو الصورة و حولها للوحة خاصة بآفروديت متاعي
ضحكت بالوقت..للحظة نسيت السبب لي خلاني نجي لهوني..خاصة إني متوقعتش الفازة هاذي منو خاطر متحفظ على أغلب الأمور...دورت راسي و غزرت لتفاصيلها مرة أخرى نحكي
أنا:محلاها...حبيتها عاللخر أركان
أركان:و أنا نحبك إنتي
خذيت نفس و هزيت عينيا في وجهو نحكي
أنا:منحبش نحكي معااك
غزرلي ندرا كيف و نزل عليا في لحظة...هزني في حملتو يحكي
أركان:مش مشكلة...المهم أنك تعدي ليلة في حضني
أنا:و منحبش نرقد معاك زادة
أركان:المسرح ولى أهم مني توا ؟
أنا:لاا...أما زادة متنجمش تاخو قرار يشملني و تخليني نسمع بيه آخر وحدة
أركان:كنت باش نحل الموضوع معاك..أما مدامك عرفت هذوما عمايل أطلس و أنا باش نعرف حسابي معاه
أنا:خلي تهديداتك عندك...أطلس ما عندو حتى ذنب
حطني في وسط السرير و نزل عليا...بعدلي خصلات شعري من وجهي..يحكي
أركان:كنت باش نعلمك باللي صار فينوس...أكا علاش منحبش الموضوع هذا يبعدك عليا
أنا:و مع هكا مزلت متغشة منك
أركان:سامحني ملاا
تبسمت مع غزرتو ليا و تناسيت الموضوع أما مانيش باش ننساه لين نعرف كل التفاصيل لي تتعلق بغلق المسرح.