ပြိုင်ဘက်ကင်းအသန်မာဆုံး သခင်ကြီး

အခန်း ၃ ဒီဆရာက နားလည်ရခက်လွန်းတယ်

[Unicode]
အခန်း ၃  ဒီဆရာက နားလည်ရခက်လွန်းတယ်

“လေးချက်မြောက်အနေနဲ့တော့ မင်းတကယ်လို့ ရှေးဟောင်းမိသားစုလိုတွေနဲ့ ပြဿနာတက်ခဲ့ရင် ငါ့နာမည်နဲ့အဆင့်အတန်းကို မဖော်ထုတ်မိစေနဲ့။”

ယွင်လီကော၏ မျက်နှာအမူအရာတို့ တွန့်ရှုံ့သွားတော့သည်။

ခဏအကြာမှာတော့ ယွင်လီကော အချက်အလက်အကျဉ်းချုပ်ကို နားလည်သွားသော်လည်း မနေနိုင်စွာဖြင့် မေးခွန်းတစ်ခုကို သတိထားမေးကြည့်လိုက်သည်။

“ဆရာ၊ သိုင်းပညာရှင်တွေဆိုတာ သတ္တိရှိရှိနဲ့ ဘယ်တော့မှ နောက်မဆုတ်ဘဲ တိုက်ခိုက်သင့်တာမဟုတ်ဘူးလား?”

လုရှောင်ယန် လှောင်ရယ်လိုက်တော့သည်။

“မင်း ကိုယ့်အားကိုယ်ကိုးတဲ့ဇာတ်လမ်းမျိုးတွေ တော်တော်ဖတ်ခဲ့တာလား? ငါမင်းကိုပြောမယ်။ ဒီကမ္ဘာပေါ်မှာ သန်မာသူတွေကသာ လေးစားခံရတာ။ မင်းရဲ့ကျင့်ကြံဆင့် တစ်ဆင့်ပြီးတစ်ဆင့်တက်သွားနေသ၍ မင်းအဆင်ပြေနေလိမ့်မယ်။ ဒါပေမယ့် မင်း အရမ်းဆိုးဆိုးရွားရွားအခြေအနေတွေ သေချာမသိနိုင်တဲ့တည်ရှိမှုမျိုးတွေနဲ့ မကြုံဖို့တော့လိုတယ်။ မင်းသာ တစ်ခုခုနဲ့ကြုံသွားပြီဆိုရင်တော့ မင်းဘာသာမင်း သိုင်းဘုရင်အဆင့်ဖြစ်နေရင်တောင် သေဦးမှာပဲ!”

ဟူး!

ယွင်လီကော တံတွေးမြိုချရင်း မျက်လုံးတွေက ပြူးကျယ်နေတော့သည်။

“ဒီကမ္ဘာပေါ်မှာ အဲ့လိုမျိုးတည်ရှိမှုတွေ ဘယ်လိုလုပ်ရှိနိုင်မှာလဲ?”

“သေချာပေါက်ရှိတာပေါ့! အများကြီးမှ အများကြီးရှိတယ်! ငါကတော့ သူတို့ကို ‘ဟက်ကာ’တွေလို့ ခေါ်တယ်!”

“ဟက်ကာတွေ?”

“ဟုတ်တယ်! အဲ့ဒီ ‘ဟက်ကာ’လို့ခေါ်တဲ့သူတွေက မင်းအထင်သေးနေတဲ့ ဘာမဟုတ်တဲ့လူတစ်ယောက်လဲဖြစ်နိုင်သလို မင်းဘေးက တောက်တိုမယ်ရလုပ်နေတဲ့လူလဲဖြစ်နိုင်တယ်။ ပြီးတော့ မင်းလိုမျိုး မကျင့်ကြံနိုင်တော့တဲ့လူမျိုးတောင် ဖြစ်နေနိုင်သေးတယ်။”