♧ ច្រវ៉ាក់ស្នេហ៍អន្ទាក់បេះដូង ♧ រដូវកាលទី2 [ Complete ✔️ ]

ភាគទី ៣៧ : ទីនេះជាទីណា ? ហេតុអ្វីហ្វានៅទីនេះ ?

ព្រលានយន្តហោះ !

ពីរអ្នកម្តាយហើយនឹងកូនមកដល់មុនកំណត់ប្រហែលនៅសល់មួយម៉ោងជាងទៀតទើបណាមហ្វាត្រូវឡើងយន្តហោះ កំឡុងពេលដែលរងចាំណាមហ្វាក៏អោបឆេមីនជាប់រហូតរយះពេលទៅរៀនបន្តគឺយូណាស់បួនឆ្នាំឯណោះទើបបានត្រឡប់មកវិញនាងមិនចង់ឃ្លានឆ្ងាយពីដើមទ្រូងដ៎កក់ក្តៅរបស់អ្នកម៉ាក់ទើបនាងអោបជាប់រហូត

     " ពូចូធ្លាប់ប្រាប់កូនថាកាលកូននៅតូចទើបនឹងកើតម៉ាក់ក៏នាំកូនដើរតាមផ្លូវតែពីរអ្នកកម្សត់កម្រយ៉ាងណាក៏ម៉ាក់នៅតែអោបកូនជាប់ រហូតដល់ថ្ងៃនេះម៉ាក់ក៏នៅតែអោបកូនជាប់ កូនមានសំណាងខ្លាំងណាស់ដែលបានក្លាយជាកូនស្រីរបស់ម៉ាក់ " ណាមហ្វានិយាយទាំងទឹកភ្នែកស្ទើរតែស្រក់ហូរពេលនេះមានតែម៉ាក់ប៉ុណ្ណោះដែលនៅកំដរនាងប៉ុន្មានថ្ងៃដែលនាងដើរមិនកើតម៉ាក់កំដរម៉ាក់មើលថែនាងរហូត ជាតិនេះដូចអ្វីដែលនាងបាននិយាយចេញមកគឺនាងមានសំណាងខ្លាំងណាស់ដែលបានកើតជាកូនស្រីរបស់អ្នកម៉ាក់ ។

     " កូនជាកូនរបស់ម៉ាក់យ៉ាងណាក៏ម៉ាក់ត្រូវតែនៅក្បែរកូន "
     " កូននៅឆ្ងាយយ៉ាងណាក៏ម៉ាក់នៅក្បែរៗកូនរហូត រៀនរឹងមាំឡើងណាកូនសម្លាញ់រយះពេលបួនឆ្នាំត្រឡប់មកវិញម៉ាក់សង្ឃឹមថាកូនស្រីរបស់ម៉ាក់នឹងក្លាយជាមនុស្សថ្មីម្នាក់ទៀត " ឆេមីនអង្អែលក្បាលកូនស្រីថ្នមៗណាមហ្វាក៏លើកកូនដៃឡើងចង់ថ្ពក់ដៃសន្យាជាមួយម៉ាក់

     " អ្វី ..?!? "
     " កូនសន្យាជាមួយម៉ាក់ត្រឡប់មកវិញកូននឹងក្លាយជាមនុស្សថ្មីមិនអោយម៉ាក់ខកបំណងហើយកូននឹងរឹងមាំអោយដូចជាអ្នកម៉ាក់មិនអោយអ្នកម៉ាក់បារម្ភពីកូនឡើយ "
     " ចាស៎ " ឆេមីនហើយនឹងណាមហ្វាក៏ថ្ពក់ដៃសន្យាជាមួយគ្នាដើរតួជាម្តាយផងជាបងស្រីផងជាមនុស្សដែលយល់ចិត្តកូនបំផុតផងមួយជីវិតម៉ាក់នេះលះបង់ច្រើនណាស់ដើម្បីអោយកូនម៉ាក់សប្បាយចិត្ត ។

     " អូ៎ !!! "
     " មើលទៅផែនដីមូលទៀតហើយ "
     " ជូនយ៉ុង ? ទៅណាដែលកូន ? " មិនដឹងថាជារឿងចៃដន្យរឺក៏តាំងចិត្តអោយប្រាកដនោះទេឃើញមុខជូនយ៉ុងភ្លាមណាមហ្វាក៏ទម្លាក់ទឹកមុខចុះគេប្រៀបដូចបិសាចមួយក្បាលដែលអន្ទោលតាមប្រាណនាងជាប់ស្អិតយ៉ាងអញ្ចឹង ! មើលចុះសូម្បីតែថ្ងៃឡើងយន្តហោះក៏ជូនជាមួយនាងដែលសង្ឃឹមថាប្រទេសមិនដូចគ្នាផងទៅចុះណាមហ្វានឹងមិនមានអារម្មណ៍ថាភ័យនៅពេលត្រូវទៅរស់នៅឆ្ងាយបាត់ ។