ပြိုင်ဘက်ကင်းအသန်မာဆုံး သခင်ကြီး

အခန်း ၈၂

[Unicode]
ပြိုင်ဘက်ကင်းအသန်မာဆုံးသခင်ကြီး

စာစဉ်  ၆။ အခန်း ၈၂ ငါ့ကိုသတ်နိုင်မယ့်လူ ကမ္ဘာမှာ မ​မွေး​သေးဘူး

သိုင်းဘုရင်အဆင့် လက်နက်နှင့် သိုင်းဘုရင်အဆင့် ကျင့်ကြံခြင်းနည်းလမ်းကို အသုံးပြုခြင်းဖြင့် ရှောင်ပိုင်၏စွမ်းအင်အားလုံးကို ကုန်ဆုံး​စေခဲ့ပြီဖြစ်သည်။  ဤအခိုက်အတန့်တွင်၊ ယွင်လီကောနှင့် အခြားနှစ်ယောက်၏ တိုက်ခိုက်မှုများကို သူ လုံးလုံးလျားလျား ခုခံနိုင်စွမ်းမရှိတော့။

 သူ၏ခန္ဓာကိုယ် လေထဲမှာရှိနေစဉ်တွင်၊ ယွင်လီကောက သူ၏လက်တစ်ဖက်ကို ထိုးဖောက်ပြီးသွားပြီ။  သူသည်  အနည်းငယ် လှည့်ရုံဖြင့် သိုင်းဘုရင်အဆင့် လက်နက်ကို ကိုင်ဆောင်ထားသည့် ရှောင်ပိုင်၏လက်ကို ကျိုးစေသည်။

 “အား...”

 ရှောင်ပိုင် သည်းထန်စွာအော်ဟစ်ပြီး မလှမ်းမကမ်းတွင် လဲကျသွားသည်။

 ယွင်လီကောသည် တဖက်လူ၏ သိုင်းဘုရင်အဆင့် လက်နက်ကို အဆင်ပြေပြေ လုယူနိုင်ခဲ့သည်။

 သို့သော်လည်း သိုင်းဘုရင်အဆင့်လက်နက်သည် အဆက်မပြတ်တုန်ခါကာ ယွင်လီကော၏ လက်မနှင့် လက်ညိုးကြားရှိ လက္ခဏာကို တိုက်ရိုက် ကွဲကြေသွား​စေကာ သူ၏လက်မှ လွတ်မြောက်သွားသည်။

 ရှောင်ပိုင်သည် မြေပြင်မှ ရုန်းကန်ထလာကာ ရယ်မောလိုက်သည်။

 "မင်းကိုယ်မင်း ငါ့ရဲ့ သိုင်းဘုရင်အဆင့် လက်နက်ကို လုယူဖို့ အရည်အချင်းပြည့်မီတယ်လို့ ထင်​နေတာလား?  

အဲ့တာကို ငါ သန့်စင်ထားပြီး၊ ငါ့ရဲ့ ဝိညာဉ်နဲ့ ပေါင်းစပ်ထားတာ။  ငါ့ကလွဲလို့ တခြားဘယ်သူမှ သုံးလို့ မရဘူး။”

 သူစကားပြောပြီးသည်နှင့် လက်ကျန်လက်ကို မြှောက်လိုက်ပြီး သူ၏ သိုင်းဘုရင်အဆင့် လက်နက်ကို ဆင့်ခေါ်ဖို့ ပြင်ဆင်လိုက်သည်။