နတ်ရေးတဲ့ ရွှေဖူးစာ
or ရွှေမင်းသားရဲ့ ကြင်ရာတော်
အခန်း (၈)
" မနေ့ကမှ ဆယ့်ရှစ်နှစ်ပြည့်တဲ့ ကောင်မလေးက
အိမ်ရှေ့စံရဲ့ချစ်သူဆိုတာ ဖြစ်နိုင်လို့လား။သူတို့နှစ်ယောက်ကို ကြည့်ရတာ... ချစ်သူတွေဆိုတာ ဘယ်လိုမှ မဖြစ်နိုင်ဘူး။အိမ်ရှေ့စံရဲ့နောက်ကို
လွှတ်ထားတဲ့ လူတွေဆီကလည်း မိန်းကလေးကိစ္စကင်းရှင်းတယ်ဆိုတဲ့ တင်ပြချက်တွေပဲ ရထားတာ။အခုကိစ္စက လုံးဝရိုးရှင်းမနေဘူး
မိဖုရားကြီး "
" အဲ့ဒါကြောင့် အစ်ကိုတော် က သေချာစုံစမ်းရပါမယ်။ဖြစ်နိုင်ရင် စုံစမ်းတာက မြန်လေ ကောင်းလေပဲ "
" သရဖီကတော့ ခွန်းတေးအင်္လကာရဲ့ နောက်ကြောင်းကို သေချာစုံးစမ်းရမယ်လို့ ထင်တယ်။အဲ့ဒါဆိုရင် အဖြေတစ်ခုခုတော့ ထွက်လာလောက်တယ် "
" အဖေ စုံစမ်းမှာပါ "
" အိမ်ရှေ့စံရဲ့ကြင်ရာတော်နေရာက သရဖိီအတွက်နော်။တခြားမိန်းကလေးလက်ထဲ လုံးဝ
မပေးနိုင်ဘူးနော် "
" ကြင်ရာတော်နေရာက တူမတော်အတွက်ပါကွယ်။အဲ့ဒါကြောင့် စိတ်မပူပါနဲ့ "
" ခွန်းတေးအင်္လကာ က နန်းတွင်းထဲတောင် ရောက်နေပြီဟာကို စိတ်မပူပဲနဲ့ ဘယ်လို လုပ်နေ
လို့ရမှာလဲ... "
" သရဖီ သမီး စိတ်ကို ခပ်အေးအေး ထားစမ်း။အဖေနဲ့သမီးအဒေါ်မိဖုရားကြီး သမီးအတွက် လုပ်ပေးနေတာမို့လို့... အဖေတို့ကို ယုံကြည်ပြီး
အချိန်အခါကို စောင့်နေ "
" သမီး က စိတ်ပူလို့ ပြောတာပါ။ အဖေတို့ကို ယုံကြည်ပါတယ် "
" အချိန်လည်း အတော်လင့်နေပြီမို့လို့... ကျွန်တော်တို့သားဖကို ပြန်ခွင့်ပြုပါဦး မိဖုရားကြီး "
" ကောင်းပါပြီ အစ်ကိုတော် "
" ပြန်လိုက်ပါဦးမယ် မိဖုရားကြီး "
" ကောင်းပြီ တူမတော် "
ထိုနေ့ညက သရဖီတို့သားဖသည် စိတ်လက်မကြည်မသာဖြင့်... အဒေါ်ဖြစ်သူ မိဖုရားကြီးနန်းဆောင်တော်ကနေ ပြန်လာကြရသည်။
