♧ ច្រវ៉ាក់ស្នេហ៍អន្ទាក់បេះដូង ♧ រដូវកាលទី2 [ Complete ✔️ ]

ភាគទី ៩ [ បងប្រុសមេត្តាជួយអូនផង ]

ជូនយ៉ុងមកដល់គោលដៅរបស់គេហើយក៏យកឡានទៅចតនៅចំណតទាំងមិននិយាយអីសូម្បីតែមួយម៉ាត់ ! ហើយបន្ទាប់មកគេក៏ចុះដើរធ្វើព្រងើយមិនខ្វាយខ្វល់ជាមួយរាងស្តើងដែលជាប្អូនស្រី គេគ្មានមនោសញ្ចេតនាយ៉ាងនេះផងហេស៎បើកឡានយកនាងមកដាក់ចោលនៅកន្លែងណាក៏មិនដឹងអោយនាងរកផ្លូវទៅផ្ទះវិញកណ្តាលយប់ម្នាក់ឯង , ណាមហ្វាចាប់ផ្តើមបុកពោះចំណតឡានក្រោមដីមួយនេះពិតជាស្ងាត់នឹងគួរអោយខ្លាចសម្បើមណាស់ នាងក៏ប្រញាប់ចុះពីលើឡានហើយក៏រត់យ៉ាងស្មាញ់ញាប់ជើងទៅរកជូនយ៉ុង

    " បងប្រុស " នាងឧទានហៅគេ
    " កុំមកតាមយើងនាងក្មេងឆ្កួត "
    " ឯងជាអ្នកមាយាមកតាមយើងដោយខ្លួនឯង ឯងក៏រត់ផ្លូវទៅផ្ទះវិញដោយខ្លួនឯងទៅយើងមកក្លិបយើងមកសប្បាយ តែឃើញឯងតាមយើងទៀតយើងកាច់ក៎ឯងអោយស្លាប់មិនខានទេ " 
ជូនយ៉ុងគម្រាមជាមួយទឹកមុខព្រៃផ្សៃជាទីបំផុតហើយគេថែមទាំងលើកដៃរុញក្បាលណាមហ្វាបន្តិចទៀតផង ! ក្នុងចិត្តរបស់គេមិនមានអារម្មណ៍ចំណងល្អៗអីជាមួយនាងទាល់តែសោះខណះពេលដែលនាងភ័យខ្លាចញ័រខ្លួនបែបនេះហើយគេនៅតែដើរចោលនាងធ្វើព្រងើយទៀត ណាមហ្វាឈរអោបដៃសម្រក់ទឹកភ្នែកកន្លែងអីបែបនេះនាងមិនដែលធ្លាប់មកជាន់នោះទេ នាងខ្លាចពួកល្មោមកាម ខ្លាចមនុស្សស្រវឹងអស់ទាំងនោះ ក្នុងចិត្តរបស់នាងនៅពេលនេះបន់ផ្សងសុំអោយលោកប៉ាអ្នកម៉ាក់ពូចូសុីនមកជួយនាងផង នាងខ្លាចខ្លាំងណាស់ ។

    " ទូ...ទូរស័ព្ទ " ណាមហ្វាប្រញាប់យកទូរស័ព្ទមករាវរកលេខប៉ារបស់នាង តែមិនទាន់ទាំងបានបើកអេក្រង់ទូរស័ព្ទផងស្រាប់តែមានអ្នកណាក៏មិនដឹងមកទះគូទរបស់នាងលឺសូរតែផាច់

    " អាយយយ៎ ! ពួកមនុស្សឆ្កួត " ទូរស័ព្ទជ្រុះចេញពីដៃរបស់ណាមហ្វា ក្រសែរភ្នែកព្រាននារី3គូកំពុងសម្លឹងគយគន់រូបរៀងរបស់ណាមហ្វាតាំងពីក្បាលរហូតដល់ចុងជើង ពួកវាជញ្ជក់មាត់ដូចជាកំពុងតែឃ្លានណាស់ ។ ណាមហ្វាស្លៀកសំពត់ខ្លីសាច់ភ្លៅរបស់នាងស៎ស្គុសដូចជាបណ្តូលចេកអញ្ចឹងតើបានពួកវាលេបទឹកមាត់សម្បើមណាស់ ។

    " ឆ្កួតយ៉ាងមិច ? កំដរបងឡើងគ្រែមួយទឹកពីរសិនអត់ "
    " ចាំបងអោយថ្លៃខ្លួនអូនថ្លៃគុណនឹងពីរ " បុរសម្នាក់ក្នុងចំណោមបីអ្នកនិយាយចេញមកភាយក្លិនស្រាអោយហួងណាមហ្វាស្ទើរតែដួលសន្លប់ព្រោះចាញ់ក្លិន វាថែមទាំងលូកដៃទៅលូកលាន់ស្ទាប់អង្អែលសាច់របស់ណាមហ្វាទៀតផង