[Unicode]
ပြိုင်ဘက်ကင်းအသန်မာဆုံးချုပ်ကြီး
စာစဉ် - ၄
အခန်း ၅၃ တခါတုန်းက ကြောင်တစ်ကောင်ရှိသတဲ့..
ဘုန်း...
လုရှောင်ယန် နောက်တစ်နေရာသို့ ရောက်သောအခါ အစောကနေရာမှ ပြင်းထန်သော ပေါက်ကွဲသံ ထွက်ပေါ်လာသည်ကိုကြားလိုက်ရသည် ။
ပေါက်ကွဲအားကြောင့် တောတောင်တစ်ခုလုံးပင် တုန်လှုပ်သွားသည်။ ပြင်းထန်သော လေပြင်းများ နေရာအနှံ့ တိုက်ခတ်သွားပြီး တချို့အပင်များ လဲကျကုန်သည်။
လုရှောင်ယန် သည် သူ့ထံ တိုက်ခတ်လာသော လေကိုကြည့်ရင်း ပခုံးတွန့်လိုက်သည်။
"ကံကောင်းသွားတယ်၊ ငါပြေးတာမြန်လို့ "
သူ့အဖို့ အလှလေးကို ကယ်တင်သည့် ဟီးရိုးလုပ်ရန် မဖြစ်နိုင်ပေ။ ထိုအပြုအမူမျိုးသည် အဓိကဇာတ်လိုက်အတွက်သာ ရည်ရွယ်သည်။ ကိစ္စများအဆင်ပြေချောမွေ့လျှင် မိန်းကလေးသည် ဇာတ်လိုက်၏ မောင်းမဆောင်အဖွဲ့ဝင်အဖြစ် သူမ၏ဘဝကို ပေးအပ်လိုက်နိုင်သည်။
သူဆိုလျှင်တော့ တစ်ဖက်သူသည် ကျေးဇူးတင်ခြင်းနှင့်သာ အဆုံးသတ်လိမ့်မည်..။
"အစ်ကိုကြီးလု၊ ရှင်က လူကောင်းပါ။"
သို့မဟုတ်…
"အစ်ကိုကြီးလု၊ တကယ်တော့ ကျွန်မက ရှင့်ကို အစ်ကိုတစ်ယောက်လိုပဲ သဘောထားတာ။"
ရူးနေသောသူသာ သူမကို ကယ်တင်လိမ့်မည်။
"ဟုတ်တယ် ဂူကို အရင်ရှာရမယ်"
လုရှောင်ယန် သည် သူ၏စိတ်အာရုံကို ဖြန့်ကျက်ပြီး ဂူတစ်ခုကို အမြန်ရှာတွေ့ခဲ့သည်။ အထဲတွင် ဝက်ဝံနက်ကြီးနှစ်ကောင် ဝက်ဝံ ဘဝအကြောင်း ဆွေးနွေးနေကြသည် ။
YOU ARE READING
ပြိုင်ဘက်ကင်းအသန်မာဆုံး သခင်ကြီး
Fantasyပြိုင်ဘက်ကင်း အသန်မာဆုံး သခင်ကြီးစနစ် Eng Title - I am such an Expert; Why do I have to take Disciples Author - Wood Easily Starts Fire Genre - Action, Adventure, Fantasy ဘာသာပြန် - CHARM. Y
