[Unicode]
ပြိုင်ဘက်ကင်းအသန်မာဆုံးသခင်ကြီး
စာစဉ် - ၃
အခန်း ၃၁ ကျားပါးစပ်ထဲကိုမှ ခုန်ဆင်းသူ
“ပြီးခဲ့တဲ့လအနည်းငယ်တုန်းက ကောင်းကင်နတ်ဆိုးဂိုဏ်းထဲက အခြေအနေတွေ တော်တာ်လေးပြောင်းလဲသွားတယ်။ သေချာပေါက် ရှားပါးရတနာတစ်ခု ပေါ်ထွက်လာတာပဲဖြစ်မယ်။ ဒီလိုအခွင့်ကောင်းမျိုးကို ကောင်းကင်နတ်ဆိုးဂိုဏ်းတစ်ဂိုဏ်းထဲ အပိုင်သိမ်းသွားဖို့ လွှတ်ထားပေးလို့မဖြစ်ဘူး။”
ထိုအနက်ရောင်လူရိပ်သည် သူ့နောက်တွင်ရှိနေသည့် ကျီရွှေ့တောင်သို့ တစ်ချက်ကြည့်လာခဲ့သည်။
“ငါမှတ်မိတာသာမှန်မယ်ဆို.. လက်ရှိကျီရွှေ့တောင်ရဲ့သခင်က လူငယ်အကြီးအကဲတစ်ယောက်ဖြစ်တဲ့ လုရှောင်ယန်ပဲ.. သူ့ရဲ့ကျင့်ကြံဆင့်က စိတ်ဝိညာဉ်တတိယအဆင့်လောက်ပဲရှိပုံရတယ်။ ဒီတော့ သူ့လက်အောက်က တပည့်သားတွေဆိုတာလဲ မွေးဖွားမှုအဆင့်နဲ့ ချိတ်ဆက်မှုအဆင့်လောက်ပဲရှိဦးမယ့် ယင်ကောင်လေးတွေပဲ.. ငါ့လို စိတ်ဝိညာဉ်ပဥ္စမအဆင့်တစ်ယောက်အနေနဲ့ ကျီရွှေ့တောင်ကို တစ်ယောက်တည်းရှင်းလိုက်ဖို့ဆိုတာ အလွယ်လေးပဲ..”
“ဒီလိုဆိုမှတော့ ကျီရွှေ့တောင်နဲ့ပဲ အရင်စလိုက်တာပေါ့..”
ပြောလို့ဆိုလို့ပြီးသည်နှင့် အနက်ရောင်ပုံရိပ်သည် လေထုကိုချနင်းလို့ အမှောင်ရိပ်ကိုအခွင့်ကောင်းယူကာ ကျီရွှေ့တောင်ပေါ်သို့ စတင်တက်လှမ်းလိုက်တော့သည်။
သူထိုသို့ အေးအေးဆေးဆေးတက်သွားနိုင်သည်မှာ လုရှောင်ယန်က သူ့အင်အားအစစ်အမှန်ကို ထုတ်ဖော်မိသွားမည်စိုးနေခြင်းကြောင့်သာဖြစ်သည်။ အစောပိုင်းတုန်းက ကောင်းကင်စည်းတံဆိပ်၈ခုအစီအရင်ကိုပိတ်ခဲ့ပြီး သာမာန်အခင်းအကျင်းလေးများကိုသာ ချန်ထားခဲ့လေသည်။ ဒါကြောင့်ပဲ သူတောင်မှ တစ်ဖက်လူ၏ခြေလှမ်းများကို ခုခံကာကွယ်ဖို့ ခက်ခဲသွားခြင်းဖြစ်သည်။
YOU ARE READING
ပြိုင်ဘက်ကင်းအသန်မာဆုံး သခင်ကြီး
Fantasyပြိုင်ဘက်ကင်း အသန်မာဆုံး သခင်ကြီးစနစ် Eng Title - I am such an Expert; Why do I have to take Disciples Author - Wood Easily Starts Fire Genre - Action, Adventure, Fantasy ဘာသာပြန် - CHARM. Y
