♧ ច្រវ៉ាក់ស្នេហ៍អន្ទាក់បេះដូង ♧ រដូវកាលទី2 [ Complete ✔️ ]

ភាគទី ៤៣ : ជួយនាង ?

ព្រឹកថ្ងៃថ្មីជាបន្ត !

រាងកាយស្តើងដេកស្តូកប្រៀបបីដូចជាគល់ឈើអញ្ចឹង កាលពីម្សិលមិញក៏ព្រោះតែរងការធ្វើបាបយ៉ាងដំណុំធ្វើអោយរាងកាយនាងចុះឌ្រុតឌ្រោមទៅជាឈឺក្រោកលែងរួច ។ ណាមហ្វាដេកអោបដៃទាំងខ្លួនញាក់ញ័រព្រោះតែនាងរងារ យ៉ាងៗនេះមិនដឹងថាជីវិតរបស់នាងឆ្លងផុតដំណាក់កាលអាក្រក់បានដោយរលូនរឺមួយក៏អត់ទេ

     " ដេកដូចខ្មោចងាប់ ខ្ចិលសម្ពឹកអោយរលួយ "
     " ធ្វើមើលតែខ្លួនឯងជាព្រះនាង ខ្ពើមចរិកណាស់ " ជូនយ៉ុងដើរចេញពីបន្ទប់ទឹកវិញគេក៏រអ៊ូតែម្តងគេងួតទឹកឡើងស្អាតបាតហើយនាងបែរជាដេកស្ពឹកខ្ចិលទៅវិញ កាលដែលចាប់នាងមកនេះគឺត្រូវអោយនាងមកធ្វើជាកញ្ជះដាច់ថ្លៃរបស់គេ បើឃើញនាងទារុណខ្ចិលអូសមិនរួចបែបនេះទើបគេមកពេញចិត្ត

     " នាងហ្វា មីក្មេងឆ្កួត ឆាប់ក្រោកឡើង "
     " នៅដេកដល់ណា ? មិនក្រោយធ្វើការទេរឺមួយក៏យ៉ាងមិច "
     " នាងហ្វា នាងកញ្ជះដាច់ថ្លៃឆាប់ក្រោកឡើង " ជូនយ៉ុងយកជើងកៀសៗរាងកាយរបស់ណាមហ្វាអោយនាងភ្ញាក់ឡើងតែនាងហាក់បីមិនកម្រើកដាក់គេទាល់តែសោះ ។ ជូនយ៉ុងធ្វើបែបនេះច្រើនលើកច្រើនសារយូៗទៅមានអារម្មណ៍ចម្លែកក៏ព្រោះតែគេទទួលបានអារម្មណ៍ថាក្តៅតាមរយះចំហាយចេញពីសាច់របស់នាង

     " ណាមហ្វា ! អេ៎នាងឆ្កួត ស្លាបហើយមេនទេ "
     " នាងហ្វាឆាប់ក្រោកឡើង លឺយើងហៅដែលទេ ? " ជូនយ៉ុងស្រែកខ្លាំងៗដាក់ណាមហ្វាតែស្រែកយ៉ាងណាក៏នាងនៅតែដូចដើម ចុងបញ្ចប់ទាល់តម្រិះហើយជូនយ៉ុងក៏បន្ទាប់ខ្លួនចុះហើយក៏យកដៃចាប់សាច់របស់ណាមហ្វាដោយផ្ទាល់ ។ រាងកាយណាមហ្វាក្តៅប្រៀបបីដូចជារងើកភ្លើង ចំណែកឯកន្លែងដែលត្រូវវាយដុំនោះឡើងជាំកំណកឈាមខ្មៅងងិតឃើញហើយស្រណោះនាងខ្លាំងណាស់ បបូរមាត់របស់នាងឡើងស្លេកក្រៀកកំពិតមុខមាត់ស្លេកដូចខ្សត់ឈាម

     " ណាមហ្វា ! មីក្មេងមានបញ្ហាលឺយើងហៅដែលទេ ? "
     " រងារណាស់ ហ្វារងារណាស់ អ្ហឹកកក "
     " ហ្វាជិតស្លាប់ហើយ ហឹកកហឹកក "
     " ចង្រៃយ៎អើយ មីក្មេងមានបញ្ហាច្រើន " ជូនយ៉ុងខាំមាត់ទោះបីជាមិនចង់ជួយតែក៏ត្រូវតែជួយនាងទើបតែបានមួយថ្ងៃដំបូងអោយនាងស្លាប់ស្រួលបែបនេះបានយ៉ាងមិច ? ជូនយ៉ុងប្រញាប់យកសោរមកចាក់ដោះច្រវ៉ាក់ចេញពីជើងរបស់ណាមហ្វាហើយបន្ទាប់មកទៀតជូនយ៉ុងលើកបីណាមហ្វាឡើងដោយផ្ទាល់ដៃមកដល់មុខផ្ទះគេក៏ប្រញាប់ខលទៅសុំជំនួយអោយគេយកឡានមកអោយដើម្បីនាំក្មេងឆ្កួតម្នាក់នេះទៅមន្ទីរពេទ្យ ។ រំលងទៅប្រហែលជាដប់នាទីកូនចៅរបស់មិត្តជូនយ៉ុងក៏បានយកឡានមកដល់ហើយជូនយ៉ុងក៏ប្រញាប់បីណាមហ្វាឡើងឡានភ្លាមៗ ។