رواية : و إن جابة الطاري بقول كان يهمني و مازال .

٤

بوابة خروج المخيم
سَعـد كمل نوم بسيارته كان جالس بمكان الراكب الامامي وساند راسه ينتظرهم يركبون وينتظر سلطان لأن وجهتهم وحده وبالمره ابوه علمه انه عطاهم اجازة لجّـل يجلسون معهم كم يوم ويسافرون براحتهم .

مَناف و الباقين بياخذون اهلهم و يحركون
العـم فيصل رفع صوته ينادي اللي يبون يروحون بدري الحين مع سُلطان و سَعـد عشان يرجعون يجهزون البيت ، و كالعادة الكبـار اللي معد يقدرون يتحملون اكثر راحوا وتوزعوا ومعد بقي الا العمة صالحة و ليـان و انفال وزوجات عمانهم ، انفال شالت شنطتها ووقفت مع ليـان : مع مين بتروحين؟ .
الثانيـة قعدت تتلفت : اكيد اخوي ما ابغى غيره جيت مع طلال بغت تطلع روحي من سواقته .
انفال طالعت لسيارتهم : شكله م بيمديك يزيد اخذ عماني و سعود معه وين تركبين ان شاء الله ؟ .
ليـان : مين بقي غير طلال ؟ .
انفال مشت ورا عشان تشوف : مَناف و عمي صالح...لا خلاص مشى .
ليـان حزت بخاطرها كلامه امس عليها وفوق كذا حركته قبل شوي معها

منجاها الوحيد الان هو طلال اللي ركضت عنده : ابك يولد عمي افزعلنا وركبنا معكم .
طلال استغرب منها وتلفت حوله معد بقي الا هو ومناف : روحوا مع مناف زحمه هنا .

انفال فتحت الباب ونطت ورا قبل لا يركبون زوجات عمانهم
ليـان ضحكت وجلست جنبها : كفو والله انفال بنت رجال .
قاطعتهم عمتهم صالحة : علامكـم يا بنات جيتوا هنا و تركتوا فايزة لوحدها مع ولدها ؟ ، ليـان عارفين لسانها مع مَناف بس انتِ يا انفال ! .
قبل لا ترد قاطعتهم هيله : معليك ي صالحة سماح ركبت معها خلي البنات مع بعض .
طلال انهد حيله وبنسبه له بياخذ امه وبنات عمه معه ويرجعون اشر لمناف وحركوا بعد ما تأكدوا انه معد فيه شيء وراهم و الكل مشى .
—
بالبيت عند البنـات
عند جمانه بغرفتها دخلت رحاب وهي ميته ضحك : شفتي السنابات ؟ .
جمانة مسكت جوالها بعجلة خافت انها نزلت شيء بالغلط : ايت حقتنا ؟ .
رحاب مسحت دموعها : افتحي افتحي شوفي الحين بدق ع القروب .

استغربت من ضحكها فتحت سناب البنات وشافتهم مصورين انفسهم واخوانهم ...جاها اشعار من رحاب بالقروب تجاهلت اتصالها ودخلت تشوف رسايلهم

الهنوف "وجع محد مصور مناف؟"
انفال "محد ركب معه "
رحاب "لهالدرجة تكرهون اخوي شهالبجاحه محد معه مره وحده !"
الهنوف "انا ما صورت احد ما امداني"
ارياف والباقي ما كتبوا شي
ليان "وجعوه لعد تدقون عمتي هيله عينها معي"
جمانه "جدي موصيها طبيعي"
رحاب يكتب...
رحاب "بنات انزلوا عمتي وضحى تبغاكم"
ارياف "انا مع الهنوف عند لفه البيت الحين بنجي نساعدكم اول ما نوصل "

فتحوا البوابة حقت البيت وخلوها ... سعد وسلطان طلعوا غرفهم وخلوا الباقي وراهم
رحاب لمت شعرها واخذت جكيت اسود طويل ولفته عليها وغطت جسمها كامل ونزلت تساعد هاله ووضحى وطلعت للحوش برا وشلت اللي تقدر عليه