နတ်ရေးတဲ့ ရွှေဖူးစာ
or ရွှေမင်းသားရဲ့ ကြင်ရာတော်
အခန်း (၈၀)
.
" ခွန်းတေးအလင်္ကာ ညီမလေး အစ်ကိုနဲ့လိုက်ခဲ့ပါ "
" ဘယ်ကိုလဲ "
" ပြင်ဆင်ရမယ့်နေရာကို သွားရပါမယ် "
" နန်းတော်မှာ မဟုတ်ဘူးလား "
ကိုယ်ရံတော်နောင်ခ သူ့ကားဆီခေါ်သွားနေတာကြောင့် တေး မေးလိုက်တာဖြစ်သည်။
" မင်္ဂလာပွဲလုပ်မယ့်နေရာက နန်းတော်မှာ မဟုတ်ဘူး။ဒီကနေ နှစ်နာရီလောက် ကားမောင်းပြီးသွားရမယ့် ယံပင်း,ပင်လယ်ဘက်မှာပါ "
" ပင်လယ်ဘက်မှာ "
" ဟုတ်တယ်။မင်းကြီးတို့ကတော့ ပင်လယ်မှာ နေထွက်တာကြည့်မှာမို့ မနက်အစောကြီးကသွားနှင့်ကြတယ်။မင်္ဂလာပွဲက ညနေမှာမို့ ဟိုတယ်မှာ အရင်အနားယူကြမှာ အဘွားတော်မိဖုရားကြီးရော "
" ဒါဆို မိန်းကလေးမေလင်းဒီဒီရောလား... "
" ဟုတ်တယ်။သူလည်း နေထွက်တာကြည့်မှာမို့ အရင်လိုက်သွားတာ။အခုတော့ ဟိုတယ်မှာ အလှပြင်ဖို့ စနေပြီလို့ ဖုန်းဆက်ထားတယ် "
" အော်... "
" နန်းတော်မှာ ကျန်နေတာဆိုလို့ မင်းသားနဲ့ ကျွန်တော်ပဲကျန်တာ။ညီမလေးတို့အလာကို စောင့်နေတာလေ "
" အဲ့လိုဆိုလည်း ဘယ်ကိုလာခဲ့လို့ ဖုန်းဆက်ပြောရင်ရနေတာကို မပြောဘူး "
" အစ်ကိုလည်း ပြောမလို့ပါပဲ။ဒါပေမဲ့ မင်းသားကမပြောနဲ့ စောင့်နေမယ်ဆိုလို့ မပြောရတာ "
" ဒါနဲ့ မင်္ဂလာပွဲကို ဘာလို ပင်လယ်ဘက်မှာ သွားလုပ်တာလဲ "
" အဲ့ဒါတော့ မသိဘူး "
မင်္ဂလာပွဲကို ပင်လယ်ဘက်မှာ ဘာလို့သွားလုပ်တာလဲ မသိဘူး။တော်တော်လေးကို အကျယ်ချဲ့ပြီးလုပ်နေတာပဲ။
အင်းလေ သူချစ်တဲ့မိန်းကလေးနဲ့ လက်ထပ်တာပဲ
တခမ်းတနားလုပ်မှာပေါ့။ပြီးတော့ သူကအိမ်ရှေ့စံမင်းသားပဲလေ။သူလုပ်ချင်တဲ့ ဘယ်အရာကိုမဆို
လုပ်နိုင်တဲ့ သူပဲဟာ...။
