ပြိုင်ဘက်ကင်းအသန်မာဆုံး သခင်ကြီး

အပိုင်း ၈၀ ငါလှည့်စားခံလိုက်ရတာဖြစ်ရမယ်

[Unicode]
ပြိုင်ဘက်ကင်းအသန်မာဆုံးသခင်ကြီး

စာစဉ် ၆။ အပိုင်း ၈၀ ငါလှည့်စားခံလိုက်ရတာဖြစ်ရမယ်

ကျန်းလော့ယွီ ထိုသို့ ပြောပြီးသည်နှင့် တပြိုင်နက်၊ ယွင်လီကောနှင့် ဖုန်းထျန်းယွမ်တို့သည် ရှောင်ပိုင်ကို ​ဘေးနှစ်ဖက်စလုံးမှ တိုက်ခိုက်ကြသည်။

 သူတို့နှစ်ယောက်သည် အဆက်မပြတ် တိုက်ခိုက်ကြသည်။  သူတို့သည် သူတို့၏ သိုင်းဘုရင်အဆင့် ကျင့်ကြံခြင်းနည်းလမ်း အသီးသီးဖြင့် တိုက်ခိုက်ကြပြီး ရှောင်ပိုင်ကို နည်းနည်းလေးမှအသာစီးမ​ပေးပဲ ဆက်တိုက် ​နောက်ဆုတ်​စေ​တော့သည်။

 ရှောင်ပိုင်မှာ ဒေါသထွက်လွန်း၍ သွေးအန်လုနီးပါးပင်။ ကျန်းလော့ယွီ ​စောနက  စကားပြောလိုက်စဉ်က သူ တစ်ခုခု ဆုံးရှုံးသွားပုံရသည်ဟု ရှင်းရှင်းလင်းလင်း ခံစားမိလိုက်သည်။

 အစက သူ အများကြီးမ​တွေး​ပေ။  သို့သော် ယွင်လီကောနှင့် ဖုန်းထျန်းယွမ်တို့ သူ့ကို တပြိုင်နက် တိုက်ခိုက်သောအခါ ရှောင်ပိုင် ရုတ်တရက် သဘောပေါက်သွားသည်။

 နောက်ဆုံးမှာတော့ သူ ဘာ ဆုံးရှုံးသွားလဲဆိုတာကို သူနားလည်သွားသည်။

 ကံ​ကောင်းမှု.......

 ထိုလူတွေ သူ့ကို ချီးကျူးလိုက်သည်နှင့် သူ၏ ကံ​ကောင်းမှု တစ်စိတ်တစ်ပိုင်း ဆုံးရှုံးရသည်ကို သူနားလည်သွားသည်။  ထို့ကြောင့် ဤတိုက်ပွဲတွင် သူ၏ တိုက်ခိုက်မှုသည် ထိ​ရောက်ရမည့်အစား အသုံးမဝင်တော့ပေ။ သူ့ဘက်က အသာစီးရဖို့​နေ​နေသာသာ အားနည်းချက်ပင်ဖြစ်သွားသည်။

 သို့သော် အခြားနည်းလမ်းမရှိ​ပေ။ ဤသည်မှာ သူ၏တိုက်ပွဲဖြစ်ပြီး သူ  မနိုင်လျှင်ပင် ကြိုးစားရင်းပင် သေရလိမ့်မည်။

 သူ့ကိုကူညီမည့်သူမရှိ​ပေ။