♧ ច្រវ៉ាក់ស្នេហ៍អន្ទាក់បេះដូង ♧ រដូវកាលទី2 [ Complete ✔️ ]

ភាគទី ៨៨ : បើខ្ញុំស្លាប់សុំឆ្លាក់ឈ្មោះរបស់ហ្វាអោបជាប់បេះដូង

មួយអាទិត្យក្រោយមក :
ណាមហ្វាឈរនៅមុខកញ្ចក់បន្ទាប់ពីតែងខ្លួនហើយថ្ងៃនេះជីមីនទំនេរបន្ទាប់ពីរវល់ចាត់ការរឿងហាងត្រូវចោរប្លន់អស់មួយអាទិត្យពេញហើយជីមីនក៏បបួលណាមហ្វាមកStudioដើម្បីថតរូបទុកជាអនុស្សាវរិយ៍មុនពេលដែលណាមហ្វាសម្រាលកូន

     " អ្នកនាងរួចហើយរឺនៅចាស៎ ? "
     " ចៃដន្យលោកប្រុសអោយខ្ញុំមកមើល "
     " ចាស៎រួចហើយ "
ណាមហ្វាដើរចេញពីបន្ទប់តែងខ្លួនសំដៅទៅរកជីមីននៅឯកន្លែងថតតែម្តង ជីមីនញញឹមពេញចិត្តណាស់នៅពេលដែលឃើញសំណព្វចិត្តរបស់គេស្អាតប្រៀបបីដូចជាហង្សមកពីឋានសួគ៍ ។ ទឹកមុខណាមហ្វាគ្មានទុក្ខកង្វល់ទាល់តែសោះ មួយអាទិត្យពេញមកនេះនាងសប្បាយចិត្តរហូតថែមទាំងផ្អែមល្ហែមជាមួយជីមីនខ្លាំងពីមួយថ្ងៃទៅមួយថ្ងៃទៀតផងជីមីននៅត្រង់ណានាងក៏នៅទីនោះតាមជីមីនគ្រប់ជំហ៊ាន ។

     " ប្រពន្ធសម្លាញ់របស់បងអីក៏ស្អាតខ្លាំងម្លេះ ? "
     " ស្អាតខ្លាំងណាស់ បងដកចិត្តពីអូនមិនរួចនោះទេ " ជីមីននិយាយរួចក៏ទម្លាក់ស្នាមថើបលើបបូរមាត់ណាមហ្វាខ្សើតអោយគេច្រណែនគ្រប់គ្នា ទង្វើររបស់នាងបញ្ជាក់ពីភាពអាត្មានិយមតែគ្រាន់តែអាត្មានិយមដើម្បីជួបមនុស្សប្រុសល្អហើយនឹងដើម្បីសុភមង្គល់របស់នាងហើយនឹងកូនមើលទៅនាងក៏ហួសហេតុពេកទេណ៎ !!!

     " មីន ! អូនអៀនណាស់ "
     " ថតរូបថ្ងៃនេះបងទុកតាំងមុខរោងការរបស់យើង "
     " ហើយក៏បិទពេញផ្ទះទុកអោយកូនមើលជាអនុស្សាវរីយ៍ "
     " សម្តីផ្អែម អូនស្រាច់លើបងទេបងសម្លាញ់ "
ទាំងពីអ្នកផ្អែមល្ហែមដាក់គ្នាហើយក៏ប្រញាប់ថតរូបស្ទាយផ្សេងៗគ្នាជាច្រើនប៉ុស្តិ៍តែម្តង ថតទាល់តែគ្រប់ចំនួនដែលជីមីនចង់បានទើបបញ្ចប់ ។ បន្ទាប់ពីចប់ហើយណាមហ្វាក៏ទៅប្តូរឈុតវិញ នៅពេលដែលនៅម្នាក់ឯងណាមហ្វាក៏ធ្លោយទឹកមុខសោកសៅចេញមក នៅមុខជីមីននាងគ្រាន់តែសំដែងធ្វើជាសើចសប្បាយទៅគ្រប់កន្លែងធ្វើជាដូចគ្មានទុក្ខកង្វល់ទាំងដែលការពិតនាងកំពុងតែពិបាកចិត្ត ពេលនេះមិនដូចពេលមុននោះទេណាមហ្វានៅពេលនេះប្រៀបបីដូចជាស្រមោលហើយមិនសូវជាមានអ្នកណាមើលឃើញនាងដូចកាលពីមុន ព្រោះតែនាងប្តូរអត្តចរិកហួសហេតុជ្រុលពេកទើបគ្រួសារមិនសូវជាពេញចិត្ត ។