رواية : و إن جابة الطاري بقول كان يهمني و مازال .

٧٢+

اللهم صلِ و سلم على نبينا محمد
—
رِحـاب - نفس الليلة - الصيدلية - فترة ما بعد صلاة العشاء
صرفت الادوية من صيدلية المستشفى لمِيـرال الصغيرة ... لها ايام حرارتها ما وقفت ... و رِحـاب قلبها مكسور على الهَنـوف

تهز بنتها بحضنها في كراسي الانتظار قدام الشارع ... نظراتها فارغة و كأنها مو معهم بالعالم
رِحـاب جلست بجمبها بعد ما اتصلت على فَـاروق يجي ياخذهم قبل يشتد المطر لجل يرجعون للبيت

الهَنـوف ما انطقت بحرف واحد من طلعوا ... من ايام لو صح التعبير
من اخر هوشة لها مع سُعـود بالبيت و الهَنـوف مو الهَنـوف

رِحـاب حبت تلطف الجو لأن الصمت يحرجها : تهقين جيراننا ام حمدان و بناتها قد طلعوا من البيت ؟ صدع راسي منهم من صلاة العصر و هم عندنا .
الهَنـوف تنحنحت ثم نطقت بخفوت : يمكن بيتعشون عندنا .
رِحـاب عقدت حواجبها مو راضية : حشى وش عشاه بعد ؟ محنا ناقصين قد دقوا على عمتي سَمـاح قالوا لها بس بنتقهوى قهوة العصرية و نعايدكم مرة وحده .
الهَنـوف تنهدت وكأنها ارتاحت لأن رِحـاب بدت تسولف معها : الصدق ودي ما جو من الاساس احسهم بس جايين يتفرجون بالبيت دامه اول عيد لهم عندنا بالحارة ، عيب والله بنتهم اللي بالثانوي دخلت المطبخ و قعدت تفتش بالثلاجة و الادراج و اريَـاف شافتها بغت تنجن .
رِحـاب شهقت و هي تطالعها : وي ! متى امداها ذي انفَـال اختك ترا كانت بالمطبخ تجهز ضيافتهم و مقفله الباب .
الهَنـوف هزت يدها : والله انها بعيني الثنتين شفتهم المرة الاولى قبل اختي تدخل المطبخ كانت بنتهم تفتش زي ما قلت لك و المرة الثانية بعد صلاة المغرب لقيت امهم طالعه مع المصعد قسم العيال و بكل بجاحة تقول ضيعت الطريق ! ... كيف ضيعتي بالله و احنا مستقبلينك بالدور الاول ما حتى طلعناك فوق عشان تركبين المصعد ؟ مفروض عماتي ما استقبلوهم ما ينعطون وجه ذولي كان خليناهم بالحوش .

رِحـاب تنهدت و هي ماسكه راسها : يا ليت ! بس انه كان مطر عشان كذا دخلناهم انا ما صرعني الا يوم تدخلوا بانفَـال ليش ما تحمل و كيف ما حملت و اذا سَعـد ينام معها بالغرفة ولا كل واحد بصوب و اشياء ثانيه استحي اقولها .
الهَنـوف غطت فمها و هي تشهق : واخزياه ! متى صار ذا ؟ انا مستغربة اصلاً ان انفَـال طلعت غرفتها معد نزلت ولا ترد علي يوم ادق الباب .
رِحـاب قامت تلملم اغراضها على جيه فَـاروق : و الله على ما اقولك شهيد قالوا كلام ما ينقال و انتِ كنت تصلين المغرب و ودي وقف الموضوع على خلطات ام راكان ولا ان كلامهم يوصل لين غرفة النوم عيب والله هذا و هي اول زيارة تشرهوا مننا كذا كيف باقي ؟ .
الهَنـوف شالت مِيـرال على كتفها و هي بتركب السيارة : عساهم ما عاد يدخلون علينا بيت واخزياه ياربي انا و انا اختها ما عمري سألتها ولا حتى تدخلت ايش الناس ذي ! .