[Unicode]
ပြိုင်ဘက်ကင်းအသန်မာဆုံးသခင်ကြီး
စာစဉ် - ၅။ အခန်း ၇၅ ငါးနှစ်အကြာမှာ ငါပြန်လာနိုင်ခဲ့ပြီ
မနက်မိုးလင်းတွင် တိုက်သည့် လေမှာ အနည်းငယ်အေးစိမ့်လို့နေသည်။
အနက်ရောင် အကာအကွယ်အင်္ကျီနှင့် ဝါးခမောက်များ ဆောင်းထားသည့် ပုံရိပ်သုံးခုသည် ကျန်းမြို့အနီးသို့ တိတ်တဆိတ် ချဥ်းကပ်လာသည်။
နေရောင်အောက်တွင် သူတို့ သုံးယောက်သည် မတ်မတ်မားမား မတ်တပ်ရပ်ကာ လမ်းပေါ်ရှိ လမ်းသွားလမ်းလာများ၏အမြင်ကို စွဲဆောင်နေသည်။
အလယ်မှလူသည် ကျန်းမြို့ မြို့ရိုးပေါ်ရှိ ဆိုင်းဘုတ်ကိုကြည့်ကာ သူ၏မျက်လုံးများတွင် ရှုပ်ထွေးသောအမူအရာ ပေါ်လွင်နေသည်။ “ငါးနှစ်တောင်ရှိသွားပြီ။ နောက်ဆုံးတော့ ငါ ယွင်လီကော ပြန်လာခဲ့ပြီ။"
ကျီဝူရှား "....."
ဖုန်းထျန်းယွမ်: "???"
လေထုသည် ခေတ္တတိတ်ဆိတ်နေပြီး ရှက်ရွံ့ဖွယ်ရာကောင်းသွားသည်။
ခဏအကြာတွင် ဖုန်းထျန်းယွမ် မနေနိုင်တော့၍ အသံတိုးတိုးဖြင့် မေးလိုက်သည်။
“ဆရာတူ အစ်ကိုကြီး၊ မင်း ကျန်းမြို့က ထွက်လာတာ တစ်နှစ်ပဲ ရှိသေးတာ မဟုတ်လား ဘယ်က ငါးနှစ်လဲ?” ယွင်လီကောက သူ့ကို တစ်ချက်ကြည့်လိုက်ပြီး အမူအရာကင်းမဲ့စွာပြောသည်။ "မင်းဘာသိလို့လဲ ဒါက ငါမသွားခင် ဆရာက ငါ့ကို ပေးခဲ့တဲ့ လျှို့ဝှက်နည်းလမ်း။ ဆရာပြောတာ ငါဒီလိုပြောရင် လက်စားချေတာအဆင်ပြေဖို့ ရာခိုင်နှုန်း ၉၀% ထက် ပိုတိုးလာလိမ့်မယ်တဲ့။”
“ဟမ်... အဲ့စကားက ဘာထူးခြားလို့လဲ။"
ဖုန်းထျန်းယွမ် နားမလည်နိုင်စွာ မျက်လုံးများပြူးနေတာကြောင့် ယွင်လီကော ခေါင်းသာခါလိုက်တော့သည်။
ESTÁS LEYENDO
ပြိုင်ဘက်ကင်းအသန်မာဆုံး သခင်ကြီး
Fantasíaပြိုင်ဘက်ကင်း အသန်မာဆုံး သခင်ကြီးစနစ် Eng Title - I am such an Expert; Why do I have to take Disciples Author - Wood Easily Starts Fire Genre - Action, Adventure, Fantasy ဘာသာပြန် - CHARM. Y
