♧ ច្រវ៉ាក់ស្នេហ៍អន្ទាក់បេះដូង ♧ រដូវកាលទី2 [ Complete ✔️ ]

ភាគទី ១៩ [ មុខសញ្ញាគូស្មេហ៍ថ្មី ]

ព្រឹកថ្ងៃថ្មីជាបន្តទៀតណាមហ្វាហើយនឹងជូនយ៉ុងបើកទ្វារចេញមកដំណាលគ្នាតែថ្ងៃនេះចម្លែកណាមហ្វាមិនបានបញ្ចេញអាការះត្រេកអររឺក៏ចង់ចូលក្បែរជូនយ៉ុងអីនោះទេថ្ងៃនេះនាងក៏ធ្វើធម្មតាជួបគ្នាក៏សម្លឹងមុខរួចនាងក៏ចុះទៅជាន់ក្រោមមុន ។ ជូនយ៉ុងចងចិញ្ចើមចូលគ្នាមិននឹកស្មានថាក្មេងម្នាក់នេះអាចព្រងើយកន្តើយចំពោះគេបាន ? បើនាងបែបនេះគេនៅមិនសុខទេព្រោះមិនអាចបបួលនាងឈ្លោះបាន

    " រឹកឡូយណាស់ ! "
    " ចាំមើលថាបានប៉ុន្មានទឹក "
អ្នកកម្លោះខាំមាត់សម្លក់រាងស្តើងដែលអោយគេឃើញត្រឹមតែខ្នងរបស់នាង ! គេក៏ចុះទៅជាន់ខាងក្រោមដែលដើម្បីញាំអាហារពេលព្រឹក ។ កាលពីយប់មិញលោកប៉ាក៏បន្ថែមការងារអោយជូនយ៉ុងអញ្ចឹងព្រឹកនេះគេក៏ត្រូវចូលក្រុមហ៊ុនពេញមួយថ្ងៃវាក៏ជាសេរីភាពរបស់ណាមហ្វាដែលគ្មានបងប្រុសចាំសាងរឿងជាមួយនឹងនាង ។

    " លោកប៉ាខ្ញុំចង់រីកចម្រើនជាមួយលីហ្វៀរ៍ជាងនេះ "
    " លោកប៉ាថាលឿនពេកដែលទេ ? " ជូនយ៉ុង
    " ជាមនុស្សប្រុសក៏ដូចជាមេគ្រួសារម្នាក់បន្តិចទៀតក៏ត្រូវតែមានទំនួលខុសត្រូវច្រើន អ្វីដែលសំខាន់មានលុយហើយមានកេរ្តិ៍ឈ្មោះ បើឯងចង់អោយទំនាក់ទំនងឯងរវាងលីហ្វៀរ៍ស្និតស្នាលជាងនេះក៏ខំប្រឹងធ្វើការអោយល្អសិនទៅ អនាគតCEOជាឯង " ណាមជូន

ត្បិតតែគេមិនមេនជាកូនបង្កើតមិនមានជាប់ដំណក់ឈាមអីជាមួយណាមជូនសូម្បីតែមួយដំណក់តែណាមជូនពិតជាស្រលាញ់ហើយក៏លើកតម្កើនកូនប្រុសក្រៅសាច់ឈាមម្នាក់នេះខ្លាំងណាស់ ។ នៅក្នុងបញ្ជីររបស់គ្រួរសារគេក៏ជាកូនច្បង កូនច្បងក៏មានតួនាទីស្នងត្រកូលស្នងទ្រព្យសម្បត្តិដែលជារបស់មានតម្លៃរបស់ដែលត្រកូលខំកសាងមកតាំងពីជំនាន់លោកតាដល់លោកប៉ាហើយក៏ដល់ជំនាន់របស់គេ ។

    " អរគុណលោកប៉ា "
    " ខ្ញុំគ្រាន់តែពេញចិត្តលីហ្វៀរ៍ពេកទើបចិត្តក្តៅ " ណាមជូន
    " កាត់ទៅបងច្បាស់ណាស់ " ឆេមីន
    " កូនត្រូវតែកាត់មកបងហើយអូន ព្រោះបងបីវាតាំងពីតូចមក "
ណាមជូនក៏សើចសប្បាយចិត្ត ជូនយ៉ុងវិញក៏ដូចគ្នាក្រសែរភ្នែករបស់គេចេះតែសម្លឹងមើលទៅណាមហ្វារហូតព្រោះចង់ឃើញប្រតិកម្មច្រណែនរបស់ណាមហ្វាដូចកាលពីយប់មិញ !!!