နတ်ရေးတဲ့ ရွှေဖူးစာ
or ရွှေမင်းသားရဲ့ ကြင်ရာတော်
အခန်း (၃၉)
.
" သရဖီ တူမတော် နန်းတော် ကို ဘယ်တုန်းက
ရောက်နေတာလဲ။ဘာလာလုပ်တာလဲ "
နန်းဆောင်တော်ထဲကနေ ထွက်လာတဲ့ မိဖုရားကြီးစန္ဒီဒေဝီ။
အိမ်ရှေ့စံရုံးခန်းရှိရာ နန်းတွင်းရုံးတော်ဘက်ကနေ ရွှင်မြူးနေတဲ့ မျက်နှာလေးနဲ့ ထွက်လာတဲ့ တူမတော်ကို အံ့သြနေသော အကြည့်တွေနဲ့ ကြည့်ကာ မေးခွန်းထုတ်လိုက်၏။
ကိုကိုမင်းသား နန်းတော်ကနေ ကားနဲ့ထွက်သွားတာကို စောင့်ကြည့်နေပြီးမှ... အိမ်ပြန်ဖို့ ပုန်းကွယ်ပြီး
စောင့်ကြည့်နေတဲ့ နေရာကနေ ထွက်လာတဲ့ သရဖီ။
ဒေါ်လေးဖြစ်တဲ့ မိဖုရားကြီးကို မြင်တာနဲ့ အနားကို အပြေးသွားပြီး... လက်မောင်းတစ်ဖက်ကို ချိတ်ကိုင်လိုက်ပြိီး...
" ချစ်ရတဲ့သူ ကိုကိုမင်းသားဆီကိုပေါ့။အခုတော့
ပြန်တော့မယ် "
" ဒါဆို နန်းတော်ထဲ လာတာ အိမ်ရှေ့စံဆီကိုပဲပေါ့။
ဒီအဒေါ်ဆီကိုတောင် လမ်းကြုံလေး ဝင်လာဖို့ အတွေးမရှိဘူးပေါ့လေ "
" ဟီး... မဟုတ်ပါဘူး။ သရဖီ က ဒေါ်လေး မအားမှာဆိုးလို့... ပြီးတော့ ဒေါ်လေးအနားမှာ မင်းကြီးရှိနေရင် သရဖီကြောင့် အနှောင့်အယှက်ဖြစ်မှာဆိုးလို့ပါ "
" အဲ့လိုတွေးတာရော ဟုတ်လို့လား။မင်းသားနဲ့တွေ့ရလို့ အပျော်လွန်ပြီး ဒေါ်လေးကို မေ့သွားပြီး ပြန်ဖို့လုပ်နေတာ မဟုတ်ဘူးလား... "
" ဒေါ်လေးကလည်း... "
သရဖီ,တကယ်လည်း ဒေါ်လေးကို ဝင်တွေ့ဖို့ မေ့နေတာမို့... "ဒေါ်လေးကလည်း" ဟု ပြောပြီး အရှက်ပြေရယ်နေလိုက်သည်။
" နန်းဆောင်ကိုသွားကြမယ်လေ။တစ်ခုခုစားရင်း
စကားပြောကြတာပေါ့ "
" ဟုတ်ကဲ့ "
အဲ့နေ့က သရဖီသည် အဒေါ်ဖြစ်တဲ့ မိဖုရားကြီးနဲ့
နန်းဆောင်ကို လိုက်သွားခဲ့သည်။ညခင်းရောက်တော့မှ အိမ်ကို ပြန်လာခဲ့သည်။
