[Unicode]
ပြိုင်ဘက်ကင်းအသန်မာဆုံးသခင်ကြီး
စာစဉ် ၆။ အခန်း ၇၇ ဒေါသထွက်တယ်...
ကျိုးယင်တောင်သည် ကျန်းမြို့ နှင့် မဝေးသော တောင်ဖြစ်သည်။ ၎င်းကို ကျိုးယင်ဂိုဏ်းက ပိုင်သည်။
ထိုနေ့တွင် တောင်ခြေရင်း၌ အနက်ရောင် အင်္ကျီဝတ်ထားသော ပုံရိပ်တစ်ခုသည် ဖြည်းညှင်းစွာ တွားသွားထွက်လာရင်း လေထုသည် မှုန်ဝါးဝါး ဖြစ်နေသည်။
“အဟွတ်.. အဟွတ်…”
ထိုသူသည် အကြိမ်ပေါင်းများစွာ ပြင်းပြင်းထန်ထန် ချောင်းဆိုးပြီး နှုတ်ခမ်းထောင့်မှ သွေးများ စိမ့်ထွက်လာသည်။ သူ၏မျက်နှာမှာ ဖျော့တော့ပြီး အတော်လေး အားနည်းနေပုံရသည်။ "ဒီနတ်ဆိုးဂိုဏ်းက ယုတ်မာတဲ့ကောင်တွေ ရူးနေကြတာလား? ဘာလို့ ငါဘယ်သွားသွား ငါ့နောက်က လိုက်နေကြတာလဲ? နောက်ပြီး သူတို့က ငါ့ကို တွေ့တိုင်း သတ်ဖို့ပဲ ကြိုးစားနေကြတယ်!”
"ငါ ရှောင်ပိုင်က ငါ့ရဲ့ အထွတ်အထိပ် ခွန်အားတွေ ပြန်ကောင်းမလာသေးတာကြောင့်သာ မဟုတ်ရင် အခုလို သူတို့ လိုက်ဖမ်းတာကို ပြေးနေစရာလိုမလား? အခုတော့ ပုဇွန်တွေရဲ့ လှောင်ပြောင်မှုကို ခံနေရတဲ့ ရေတိမ်ထဲမှာ ကူးနေရတဲ့ နဂါးတစ်ကောင်လိုပဲ။”
"သိုင်းဘုရင်အဆင့်ကို ငါပြန်ရောက်တဲ့နေ့ဟာ မင်းတို့ နတ်ဆိုးဂိုဏ်းကို ငါဖျက်ဆီးမယ်နေ့ပဲ!"
ထိုစကားပြောပြီး သူ၏ပါးစပ်ထဲ သံဓာတ်အချို့ကို အရသာခံမိသွားကာ သွေးများအန်ထုတ်လိုက်ရပြန်သည်။
ဤအခိုက်အတန့်တွင် သစ်တောများ တုန်ခါသွားကာ ရှောင်ပိုင်၏ မျက်စံများ ရုတ်တရက် ကျုံ့သွားသည်။ သူ၏ခန္ဓာကိုယ်တွင်းရှိ ဝိညာဉ်စွမ်းအင်များ ချက်ချင်း ပျံ့နှံ့သွားပြီး သူ၏တစ်ကိုယ်လုံး အလွန်သတိထားနေသည်။
"ထပ်ပြီး နတ်ဆိုးဂိုဏ်းကလူတွေများလား?"
YOU ARE READING
ပြိုင်ဘက်ကင်းအသန်မာဆုံး သခင်ကြီး
Fantasyပြိုင်ဘက်ကင်း အသန်မာဆုံး သခင်ကြီးစနစ် Eng Title - I am such an Expert; Why do I have to take Disciples Author - Wood Easily Starts Fire Genre - Action, Adventure, Fantasy ဘာသာပြန် - CHARM. Y
