နတ်ရေးတဲ့ ရွှေဖူးစာ
or ရွှေမင်းသားရဲ့ ကြင်ရာတော်
အခန်း (၂၅)
" တေး အိပ်နေတာ၊ ဘာလို့ ဖုန်းတွေဆက်တိုက်ခေါ်နေတာလဲ "
တကယ်တော့ တေး,မအိပ်သေးပါဘူး။မျက်နှာလေးလာပြပါဆိုတာကို မပြဘူးဆိုတဲ့... မင်းသားကို စိတ်ကောက်ပြီး အိပ်လို့မရသေးတာပါ။
" အိမ်ရှေ့ထွက်လာခဲ့ အခု "
" ဘာ... "
" ကိုယ့် မျက်နှာကို မြင်ရချင်ရင်၊ အိမ်ရှေ့ကို ထွက်လာခဲ့ "
အိပ်ရာထဲ လှဲနေတဲ့ တေး။မင်းသားစကားကြောင့်
အံ့ဩသွားရပြီး... အိပ်ရာထဲကနေ ငေါက်ခနဲ ထထိုင်မိ၏။
" မင်းသား အိမ်ရှေ့က်ို ရောက်နေတာလား "
" အင်း "
" မင်းသား ပြောတော့ မလာဘူးဆို "
" မင်းသားတဲ့လား... ဘယ်မင်းသားလဲ။ကိုယ်တော့ မပြောမိပါဘူး "
တမင်စနေတဲ့ မင်းသားကြောင့် တေး, တခစ်ခစ်နဲ့ ရယ်မိပြီး....
" မော်ကွန်းဒီပဆိုတဲ့ အိမ်ရှေ့စံမင်းသား က ပြောတာပဲ။ချစ်တယ်ဆိုတာနဲ့ပဲ အရာရာကို
အလိုလိုက်မယ်လို့ ထင်မနေနဲ့ဆိုပြီး... လွန်ခဲ့တဲ့
တစ်နာရီလောက်က ပြောခဲ့တာ။အဲ့စကားက်ို
ပြောခဲ့တဲ့ သူက အခု တေး,ဆီကို ဖုန်းဆက်နေတဲ့ သူပါပဲနော်။ဟွန်း "
သူမ၏ မကျေနပ်သံလေးနှောတဲ့ အပြောလေးတွေနဲ့ နှာမှုတ်သံလေးကြောင့် ဒီပ,သဘောကျစွာနဲ့ ရယ်မောရင်း...
" အဲ့စကားပြောတဲ့ လူက ကိုယ့်ရဲ့အမွှာပဲဖြစ်လိမ့်မယ်။ကိုယ်ကတော့ ချစ်စရာကောင်းတဲ့ ကောင်မလေးကို လာမတွေ့ဘဲ မနေနိုင်ပါဘူး။အခုတောင် အပြေးလာခဲ့တာ။မြန်မြန် ထွက်လာပြီး တွေ့ပေးရင်၊ ကိုယ်တော့ ပျော်မိမှာပဲ "
" အခု ထွက်လာနေပြီ၊ပြန်မသွားနဲ့နော် "
" အဟင်း ချစ်စရာလေးပဲ "
ဒီပ,ဖုန်းကို ချပြီး၊သူမ ထွက်လာမယ့် အိမ်ခြံတံခါးဆီကို မျှော်ငေးကာ ကြည့်နေလိုက်သည်။
