နတ်ရေးတဲ့ ရွှေဖူးစာ
or ရွှေမင်းသားရဲ့ ကြင်ရာတော်
အခန်း (၅၄)
.
" မင်းအခုပြောတဲ့ စကားတွေက တကယ်ဆိုတာ
သေချာလား သရဖီ "
" မင်းသား ကို သရဖီ အခုပြောပြနေတာတွေက
အဖေနဲ့ ဦးဘောဂ အိမ်မှာပြောနေတာတွေကို ကြားခဲ့ရတဲ့ အကြောင်းအရာတွေကိုပဲ ပြောပြနေတာပါ။
သေချာလား ဆိုတာထက် အမှန်တွေလို့ ပြောရင်ပိုပြီး မှန်ပါလိမ့်မယ် "
" ကျေးဇူးပဲ မင်းအဖေနဲ့ပတ်သက်ပြီး အမှန်တိုင်း ပြောပြပေးလို့ "
" နောင်ခ သူ့ကို အချုပ်ခန်းထဲ ပြန်ထည့်ထားလိုက်။
ငါ့အမိန့်မပါဘဲနဲ့ ဘယ်သူ့မှ သူ့ကို အချုပ်ခန်းထဲကနေ လွှတ်မပေးစေနဲ့ "
" ဟုတ်ကဲ့ မင်းသား "
" မင်းသား မင်းသား ပြောတော့... အဖေနဲ့ပတ်သက်ပြီး သိထားတာတွေကို အမှန်တိုင်း ပြောပြရင် သရဖီ့ကိုအချုပ်ခန်းထဲကနေ လွှတ်ပေးမယ်ဆို။အခုကျတော့ ဘာလို့ ပြောထားတဲ့ စကားကို မတည်ရတာလဲ "
သရဖီ,မင်းသား၏ အမိန့်စကားကြောင့် ထိတ်လည်းထိတ်လန့်သွားသလို... ပြောထားတဲ့ စကားကိုလည်း မင်းသား က မတည်တာကြောင့် စိတ်လည်းတိုကာ... ဒေါသဖြင့် မေးမိ၏။
" ဘာလို့လဲဆိုတော့... မင်း က ငါ့အမေ့က်ို သတ်တဲ့ လူသတ်သမားကို ကြိုးကိုင်တဲ့ သူရဲ့သမီးဖြစ်နေလို့ပဲ။ဒီလောက်ဆို မင်း နားလည်လောက်မှာပါ။နောင်ခ ခေါ်သွားတော့ "
" သခင်မလေး သွားရအောင်ပါ "
" မသွားဘူး... မင်းသား မင်းသား အား... "
မသွားဘူး ဟု ငြင်းဆန်ရင်းက မင်းသားနဲ့ စကားပြောဖို့ ကြိုးစားမိတဲ့ သရဖီ့ကို ကိုယ်ရံတော်နှောင်ခနှင့် ရဲမတ်တွေက မင်းသားရှေ့ကနေ အတင်းဆွဲခေါ်ကြတာကြောင့်...
ချုပ်ကိုင်ခံရတဲ့ သရဖီ့,လက်တွေက နာကျင်မိတာကြောင့် မရုန်းနိုင်တော့ဘဲ... သူတို့ခေါ်ဆောင်ရာ အချုပ်ခန်းဆီကို ပြန်လိုက်သွားရတော့သည်။
အချုပ်ခန်းထဲကနေ သရဖီ,လွှတ်မြောက်ဖို့ဆိုရင်
မျှော်လင့်ရတာက အဖေနဲ့အဒေါ်ဖြစ်တဲ့ မိဖုရားကြီးသာရှိတော့သည်။
