ပြိုင်ဘက်ကင်းအသန်မာဆုံး သခင်ကြီး

စာစဉ် ၅။ အခန်း ၆၃ မင်းနာမည်က လုရှောင်ယန်ပေါ့

[Unicode]
ပြိုင်ဘက်ကင်းအသန်မာဆုံးသခင်ကြီး

စာစဉ်  ၅။ အခန်း ၆၃ မင်းနာမည်က လုရှောင်ယန်ပေါ့

သိုင်းဘုရင်အဆင့်သွေးဆေးလုံးကို သောက်လိုက်ပြီးနောက်တွင် အကန့်အသတ်မရှိသော ဝိညာဉ်စွမ်းအင်များ ချက်ချင်းထွက်ပေါ်လာသည်။ 

လုရှောင်ယန်၏ ခန္ဓာကိုယ်သည် ဝိညာဉ်စွမ်းအင်တို့ကို အရူးအမူး စုပ်ယူနေပြန်သည်။  သူ၏ခန္ဓာကိုယ်ထဲတွင် ကျင့်ကြံခြင်း​တွေ တဖန်ပြန်မြင့်လာ​သော်လည်း တိုးနှုန်းသည် အရင်ကထက် အဆမတန် ယုတ်​လျော့သွားသည်။  ဝိညာဉ်စွမ်းအင်များစွာသည် သူ့ဘာသာ ပျက်ပြယ်သွားသည်။ 

သို့သော်လည်း အဆုံးတွင်၊ ၎င်းသည် လုရှောင်ယန်အား အနှစ်သာရခိုင်မြဲခြင်း သတ္တမမြောက်အဆင့်သို့ ​ရောက်ရန် လုပ်​ပေးနိုင်ဆဲဖြစ်သည်။ 

“သိုင်းဘုရင်အဆင့်သွေးဆေးက တစ်သက်မှာတစ်ကြိမ်ပဲ သောက်သုံးနိုင်တဲ့ ဆေးမဟုတ်ဘူးဘဲ။  အဲဒီအစား ဆက်သောက်ရင် အာနိသင်က တဖြည်းဖြည်း လျော့ကျသွားတယ်။  နည်းနည်းလောက်သာ ထပ်သောက်လိုက်ရင်၊ သာမာန်ဆေးလုံး​တွေ သောက်တာနဲ့ အာနိသင်အတူတူပဲ ဖြစ်သွားတော့မယ်။” ​

“ဒါက သိုင်းဘုရင်အဆင့်​သွေး​ဆေးလုံး တစ်လုံးကတင် လူတစ်ယောက်ရဲ့ ခန္ဓာကိုယ်ကို ပြောင်းလဲပြီးသားဖြစ်နိုင်လို့ပဲ။  သိုင်းဘုရင်အဆင့် သွေးဆေး​လုံးတွေ အများကြီးစားတာက ဖြုန်းတီး​နေတာပဲ ဖြစ်လိမ့်မယ်။" 

လုရှောင်ယန် သူ၏နားထင်ကို ပွတ်သပ်လိုက်သည်။ 

စောစောသိခဲ့လျှင် သူသည် စကားနား​ထောင်ပြီး ဒုတိယဆေးလုံးတစ်လုံးကို မစားဘဲနေပေလိမ့်မည်။  အကယ်၍ သူသည် တပည့်တစ်ဦးကိုရှာ​တွေ့ပြီး စားခိုင်းပါက၊ အခြားသူသည် သိုင်းဘုရင်အဆင့်​သွေး​ဆေးလုံး၏ အစွမ်းသတ္တိကို သေချာပေါက် အရယူနိုင်မည်ဖြစ်သည်။ 

ထိုအခါတွင် တစ်ဖက်က ကျင့်ကြံဆင့်တိုးလာသည်နှင့်အမျှ သူ၏ ကျင့်ကြံဆင့်လည်း တိုးလာမည်။