♧ ច្រវ៉ាក់ស្នេហ៍អន្ទាក់បេះដូង ♧ រដូវកាលទី2 [ Complete ✔️ ]

ភាគទី ៩៥ : បងមិនហ៊ានសន្យាទេ

បន្ទាប់ពីផ្តល់ស្នាមថើបទៅអោយជូនយ៉ុងរួចហើយណាមហ្វាក៏លើកដៃជួតផ្តឹតទឹកភ្នែកចេញពីផែនថ្ពាល់អោយជូនយ៉ុង នាងមិនចង់ឃើញទឹកភ្នែករបស់គេចង់ឃើញគេរឹងមាំ ជាពិសេសចាប់ដៃជំនះបញ្ហាជាមួយនាងមិនថាលទ្ធផលបែបណាត្រូវតែទទួលយក ...។

     " កុំយំ "
     " បងរំភើប ! បងមិននឹកស្មានថាមានថ្ងៃនេះ "
     " បងព្យាយាមច្រើនណាស់អូនគួរតែអោយឱកាសបង "
     " អូនសំទោស អូនឈប់រឹងដាក់បងទៀតហើយ "
     " ហ្វា " នាងហាមគេមិនអោយយំតែគេទប់ទឹកភ្នែកមិនជាប់វាចេះតែហូរចេញមកដោយឯងៗ រាប់សិនខែមកហើយមិនដែលទទួលបានក្តីសុខបែបនេះនោះទេសូម្បីតែគេស្ទើរស្លាប់ម្តងណាមហ្វាក៏មិនអត់អោន ម្តងនេះណាមហ្វាផ្តល់ឱកាសអោយធ្វើអោយជូនយ៉ុងរំភើបខ្លាំង ទឹកភ្នែកហូរវាជារឿងធម្មតានោះឯង ...។

     " ប្រុសឆ្កួតអូនប្រាប់ថាកុំយំ "
     " តែយំពេលកូនកើតមកអូននឹងប្រាប់កូនថា... "
     " ប៉ាកូននេះណារំរអួយខ្លាំងណាស់ "
ឆាកជីវិតជួបរឿងរ៉ាវច្រើនរាប់មិនអស់បែបណាក៏ពួកគេទាំងពីរធ្លាប់ជួប ព្យុះភ្លៀងទឹករលកបោកច្រានយ៉ាងណាក៏តស៊ូបានមកដល់ថ្ងៃនេះ តែទម្រាំតែមកដល់ថ្ងៃនេះទាំងពីរអ្នកក៏ឈឺឆ្អែតឆ្អន់រាប់លានសែនដងរួចមកហើយ ។ ដូចពាក្យចាស់តែងពោលថាខុសហើយទើបរកផ្លូវត្រូវឃើញ វាក៏ដូចតែជូនយ៉ុងហើយនឹងណាមហ្វាអញ្ចឹងឈឺរៀងខ្លួនឈឺស្ទើរតែស្លាប់ហើយទើបយល់អត្ថន័យនៃពាក្យថាស្រលាញ់នឹងខ្លាចបាត់បង់ទើបចុងបញ្ចប់រកសុភមង្គល់ខ្លួនឯងឃើញ ...។

     " ហេតុអីក៏ឈរត្រង់នេះយូមី ? "
ណាមជូនដើរមកជាមួយឆេមីន ឃើញថាយូមីចេះតែលួចមើលហើយមិនចូលទៅខាងក្នុងណាមជូនឆ្ងល់ហើយក៏សួរតែម្តងទៅ ។

     " លោកមើលទៅ "
     " គួរចូលទៅកាត់ចង្វាក់រឺមួយក៏អត់ " យូមី
     " អរ៎បែបនោះសោះ ! ហើុយពិភពលោកពណ៍សុីជំពូហើយអូន "
     " ខុសហើយក៏រកត្រូវឃើញ ដូចជាបងអញ្ចឹងជូន "
     " រាលកៃដល់បងអីទៀតហើយអូនប្រពន្ធ បងល្អណាស់អូន "
     " ចា៎កាលនោះបងល្អ ចឹងទើបអូនរត់ចោលបងច្រើនដងណាស់ "
ថាអីតែកូនៗផ្អែមល្ហែមនេះសូម្បីតែប៉ាម៉ាក់ក៏លួចផ្អែមល្ហែមនៅពីក្រោយកូនៗដែល គ្រប់យ៉ាងជិតឈានទៅរកភាពសុខសាន្តវិញអស់ហើយនៅឡើយតែកូនពៅប៉ុណ្ណោះដែលនៅរកាំរកូស ។