[Unicode]
ပြိုင်ဘက်ကင်းအသန်မာဆုံးချုပ်ကြီး
စာစဉ် - ၄
အခန်း ၅၄ လတ်စသတ်တော့ မင်းတို့နှစ်ယောက်ပဲ...
လုရှောင်ယန်သည် မျက်မှောင်တင်းတင်းကြုတ်လိုက်သော်လည်း သူ စဉ်းစားမရပေ။
သို့သော် ထိုသို့သော ထူးဆန်းသောအရာများသည် အကြိမ်ပေါင်းများစွာ ဖြစ်ပျက်ခဲ့ပြီးဖြစ်သည်။ သူ ထိုအရာတွေကို လျစ်လျူရှုထားလျှင် သူ့ကိုယ်သူ သတ်သေလိုက်တာကပိုကောင်းဦးမည်။
သူသည် မြေပြင်ပေါ်တွင် လဲလျောင်းနေသော လူကို ကြည့်ရင်း ဝေဝေဝါးဝါး အကြံတစ်ချို့ ပေါ်လာသည်။
ထို့နောက် လုရှောင်ယန်သည် သူမ၏ခြေကျင်းဝတ်ကို လက်တစ်ဖက်ဖြင့်ဆွဲကာ တောင်ပေါ်မှ နောက်တစ်ကြိမ် ဆွဲချလာပြန်သည်။
ဒီတစ်ခါတော့ သူမကို အဝေးကြီး မပို့တော့ပေ။ သူသည် ဂူအောက်က တောင်ခြေမှာပဲ တွင်းတစ်တွင်း တူးလိုက်သည်။ ထို့နောက် သူမကို ပစ်ချလိုက်ပြီး မြှုပ်နှံလိုက်သည် ။ နောက်ထပ် သူသည် ထိုမြေကြီးပေါ်ကိုနင်း၍ ကျောက်တုံးကြီးတစ်တုံးကို မြေကြီးပေါ်မှာ တင်လိုက်သည်။
၎င်းသည် သူမကို သေစေမည်မဟုတ်ပေ။ ကျင့်ကြံသူတစ်ယောက်၏ဘဝသည် ဤမျှလွယ်လွယ် အဆုံးမသတ်ပေ။
သူမ၏ဒဏ်ရာအနည်းငယ်သက်သာလာပြီး သတိပြန်လည်လာလျှင် သူမသည် မြေကြီးထဲက အလွယ်တကူ ထွက်သွားနိုင်သည်။
လုရှောင်ယန် သူမကို မသတ်ရသည့် အကြောင်းရင်းမှာ သူမသည် သူ့ကို ရန်မစခဲ့သောကြောင့်ဖြစ်သည်။
သူသည် သတ်ဖြတ်ရာတွင် အမှန်ပင် ပြတ်သားသူဖြစ်သည်။ ဥပမာအားဖြင့်၊ ယခင်က အရိုးဖြူနတ်ဆိုးဂိုဏ်းတွင်၊ သိုင်းဧကရာဇ်ဘုံအစီအရင်ကိုချပြီး တစ်ညတည်းနှင့် ဂိုဏ်းတစ်ခုလုံးကို ဖျက်ဆီးပစ်ရန် မတွန့်ဆုတ်ခဲ့ပေ။
သို့သော်လည်း ထိုသို့လုပ်ရခြင်းမှာ အရိုးဖြူနတ်ဆိုးဂိုဏ်းသည် သူ့ကို အရင် စော်ကားခဲ့ပြီး ကျီရွှေ့တောင်ထိပ်၏ လျှို့ဝှက်ချက်ကို သိရှိသွားခြင်းကြောင့် ဖြစ်သည်။
أنت تقرأ
ပြိုင်ဘက်ကင်းအသန်မာဆုံး သခင်ကြီး
خيال (فانتازيا)ပြိုင်ဘက်ကင်း အသန်မာဆုံး သခင်ကြီးစနစ် Eng Title - I am such an Expert; Why do I have to take Disciples Author - Wood Easily Starts Fire Genre - Action, Adventure, Fantasy ဘာသာပြန် - CHARM. Y
