♧ ច្រវ៉ាក់ស្នេហ៍អន្ទាក់បេះដូង ♧ រដូវកាលទី2 [ Complete ✔️ ]

ភាគទី ៦៥+៦៦ : ព្រោះខ្ញុំជាមនុស្សដែលមានគុណធម៌

កូនចៅអស់ទាំងនោះបង្ខំចិត្តធ្វើនោះទេមួយជើងៗដែលពួកគេទាត់ធាក់ទៅលើជូនយ៉ុងគឺសុទ្ធតែបិទភ្នែកធ្វើ ជាកូនចៅគេក៏បែបនេះហើយបញ្ជាររបស់ចៅហ្វាយបញ្ជារមកបែបណាត្រូវតែប្រព្រិត្តតាមបែបនោះមុននោះខំទុកផ្លូវរស់អោយហើយបែរជាមិនចង់សុខចិត្តត្រឡប់មកវិញមកអោយគេវ៉ៃទាំងដែលដឹងច្បាស់ក្នុងចិត្តហើយតែអោយគេចាប់បានគឺមានលទ្ធផលបែបនេះ ។

     " ជូនយ៉ុង " ចៃដន្យអីឆេមីនហើយនឹងណាមជូនក៏ដើរមកដំណាលគ្នាតែមិនបានន័យថាពួកគេមកជាមួយគ្នាទេគឺម្នាក់ៗមកពីផ្ទះរៀងខ្លួនគ្រាន់តែចៃដន្យមកដល់ដំណាលគ្នាតែប៉ុណ្ណោះ

     " អាចង្រៃនេះអើតក្បាលមកទៀត "
     " ល្អម្តងនេះយើងបាញ់បំបែកក្បាលឯងតែម្តង " ណាមជូនក៏ដូចគ្នាត្បិតតែស្អប់ម្តាយហើយនឹងកូនជូនយ៉ុងមួយគូនេះក៏ពិតតែយល់ដល់ឈ្មោះយូមីដែលធ្លាប់ជាអតីតភរិយាណាមជូនក៏បន្ធូដៃអោយទាំងដែលរាល់ថ្ងៃក៏ខឹងញ័រសាច់ស្ទើរតែធ្លាយកំហឹងចេញមកខាងក្រៅម្តងម្កាល ម្តងនេះវាហ៊ានដើរចូលមកក្នុងមាត់ខ្លា ខ្លាមកទាន់ហើយប្រសិនបើខ្លាត្របាក់ជាចំណីច្បាស់ជាមិនមេនជាកំហុសរបស់ខ្លាឡើយ ។

     " កុំ ! កុំធ្វើបែបនេះ " ឆេមីនចាប់ដៃណាមជូនជាប់ព្រោះឃើញណាមជូនចង់ដកកាំភ្លើងចេញពីចង្កេះដើរទៅរកជូនយ៉ុង អាចថាការពារជូនយ៉ុងមួយចំណែកក៏បានហើយមួយចំណែកទៀតគឺនាងមិនចង់អោយស្វាមីជាប់ខ្នោះជាប់ច្រវ៉ាក់ដៃប្រឡាក់ឈាមទាំងវ័យចំណាស់ហើយ

     " លែង ! កុំមកចេះណាឆេមីន "
     " បើបងជាប់គុកតើអោយអ្នកណានៅជាមួយអូន "
     " បើជ្រុលជាចង់សម្លាប់មនុស្សបងបាញ់អូនអោយស្លាប់តែម្តងមកចុះដើមទ្រូងជាប្រពន្ធមិនចង់អោយស្វាមីបែបនេះឡើយ អូនមិនចង់អោយមនុស្សល្អរបស់អូនដៃប្រឡាក់ឈាមទៀតទេ " ឆេមីនទឹកភ្នែកហូរឡើងសស្រាក់អ្នកណាចង់ឃើញប្តីជាប់គុក ? អ្នកណាចង់លឺគេនិន្ទាថាប្តីជាឃាតករសម្លាប់សាច់ឯង ? ច្បាស់ជាមិនចង់ទេគឺរឹតតែមិនហ៊ាននឹងស្រមៃទៅទៀតណាមជូននៅពេលនោះដែលក៏ភ្ញាក់ខ្លួនព្រើតកាលបើបានឃើញទឹកភ្នែកនាងជាភរិយាស្រក់ហូរឥតឈប់ គេកំពុងតែក្បត់ពាក្យសន្យាគេកំពុងតែខុសពាក្យសម្បថ គេធ្លាប់បាននិយាយថាមិនអោយប្រពន្ធស្រក់ទឹកភ្នែកឡើយគេនឹងផ្តល់សុភមង្គល់អោយទៅនាងតែនៅពេលនេះគេបានធ្វើខុសបណ្តោយអោយប្រពន្ធជាទីស្រលាញ់ស្រក់ហូរទឹកភ្នែកអោយទាល់តែបាន ។