♧ ច្រវ៉ាក់ស្នេហ៍អន្ទាក់បេះដូង ♧ រដូវកាលទី2 [ Complete ✔️ ]

ភាគទី ៨៥ : បើលោកស្លាប់ខ្ញុំអហោសិកម្មអោយលោក

     ផាំងងង !!!
     " អ្នកប្រុសយ៉ុង ~~~ "
សម្លេងស្រែកឆោឡោក៏បានបន្លឺឡើងក្រោយពេលដែលអ្នកប្រុសធំនៃត្រកូលគីមដើេរចូលឡានដឹកទំនឹញមួយ ឡាននោះបើកមកស្ថិតក្នុងល្បឿនលឿនណាស់ដែលធ្វើអោយជូនយ៉ុងបើុងខ្ទាតទៅដល់ពីរម៉ែត្រហើយក៏មានឈាមដាបអូសតាំងពីឡានរហូតដល់ចំណុចដែលរាងក្រាស់ដេកស្តូកស្តើងរាងកាយប្រកាច់ឡើងបន្តិចហើយក៏មានឈាមក្រហមឆ្អៅហូរស្រោចឡើងពេញខ្លួន ...។

     " គេហ៊ាន !? "
ណាមហ្វាឈរភាំងនៅនឹងកន្លែងគឹតថាគេមិនហ៊ាននោះទេតែចុងបញ្ចប់គេក៏ហ៊ានពិតមេន ដែលគេហ៊ានលះបង់ដល់ថ្នាក់នេះក៏ព្រោះតែបញ្ជាក់ចិត្តស្មោះស្ម័គ្រអោយនាងបានឃើញ ។

     " លោកស្រី ! ចៅហ្វាយធំ អ្នកប្រុសយ៉ុង "
     " អ្នកប្រុសយ៉ុងត្រូវឡានបុក " 
អង្គរក្សឯទៀតប្រញាប់ខលហៅឡានពេទ្យជាបន្ទាន់ចំណែកឯម្នាក់ទៀតក៏ប្រញាប់រត់មកផ្តល់ដំណឹងអោយណាមជូនហើយនឹងឆេមីនបានដឹង ពាក្យថាកូននេះណាគឺមានន័យខ្លាំងណាស់លោកប៉ាដែលតាំងចិត្តថាមិនអភ័យទោសអោយកូនប្រុសក៏ប្រញាប់រត់ទៅមើលកូនប្រុសដែល ។ ឆេមីនដែលជាម្តាយធម៌វិញស្ទើរតែខ្យល់ចាប់ស្លាប់មួយរំពេជ មិនដឹងថាជាតិនេះទៅសាងបាបកម្មអ្វីមកទេថាជីវិតខ្លួនឯងកាលពីនៅក្រមុំទៅមានរឿងរ៉ាវច្រើនពិបាកវេទនាខ្លាំងណាស់ ដល់ពេលដែលចូលវ័យចាប់ផ្តើមចំណាស់ហើយបាបកម្មក៏ធ្លាក់លើកូនៗវិញ ជួបរឿងរន្ធត់ម្តងម្នាក់ៗឥតចេះឈប់ឈរទាល់តែសោះ ...!!!
ចំណែកឯណាមហ្វានាងគ្រាន់តែមានចិត្តរន្ធត់ក៏ព្រោះតែស្រស់ៗពេកតែបើថាអោយនាងអាណិតគឺនាងគ្មានចិត្តអាណិតនោះទេ វិប្បដិសារីដែលគេបានសាងជាប់ខ្លួនបាបកម្មដែលគេបានសាងលើនាងគឺធ្ងន់ធ្ងរខ្លាំងណាស់គេជួបបែបនេះក៏ព្រោះតែជាវេនកម្មរបស់គេហើយ ។

     " ជូនយ៉ុង ! កូនប្រុសឯងត្រូវតែមិនអីទេ "
     " ស្តាប់ប៉ាឯងត្រូវតែទ្រាំ ឯងមិនអីទេ "
ណាមជូនលើកកូនប្រុសឡើងហើយក៏ក្តាប់ដៃកូនប្រុសយ៉ាងជាប់ ខំចឹញ្ចឹមបីបាច់ស្រលាញ់ឡើងពេញកម្លោះទៅហើយទោះជាកូនប្រុសធ្លាប់ធ្វើអោយស្អប់យ៉ាងណាក៏លោកប៉ាមិនអោយកូនកើតអ្វីដែល ។