رواية : و إن جابة الطاري بقول كان يهمني و مازال .

٣٣

استغفرالله العلي العظيم و اتوب اليه
—
الهَنـوف - بدايات الليل
امهاتهم ما زالت ليلتهم طويلة بالسطح و طالماً انهم في اجازة فالسهر مسموح ... و كمحاولة اخيرة للهروب من التنظيف و الشغل قرروا يخرجون للممشى و اكيد بعد محاولات طويلة لإقناع اعمامهم بالحوش انهم يوافقون

كلهم طلعوا و معد بقى الا الهَنـوف بعد ما خرجت الكيك من الفرن طلعت لغرفتها تجيب عبايتها و نقابها بتلبسهم ثم رجعت تنزل تشيل ثلاجات القهوة والشاي من المطبخ و بتطلع تلحقهم بالممشى

على دخلتها للمطبخ و هي تهرب من عمتها اللي تناديها تسوي لهم شاي تجمدت في مكانها و هي تشوفه ياكل ببرود مو هامه الكيكة اللي انهارت بين يدينه

الهنوف بعد اليوم الطويل الشاق انفجرت تبكي مقهورة من سُعـود اللي قعد ساكت و ينظف يدينه من الفتات بعد ما اكله ببرود وعينه عليها

شلت اللي بقى وهي كاتمه صيحتها وباقي دموعها ... و بعجلة خرجت من الباب اللي ورا بعد ما شافت سَعـد و سُلطـان عند البوابة الرئيسية ومندمجين بالكلام بشكل جاد جداً

طلعت للشارع و قطعته و كلها دقيقتين و قدها على الرصيف تدورهم ... فز قلبها و هي تشوف سُعـود طالع من باب الشارع حق بيتهم يناظر حوله يدورها

ركضت بين الشجر مع كيكتها المأكولة ما تبيه يلحقها هي والبنات بالغصب طالعين ولا يبون احد معهم
فتحت جوالها بتدق عليهم ومحد رد ، دقت مره ثانيه وثالثه ورابعة لين ردت انفَـال اختها
الهَنـوف تكلمت بنفس متقطع : الفزعة شلت عفش البيت كله و سعود الكلب يلحقني وحده منكم تجي تساعدني بالاغراض مره ثقيلة .
انفَـال ردت بإستغراب : وينهي ارياف ما تساعدك ؟ .
الهَنـوف بلعت ريقها تبي تلقط انفاسها : مدري عنها ماهي بالبيت حسبتها معكم المهم ذا مو موضوعنا الحين وينكم انا الحين دخلت بالغلط على جلسات كلهم شباب والكيك حقي كل ابوه خرب من قوة الركض معد ينأكل .

وصفت لها المكان و الهَنـوف شافتها ، نزلت الثلاجات والسلة اللي حاطه فيها الكيك ثم فكت عبايتها من تحت وربطتها لين خصرها وشلت الاغراض وقامت تجري لعندهم
جمانـة رفعت جوالها تصورها بسنابها : هذي الهيلقيه اللي فشلتنا كل الممشى يناظر فيها ايهب ان شاء الله .. .
ما كملت كلامها الا والهنوف طاحت على وجهها وكل كيكها انثر بالارض وتوسخ
رِحـاب ضربتها بعلبة الموية : اذكري ربك العين حق ! .
جمانـة بإنفعال : اعوذ بالله عيني خير بس هي الدفشه ما تعرف تمشي .

الهَنـوف خلاص الارض معد هي سايعتها من الاحراج والغبنه بالاول رحاب نست تجيب المكونات ولا جابتها ثم غيرت الوصفة و خبزت كيكة عادية و نسيتها بالفرن ... احترقت من تحت و بعدين سعود جاء واكله عليها