رواية : و إن جابة الطاري بقول كان يهمني و مازال .

٣٢

اللهم صلِ و سلم على نبينا محمد
—
جمانـة - الدور الثاني عند غرف البنات
بعد العشى بقوا امهاتهم بالسطح يسولفون سوا اما هم نزلوا لتحت يبون يرتاحون شوي من الشغل

جمانـة كانت على شباك المطل اللي يخليها تشوف الحوش كله بالشارع ... كانت تشوف طَـلال الحقير بالاسفل و للحين مقهورة من كلامه و الأكثر ان سَعـد اخوها هو اللي سفر السواق

تنهدت ثم ضربت قزاز المطل بقهر بعد : الكلب يبي يمشي كلمته علينا والله لا اوريه ما باقي الا نشحذهم عشان يودونا وما قرر يسفر السواق الا و احنا بأعز حاجته بوقت اختباراتنا و الحين يوم قدنا ننزل بنقضي لرمضان .
انفَـال مسكت جبينها من تذكرت كلام جدتها قبل العشى : يويلي عاد حتى الخدامة جدتي بتطلعها تقول البيت مليان حريم ماله داعي صرفيه رواتب على الفاضي ! .

رِحـاب طلعت من غرفتها على اصواتهم و هم يصيحون بقهر ثم  لفت على غرفه اريَـاف لها اسبوع من سمح لها ابوها سليمـان انها تطلع و مع ذلك ما قد عدت عتبة بابها بالنادر يشوفونها

سكتت انفَـال و جمانـة ما تبي تسمع شكاويهم ثم نزلت تحت تبي تساعد الهَنـوف لأنها منحرجة منها كونها طول الصباح موصيتها انها ما تنسى اغراض الكيك حقها

لكن لحسن الحظ الهَنـوف غيرت الوصفة لأخرى مكوناتها متوفرة حتى تشتري لها رِحـاب المرة الجاية الاغراض اللي هي تبيها

الهَنـوف كانت محتاسه و بدت تحط الزبدة بعد ما ذوبتها : رحاب ولا عليك امر شغلي الفرن .
رِحـاب شغلته واخذت له من لوح الشوكلاته تذوقه : ترا جبته لك على عماي اشتريته من المرة اللي فاتت و زين بقى منه ، مدري اذا هو من النوع اللي يذوب و يقعد سايل او يتجمد بسرعة .
الهَنـوف اشرت لها بيدها تطلع برا المطبخ : بس بس لا توتريني ونزلي اللوح لا تاكلينه كله يدوب يكفي بعد ما لقيتي تجيبين الا دارك شوكلت ؟ ما تدرين ان السكر خلص ! .
رِحـاب هدتها ونزلته : اعوذ بالله اكلتيني بقشوري فيه سكر بودرة بالدرج هناك مشي حالك فيه لين ننزل السوق و نقضي .
عقدت حواجبها : تقضون وش ؟ ترا بنروح الشرقية .
رِحـاب حطت يدها على خصرها وناظرت بإستفهام : سألتك بالله ؟ مين قال ؟ .
الهَنـوف مسحت الدقيق من خدها و ضحكت : بنكمل اجازتنا هناك كم اسبوع و راجعين و العيد يمكن هناك بعد نعيد بالمزرعة ، المهم انه علمي جمانة اذا بتشتري تشتري مقاضي تكفي اول اسبوع من رمضان وبعدها بنشل عفشنا ونهج الشرقية .
غسلت يدينها وطلعت من المطبخ تجهز لهم جلسة مناسبة عشان بيطلعون للممشى اللي بجمب بيتهم
-

يَزيـد - غرفته
معصب بالمرة لا اغراضه بمحلها ولا ملابسه على وضعها ولا اي شيء يخصه بالمكان الصحيح