နတ်ရေးတဲ့ ရွှေဖူးစာ
or ရွှေမင်းသားရဲ့ ကြင်ရာတော်
အခန်း (၁၅)
.
" ကျွီ! အမေ့! "
တေး ကို လေဆိပ်လိုက်ပို့နေတဲ့ ကားက မောင်းနေရင်းက ဘရိတ်ဆောင့်အုပ်ပြီး ရပ်ပစ်လိုက်တာကြောင့် ကားနောက်ခန်းက တေးရဲ့ခန္ဓာကိုယ်က
ရှေ့က်ို ယိုင်ကျသွားရသည်။
" နန်းတော်က ကားက ဘာလို့ ကျွန်တော်တို့ ကားရှေ့ကို ပိတ်ရပ်ရတာလဲ "
" အိမ်ရှေ့စံမင်းသားကိုယ်တိုင်ပါလား "
ကားရှေ့ခန်းက ဦးလေးဟန်နဲ့ ဒါရိုင်ဘာရဲ့စကားကြောင့် တေးသည် ကားရှေ့တည့်တည့်ကနေ ကန့်လန့်ဖြတ် ပိတ်ရပ်ထားတဲ့ ကားဆီကို အကြည့်ရောက်သွားခဲ့သည်။
တေး ကြည့်လိုက်ချိန်မှာပဲ နက်ပြာရောင်ရှပ်လက်ရှည်နှင့် စတိုင်ပန်ကို စမတ်ကျကျ ဝတ်ထားတဲ့ အိမ်ရှေ့စံက ကားပေါ်ကနေဆင်းလာနေသည်။
တေး မင်းသားကိုတွေ့ရတော့ ပျော်သွားသည်။
ဘာကြောင့်ဆို တေး UKကို ပြန်မသွားရဖို့ ကူညီနိုင်တဲ့ သူက မင်းသားတစ်ယောက်ပဲ မဟုတ်လား။
" မမလေး ကားပေါ်မှာပဲ နေပါ "
ဦးလေးဟန် က တေးကိုပြောပြီး ကားပေါ်က ဆင်းသွားသည်။
ဦးလေးဟန် ဆင်းသွားတာနဲ့ ပြောစကားနားမထောင်ဘဲ တေးလည်း ကားပေါ်ကနေ လိုက်ဆင်းလိုက်သည်။
" မင်းသား "
" မမလေး ဘာလို့ ဆင်းလာတာလဲ။ကျွန်တော်တို့
အနောက်မှာပဲ နေပါ "ဆိုပြီး ဦးလေးဟန်နဲ့ ဖေကြီးရဲ့လူတွေက တေးအရှေ့ကနေ ပိတ်ရပ်ထားကြသည်။
" ခွန်းတေးအလင်္ကာ ကို ဒီကို လွှတ်လိုက်ပါ "
" တောင်းပန်ပါတယ်။မလွှတ်ပေးနိုင်ပါဘူး "
" ခင်ဗျားတို့က ဘယ်သူတွေလဲ။ဘာလို့ ခွန်းတေးအင်္လကာ ကို ဖမ်းချုပ်ထားကြတာလဲ။ငါက ဘယ်သူလဲဆိုတာရော မသိကြတာလား... "
ဒီပ,ခပ်တင်းတင်း ပြောတော့မှ တစ်ဖက်လူ က
အရိုအသေပေးလာပြီး...
