في قلبي حروب دامية

مقتطف

السلام عليكم و رحمة الله تعالى و بركاته ❤

مقتطف

🌺 بقلم ؛ حمامة السلام 🕊 ( عاشقة غوكو ❤ ) 🌺

- مرررروه

- ها عمه

- تعميج ان شاء لله شو مخابزه هااااا

- و الله عمه ملتهيه بالجهال و يا دوب دا الحك هسه اخبز

طلعت بيبي لشارع تعيط

- ولكم مره يحيى تغلط و تسبني ترضوها يا عالم

اجتي امي وكفت يم الباب و اني لازمه بدشداشته و نسمع عياط بيبي بالشارع و هي تعيط

امي ضلت صافنه مصدومه حسيته على شويه راح توكع من طوله و بيبي بس تعيط

جوارينه وكفوا كبال امي و بدوا يعاتبوه

- ليش هيجي يا مروه غير هاي عمتج مو حرام عليج هيج تعامليه متستحين مره حبيره و اهيج تعامليه شتكولين لربج بس يسالج عليهه مو عيب عليج و هي بمثابه امج

مع انو مفهمت شصاير بس الصدمه الي بينت على وجه امي مستحيل انساهه

ضلت امي جامده بمكانه محجت شي من الصدمه يمكن لو يفجروه بصارخ هم جانت مراح تتحرك

واكفه متصنمه وجه صار اصفر جنه كركم متدري شجاوب او شتحجي

مجنت افهم شدا يصير بس خفت من عياط بيبي و ضليت مجلبه بدشداشه ماما

ماما ضلت ساكته و هي تسمع عتاب الجوارين عليه

طبت و الدمعه بعينه متدري شتحجي

راحت تخبز و كل شوي تمسح بدموعه

لشويه طبت بيبي و صاحتني

مع انو جنت خايفه منه بس رحت يمه

- روحي جيبلي خبزه من ماما و كلاص مي

رحت سويت مثل ما طلبت بيبي و جبت خبزه و كلاص مي

مجنت ادري شتريد اسوي بيهن بس جبتهن خاف لا تضربني

باوعت على بيبي و هي تطلع من البيت شايله الخبزه و كلاص المي

و طلعت تمشي بالدربونه و تبجي و تاكل بالخبزه و تحجي

- شوفوا مرت يحيى طردتني من الغده كالتلي ما دان شكيتيني لناس هذا غداج

يتبع .......

مقتطف بسيط من القصه

القصة طبعا حقيقية و مؤلمه لدرجه كبيره

انتقدوا باحترام يمنع السب و الغلط و كل انواع الالفاظ المسيئة ردودك هي تقيم لمدى رقيك و اخلاقك

انتظروني قريبا