♧ ច្រវ៉ាក់ស្នេហ៍អន្ទាក់បេះដូង ♧ រដូវកាលទី2 [ Complete ✔️ ]

ភាគទី ៨០ : ប្រសិនបើបងស្លាប់បងនឹងមិនតាមរំខានអូន ហ្វា !

ជាច្រើនម៉ោងបានកន្លងផុតទៅ :
ព្រោះតែបារម្ភពីជីមីនទើបណាមហ្វាមិនទាន់គេងនាងនៅបើកភ្នែករងចាំជីមីននៅឡើយទាំងដែលថ្មើរនេះម៉ោងជាង11យប់ទៅហើយ ។ សុខៗណាមហ្វាស្រាប់តែនឹកឃើញចង់ចេញទៅក្រៅបន្ទប់ ទៅអង្គុយរងចាំជីមីននៅឯជាន់ខាងក្រោមវិញម្តង តែថានៅពេលដែលទម្លាក់ជើងចុះពីលើគ្រែកំភួនជើងរបស់ណាមហ្វាស្រាប់តែចុករមួលក្រពើយកៗតែម្តង

     " អូយយ៎ ឈឺ!ឈឺណាស់ "
     " អ្ហឹកកជើងរបស់ខ្ញុំចុកខ្លាំងណាស់ "
វាជារឿងធម្មតាស្រាប់ទៅហើយសម្រាប់មនុស្សស្រីដែលមានផ្ទៃពោះ ទម្ងន់ចាស់ខែរូបរាងកាន់តែប្រែប្រួលទម្ងន់ពោះកាន់តែធ្ងន់ធ្វើអោយចលនាជើងប្រែប្រួលឧស្សាហ៍រមួលក្រពើរអីបែបនេះ ។ 

     " អូនហ្វា ! សម្លេងរបស់អូនហ្វា "
ជូនយ៉ុងគ្រាន់តែលឺសំឡេងរបស់ណាមហ្វាក៏សម្រុកបើកទ្វារចូលទៅតែម្តង នៅពេលដែលម្ចាស់គេមិននៅជូនយ៉ុងក៏យាមជំនួសតែម្តងដោយហេតុព្រួយបារម្ភពីណាមហ្វាខ្លាចក្រែងណាមហ្វាភ្លាត់ស្នៀតបណ្តាលអោយដួលប៉ះពាល់ដល់កូនហើយក៏លំបាកដល់ខ្លួនណាមហ្វាទៀតទើបជូនយ៉ុងសុខចិត្តវិចខ្នើយមកដេកនៅមុខបន្ទប់របស់ណាមហ្វា ចង់ជីមីនមកឃើញហើយមួម៉ៅបែបណាក៏ស្រាច់តែជីមីនចុះសំខាន់ណាមហ្វាជាប្រពន្ធរបស់គេ គេត្រូវតែហួងហែងបារម្ភជារឿងធម្មតា ។

     " ហ្វាអូនកើតអី ? អូនរមួលក្រពើររឺ ? "
     " ចាំបងជួយច្របាច់អោយអូន ទ្រាំបន្តិចណាមិនឈឺទេ "
ជូនយ៉ុងទម្លាក់ខ្លួនអង្គុយទាល់គូទនឹងការ៉ូហើយក៏ប្រើដៃទាំងពីរច្របាច់ជើងអោយណាមហ្វាថ្នមៗ ដៃដែលធ្លាប់តែកាន់ខ្សែរក្រវ៉ាត់វ៉ៃដៃដែលធ្លាប់តែលើកទះអោយឈាមបែកមាត់នៅពេលនេះគឺលែងមានទៀតហើយដៃដែលធ្លាប់សាងរឿងឃោឃៅព្រៃផ្សៃកាលពីមុននៅពេលនេះគឺសុំថ្នាក់ថ្នមថែអូនវិញម្តង ...។

     " ឈប់ទៅ ! កុំប៉ះខ្ញុំអូយយ៎ "
     " មិនត្រូវការអោយលោកជួយនាំតែជំពាក់គុណស្រ័យទេ "
ណាមហ្វាគ្មានចិត្តចង់អោយជូនយ៉ុងជួយនាងសូម្បីតែបន្តិចនេះសូម្បីតែស៊ុបដែលជូនយ៉ុងបានចំអិនអោយក៏ណាមហ្វាទុកនៅកន្លែងដើមមិនប៉ះពាល់ដែល ! ណាមហ្វាមិនចង់អោយមានគុណស្រ័យសូម្បីតែរឿងកំប៉ិកកំប៉ុកមួយ ព្រោះតែមិនចង់ជាប់ជំពាក់គ្នាទើបណាមហ្វាមិនរករឿងសុខចិត្តបញ្ចប់ហើយក៏ផ្តល់ជីវិតអោយជូនយ៉ុងបានរស់នៅយ៉ាងល្អដូចកាលពីមុនដែលដោះដូរនឹងការយល់ច្រឡុំដែលជូនយ៉ុងលួចគឹតតាំងពីក្មេងថាណាមហ្វាដណ្តើមក្តីសុខក្តីស្រលាញ់របស់គេ ។ បន្ទាប់ពីបញ្ចប់ណាមហ្វាតាំងចិត្តថាមិនពាក់ព័ន្ធជាមួយនឹងគេទៀតឡើយទើបនាងចេះតែគេចតែថាគេក៏ចេះតែដើេរចូលមករកនាងឥតឈប់ !!!