[Unicode]
ပြိုင်ဘက်ကင်းအသန်မာဆုံးသခင်ကြီး
စာစဉ် ၁၀။ အခန်း ၁၅၀ နံပါတ်4 တစ်ယောက်ပဲ နာမည်ကြီးတယ်
ချင်ကျီမော့ သူမ၏ခေါင်းကို ခါယမ်းလိုက်ပြီး ဒီစိတ်အနှောက်အယှက်ဖြစ်စရာအကြောင်းကို တွေးမနေတော့ပေ။
စင်စစ် လူတိုင်းက လုရှောင်ယန်လောက် သတ္တိမရှိကြပါ။
သူမသည် မိမိကိုယ်မိမိ တိုးတက်စေရန်နှင့် လုရှောင်ယန်ကိုလိုက်ရန် သိုင်းဘုရင်အဆင့်သို့ တက်လှမ်းရန်သာ လိုအပ်သည်။
"သွားကြရအောင်။ ငါတို့ပိုင်တဲ့ အခွင့်အလမ်းတွေကို ရှာဖွေဖို့ ရှေးဟောင်းတားမြစ်နယ်မြေရဲ့ အနက်ပိုင်းကို သွားကြမယ်။"
"ဟုတ်ကဲ့။"
လိပ်နက်ဂိုဏ်းမှသုံးဦးသည်လည်း လူအုပ်နှင့်အတူ ဝင်ပေါက်တွင် လျင်မြန်စွာ ပျောက်ကွယ်သွားခဲ့သည်။
ကျီဝူရှန်နှင့် အခြားသူများ အနက်ပိုင်းသို့ ရောက်ပြီးနောက် လုရှောင်ယန်သည် ချက်ချင်းပင် စတင်အမိန့်ပေးသည်။
"ကျီဝူရှန်၊ ကျီချင်ရှန်းနဲ့ ကျန်တဲ့သူတွေက အစမ်းစစ်ဆေးမှုကို ချက်ချင်းစလိုက်တော့။ ရှေးဟောင်းတားမြစ်နယ်မြေမှာ စမ်းသပ်မှုဟာ နတ်ဆိုးကောင်တွေကို သတ်ပစ်ဖို့ အဓိကထားတယ်။ မင်းများများသတ်လေ မင်းရဲ့အဆင့်က မြင့်လာလိမ့်မယ်။ မင်းတို့ ဒီစမ်းသပ်မှုမှာ အိမ်ရှေ့စံနဲ့ သူ့ရဲ့နောက်လိုက်တွေကို ဖိနှိပ်နိုင်ရင် မင်းတို့ ဂုဏ်သိက္ခာက အရမ်း တိုးတက်လာလိမ့်မယ်။ အဲ့တာက တော်ဝင် မိသားစုရဲ့ နောက်ကွယ်မှ ကြိုးကိုင်သူတွေက မင်းကို မကြိုက်တာကနေ တားဆီးပေးနိုင်တယ်။"
ဧကရာဇ်မိသားစု၏ နောက်ကွယ်မှ အကြီးအကဲများသည် အိမ်ရှေ့မင်းသား၊ အိမ်ရှေ့မင်း၏ ညီအစ်မများ သို့မဟုတ် တော်ဝင်နန်းတော်များ၏ အမွေဆက်ခံသူစသော ရာထူးတွေကို ဂရုမစိုက်ပေ။ သူတို့သည် အရည်အချင်းနှင့် ကျင့်ကြံမှုကိုသာ အာရုံစိုက်ကြသည်။
ထူးချွန်သောလူတစ်ဦးကို ဧကရာဇ်မင်းအဖြစ် ပြုစုပျိုးထောင်ရန်အတွက် တစ်ဖက်လူအား အခွင့်အာဏာပေးရန် လိုအပ်ရုံသာမက တစ်ဖက်သား၏ ကျင့်ကြံဆင့်ကို ဧကရာဇ်အဆင့်အထိတိုးပွားလာစေရန် ထိပ်တန်းအရင်းအမြစ်များကို ပံ့ပိုးပေးရန်လိုအပ်မည်ဖြစ်သည်။
YOU ARE READING
ပြိုင်ဘက်ကင်းအသန်မာဆုံး သခင်ကြီး
Fantasyပြိုင်ဘက်ကင်း အသန်မာဆုံး သခင်ကြီးစနစ် Eng Title - I am such an Expert; Why do I have to take Disciples Author - Wood Easily Starts Fire Genre - Action, Adventure, Fantasy ဘာသာပြန် - CHARM. Y
