♧ ច្រវ៉ាក់ស្នេហ៍អន្ទាក់បេះដូង ♧ រដូវកាលទី2 [ Complete ✔️ ]

ភាគទី ៣៤ [ ម៉ាក់មិនអោយហ្វាឯការទេ ! កែវភ្នែករបស់ម៉ាក់ ]

ខណះពេលដែលរឿងកំពុងតែដល់ផ្លូវទាល់ពិបាកនឹងរកច្រកចេញព្រោះម្នាក់ប្រកាន់ការទទួលយកមិនទានបានហើយម្នាក់ទៀតមិនពេញចិត្តដែលប្រកាន់ភ្ជាប់ចរិកបែបនេះ ! ឆេមីនសម្លឹងណាមជូនក្រសែរភ្នែកស្មើរធេងធ្វើអោយណាមជូនស្រៀវដល់ឆ្អឹងខ្នង ក្រសែរភ្នែកថេយ៍ឆេមីនកាលពី19ឆ្នាំមុន មុនពេលដែលនាងដាច់ចិត្តនាងអស់ទ្រាំហើយនាងដើរចេញពីគេគឺក្រសែរភ្នែកបែបនេះ ។

     " លោកស្រី ! " ចូសុីន
     " នាំកូនហ្វាទៅលាងរបួសចេញចូសុីន "
     " អ្នកម៉ាក់ ហឹកកហឹកក កូនមិនកើតអីទេកូនមិនឈឺទេ "
     " ម៉ាក់កុំឈ្លោះជាមួយលោកប៉ាអីណា ! លោកប៉ាកូនសូមអង្វរ ហឹកកហឹកក ជាកំហុសរបស់កូនលោកប៉ាអ្នកម៉ាក់កុំបែបនេះអី " ណាមហ្វាលុតជង្គង់គ្រិបលើកដៃសំពះលោកប៉ាទាំងទឹកភ្នែក រឿងមកដល់ពេលនេះគឺនាងឈឺចាប់ខ្ទេចខ្ទាំបេះដូងខ្លាំងណាស់ទៅហើយបើអោយលោកប៉ានឹងអ្នកម៉ាក់ឈ្លោះគ្នាព្រោះតែនាងទៀតនាងច្បាស់ជាដាច់ខ្យល់ស្លាប់មិនខានទេ ។

     " ចូសុីន ! ខ្ញុំបញ្ជារថាយ៉ាងមិច ? " ឆេមីនស្រែកខ្លាំងៗខុសពីសម្លេងរាល់ដងដែលនាងប្រើ នាងមិនចង់ឃើញរូបភាពកូនស្រីអង្វរមនុស្សដែលមានឈ្មោះជាប៉ាតែគ្មានចិត្តស្រណោះកូនស្រីនោះទេ ។

     " បាទលោកស្រី " ចូសុីនលើកបីណាមហ្វា
     " ហឹកកហឹកក អ្នកម៉ាក់កុំអោយពូចូយកកូនទៅណាអី "
     " យកស្រីហ្វាទៅលាងរបួសខ្ញុំនិយាយចប់ហើយពួកយើងចេញពីទីនេះ " ស្តាប់តែសំដីក៏ដឹងថាចិត្តដាច់កម្រិតណាដែល ចូសុីនអោនគោរពហើយក៏ប្រញាប់បីអ្នកនាងហ្វាទៅសំអាតរបួសសារជាថ្មី ។

     " ឆេមីន " ណាមជូនរៀងញ័របបូរមាត់
     " ចាំដែលទេកាលគ្រាមួយដែលមនុស្សអាក្រក់ចាប់ខ្ញុំទៅលក់ ? នៅលើកប៉ាល់កណ្តាលសមុទ្រខ្ញុំរកមិនឃើញកោះត្រើយ ពួកគេធ្វើបាបខ្ញុំវ៉ៃដុំកាត់សក់ដែលខ្ញុំស្រលាញ់បំផុត ហើយសភាពរបស់ខ្ញុំនៅពេលនោះក៏ស្រាតដូចជាសភាពកូនហ្វានៅពេលនេះដែល ? បើបងតាំងចិត្តប្រកាន់ហេតុអីមិនប្រកាន់តាំងពីពេលនោះមក ? ហេតុអីទៅ ខ្ញុំសួរថាហេតុអីទៅ ? " ឆេមីនស្រែកដាក់ណាមជូនខ្លាំងៗមើលងាយនាង នាងមិនឈឺនោះទេព្រោះអតីតកាលអ្នកណាក៏មានរឿងអាស្រូវហើយអ្នកណាក៏ខុសដែលតែគេមើលងាយកូនរបស់នាង សាច់ឈាមបង្កើតរបស់នាងទាំងដែលគេមានឈ្មោះថាជាប៉ា ជាចំណែកមួយដែលធ្វើអោយកូនស្រីលេចរូបរាងចេញមក ? គេចិញ្ចិមបីបាច់កូនដោយផ្ទាល់ដៃស្រលាញ់ដូចជាកែវភ្នែកហេតុអ្វីនៅពេលដែលកូនមានរឿងគេបែរជារុញច្រាននាងថែមទាំងដែលពេលវេលាមួយនេះកូនត្រូវការកម្លាំងចិត្តបំផុត ? ឆេមីនពិតជាឈឺចាប់ណាស់ដែលណាមជូនគឹតហើយប្រើទង្វើររួមជាមួយពាក្យសំដីអម្បាញមិញមកកាន់កូនស្រី ។