Unconditional LOVE

⚜️CHAPTER 69⚜️

=CELESTIAL CONSTRUCTION=

បន្ទាប់ពីមិនបានឈានជើងចូលក្រុមហ៊ុនអស់រយៈពេលបួនថ្ងៃជាប់គ្នា ថ្ងៃនេះ Jimin ក៏បានត្រឡប់មកធ្វើការធម្មតាវិញ ណាមួយគេត្រូវផ្ញើរ File ប្លង់របស់ Sungkang អោយខាងវាយតម្លៃចេញតម្លៃសរុបហើយយកទៅអោយ Namjoon វិញ ដើម្បីយកប្លង់ទៅអោយ Sungkang មើលទៅថ្ងៃច័ន្ទអាទិត្យក្រោយនេះ

"ឯងធ្វើទៀងពេលល្អណាស់លើកនេះ! មិនអោយលើសមិនអោយខ្វះរយៈពេលមួយអាទិត្យពេញតែម្ដង" Namjoon និយាយទៅកាន់មិត្តរបស់គេដែលទើបតែមកធ្វើការវិញនៅថ្ងៃនេះ

"កុំនិយាយថាមួយអាទិត្យតែរយៈពេល 4ថ្ងៃសោះ" Jimin តវ៉ាហើយអោនទៅមើលឯកសារនៅលើតុដោយគ្រវីក្បាលចង់វិលមុខដោយសារតែមិនគិតថា 4 ថ្ងៃវាអាចមានឯកសារមួយគំនរសម្រាប់គេត្រួតពិនិត្យបែបនេះសោះ ជិតដាច់ឆ្នាំនៅសល់ពេលមិនដល់បីខែទៀតផង ហេតុអីក៏មានការងារច្រើនម្ល៉េះ

"ឯងមិនបាច់គ្រវីក្បាលទេ! បងវិលមុខជាងឯងផង...ដែលត្រូវ មកសង្ខេបរបាយការណ៍អោយឯងមួយគំនរបែបនេះ" Namjoon ប្រាប់ទៅមិត្តរបស់គេខ្លួន ព្រោះគេធ្វើការដល់ម៉ោង 7យប់សឹងតែបួនថ្ងៃជាប់គ្នាហើយ អង្គុយរៀបចំឯកសារទុកអោយ Jimin តាមថ្ងៃអោយមានរបៀបសម្រាប់អោយគេមកវិញមើលមិនមែនជារឿងដែលធ្វើក្នុងរយៈពេលមួយម៉ោងហើយនោះទេ 

"អ្នកណាអោយបងទុកអោយខ្ញុំគូសប្លង់អោយ Sungkang ធ្វើអី?"

"បើដឹងថាឯងគូសហើយមិនមកធ្វើការបែបនេះ! បងយកមកគូសខ្លួនឯងប្រហែលជាមិនរវល់ដល់ថ្នាក់នេះទេ" Namjoon និយាយឡើងហើយគ្រវីក្បាលដោយធ្វើអោយមិត្តរបស់គេអស់សំណើច
"ហើយឯកសារប៉ុន្មានសន្លឹកដែលបងដាក់ដាច់ពីគេនេះ គឺកិច្ចសន្យាការងាររវាង Celestial និង Alpha ឯងមើលទៅថាមានចំនុចកន្លែងណាត្រូវកែប្រែឬក៏អត់"

"ចាំខ្ញុំឆែកមើល" Jimin តបវិញហើយក៏ទាញក្រដាសដែលកឹបជាប់គ្នាប៉ុន្មានសន្លឹកដែល ដាក់ដាច់ដោយឡែកនោះមកមើលដាក់នៅទល់មុខរបស់គេ ដើម្បីយកវាមកមើលមុនគេ

"អូខេ! អញ្ចឹងបងចេញទៅវិញហើយ" Namjoon និយាយហើយក៏បានដើរចេញទៅវិញបន្ទាប់ពីមិត្តរបស់គេក៏ងក់ក្បាល នឹងប្រយោគរបស់គេមុននេះ