နတ်ရေးတဲ့ ရွှေဖူးစာ
or ရွှေမင်းသားရဲ့ ကြင်ရာတော်
အခန်း (၆၅)
.
" စျာန်,ရဲ့ အဆိပ်က ဆရာ ကုသပေးနိုင်ပါတယ်မလား "
" ကုသပေးနိုင်ပါတယ်။ဒါပေမဲ့ သခင်လေးစျာန်
အသက်ရှင်ဖို့က ငါးဆယ်ရာနှုန်းပဲရှိပါတယ်။သေနတ်ဒဏ်ရာက ပြင်းထန်တဲ့ နေရာကို မထိခဲ့ပေမဲ့... အဆိပ်က ခန္ဓာကိုယ်တွင်းမှာ ရက်အနည်းအငယ်ကတည်းရှိနေတာကြောင့်ပါ။အဆိပ်မိတာ
ချက်ချင်းသိလို့ ကုသရတာက လွယ်ပေမဲ့... အချိန်အရမ်းကြာမှ ကုသရတာက ခက်ခဲပါတယ်။ပြီးတော့ သခင်လေးရဲ့လက်ရှိအခြေအနေက အသက်ရှင်နိုင်ချေနဲ့ သေဆုံးနိုင်ချေက ငါးဆယ်ရာနှုန်းဆီပါပဲ။သခင်လေးစျာန် အသက်ရှင်ဖို့က သူ့ရဲ့ကံတရားပေါ်မှာလည်း မူတည်နေပါတယ် မင်းသား "
" ဘယ်လိုအခြေအနေပဲဖြစ်ဖြစ် စျာန့်ကိုအကောင်းဆုံး ကြိုးစားပြီးတော့ ကုသပေးပါ။ဆေးဝါး လိုအပ်တာရှိရင် ကျွန်တော့်ကိုပြောပါ။အမြန်ဆုံးရှာဖွေးပေးပါ့မယ် "
" ကျွန်တော် အကောင်းဆုံး ကြိုးစားပေးပါ့မယ့်
မင်းသား "
" ကြိုးစားပေးပါ ဆရာ။စျာန် က ကျွန်တော့်အတွက်
အဆုံးရှူံးမခံနိုင်တဲ့ ညီငယ်လေးပါပဲ "
" ဟုတ်ကဲ့ "
ဆရာဝန် စျာန့်အခန်းထဲကနေ ပြန်ထွက်သွားတာနဲ့
ဒီပ, နှာခေါင်းပိုက်တပ်ထားရတဲ့ စျာန့်ဘေးမှာ
သွားထိုင်မိသည်။
" ငါ မင်း ကို ဒီလိုပုံစံမျိုးနဲ့ မြင်ချင်တာ မဟုတ်ဘူး
စျာန်။မင်းအမေ မင်းကြောင့်နဲ့ လဲသွားတာမျိုးမဖြစ်စေချင်ရင် မင်းပြန်နိုးထလာမှဖြစ်မယ်။မင်း
အခုလိုမျိုးဖြစ်နေတာကို တေးလည်းသိရင် စိတ်ကောင်းမှာ မဟုတ်ဘူး။မင်း ချစ်တဲ့သူတွေကို
ပျော်ရွှင်စေချင်ရင် မင်းနိုးထလာရမယ် စျာန် "
....
" သမီးတေး ဒါက ဘယ်ကို သွားမလို့လဲ "
" ဒီနေ့က ဖေကြီးရဲ့နာရေးနေ့ပါ။တေး က ဆေးရုံမှာ
အေးအေးဆေးဆေး နေနေရမှာ မဟုတ်ဘူး "
" သမီးတေးမှာ... ဒဏ်ရာတွေနဲ့လေ။ပြီးတော့ အပြင်မှာလည်း မှောင်နေပြီ သမီးတေး "
