နတ်ရေးတဲ့ ရွှေဖူးစာ
or ရွှေမင်းသားရဲ့ ကြင်ရာတော်
အခန်း (၂၀)
.
" အဖေ မင်းသားနဲ့ ခွန်းတေးအလင်္ကာ အတူရှိနေတာကို ဘာမှမလုပ်တော့ဘူးလား။သရဖီ က သူတို့နှစ်ယောက်အတူရှိနေတာကို ဒီတိုင်းကြည့်နေရတော့မှာလား "
" စိတ်အေးအေး ထားပြီးတော့ နေစမ်းပါ။ဒီနေ့လို
နေ့ထူးနေ့မြတ်မှာ သူတို့နှစ်ယောက်ကြောင့်နဲ့ ကိုယ်ရထားတဲ့ ကုသိုလ်ကို မဆုံးရှူံးစေနဲ့ "
" အဲ့ဒါဆို သူတို့နှစ်ယောက်ကို ဘယ်တော့ဝေးအောင် လုပ်ပေးမှာလဲ။သရဖီ စောင့်ရတာကို
မကြိုက်တာ အဖေလည်း သိပါတယ် "
" မလောစမ်းနဲ့ သမီး "
" မလောစမ်းနဲ့တဲ့လား။မင်းသားနဲ့ ခွန်းတေးအလင်္ကာချစ်သူတွေလေ။သူတို့နှစ်ယောက်က
အနေနီးလေ သံယောဇဥ်တွယ်လေ ဖြစ်နေမှာ။ကြာရင် သရဖီ က သူတို့ကြားဝင်မရ ဖြစ်တော့မှာ "
" စိတ်မပူနဲ့ ငါ့သမီး။မင်းသားက အဲ့ကောင်မလေးကို ချစ်နေရင်တောင်၊လက်ထပ်နိုင်မှာ မဟုတ်ဘူး
။နောက်ဆုံးမှာ မင်းသားကိုယ်တိုင် က အဲ့ကောင်မလေးကို အနားကနေ ခွာထုတ်ပြီး၊စွန့်ပစ်လိမ့်မယ် "
" မင်းသား က ခွန်းတေးအလင်္ကာ ကို စွန်ပစ်မယ်။အဖေ ပြောနေတာ သရဖီ နားမလည်တော့ဘူး "
" နားမလည်ရင် စောင့်ကြည့်နေ။အဖေက သမီးအတွက် ရှုပ်နေတဲ့ အရာတွေ အားလုံးကို ရှင်းလင်းပေးမယ် ဟုတ်ပြီလား "
သရဖီ တစ်မနက်လုံး မင်းသားနဲ့ ခွန်းတေးအလင်္ကာ နှစ်ယောက်အတူတွဲပြီး၊ပြန်သွားတာကို
ကြည့်ပြီး မကျေမချမ်း ဖြစ်နေတာ။အခုမှ အဖေ့စကားတွေကြောင့် စိတ်ထဲမှာရော၊နေရတာပါ အဆင်ပြေသွားတော့တယ်။
မင်းသားက ခွန်းတေးအင်္လကာ ကို စွန့်ပစ်လိမ့်ဆိုတဲ့ စကားရဲ့လေးနက်တဲ့ အဖြေကို သိချင်ပေမဲ့လည်း အဖေက အရေးကြီးတဲ့ အကြောင်းအရာတွေဆိုရင် ပြောမပြတတ်ပေ။ထို့ကြောင့် သိချင်တဲ့ စိတ်ကို မြိုသိပ်ထားလိုက်ရသည်။
