#كتمان♣️
♣️🖤 الحلقة٤ 🖤♣️
الحمل تع مرت خويا خلاني نتعذب كتر وكتر، قاعد نشوف فالماضي يتعاود قدامي..... أنا خايف منهم وخايف نتفضح..... الهاجس لي مخليني مقيد رح يتفتح واذا تفتح معلاباليش وش يقدر يصرا...
حاولت نبعد... مانيش حاب نرجع المسخ هاذاك، ومانيش قادر نتسخايل روحي نعاود نفس الغلطة....
عدات الشهور عليا طويلة... و العايلة فرحانة بالحفيد اللول
لازم نخرج ونحوس على دار بعيدة عليهم هدا هو الحل لي عندي...
اليوم لي خرجت فيه من الدار كان يوم ولادة ملاك
كأنو القدر قاعد يقول بنو الملاك زاد والشيطان بعد.... وحكم بنو محرم عليهم يعيشو مع بعضاهم...
يما كانت فرحانة بزاف بيها.. أنا مشفتهاش ومانيش حاب نشوف كل منشوف في طفل صغير منقعدش علاء لي يعرفوه، رح نرجع عبد خلاف وكلشي بسبتها هي هي لي دارتلي هكدا بسبتها مانيش رح نعيش كيما الرجال اللخرين مش رح نتزوج ومش رح نجيب ولاد....
دخلت للدار الجديدة.... لي رح تكون مفتاح جحيم جديد كيما كنت حاسب.. المرة هادي رح نتعذب بصح رح نكون وحدي... مكانش بابا ولا يما لي تسقسي علي ولا خاوتي لي معمرين الدار...
... أنا وشيطاني رح نسكنو فهاد الدار... مش رح نكبح روحي منا وطلع... الحرام ولا حلال مورا هاد الباب،شفت فالمرايا لي قدامي.... وليت منقدرش نشوف وجهي فيها.... الضحكة هجرتني وحلفت ما ترجع... شواربي زرقين ووجهي صفر موت... راسي لي حلفت منخلي شعرة عليه.... حاب نبكي..
راجل يبكي... تقدرو تعرفو المعاناة لي عايش فيها... كي نشوف الضحكة نحسدها... علاه يا ربي أنا... وش درت حتا نعيش هكدا نحيت البيل تاعي وقعدت عريان من الفوق... نشوف فالجروح والزروقة في لحمي... علابلكم شكون لي دارلي هكذا.... هههه متخموش بزاف أنا سجان روحي وجلاد روحي كل مندير غلطة نجرح روحي ونرسم رسمة بالدم هداك....
".... علاء وين راك...؟؟ ههه وين راك متخبي"
دورت وجهي بزربة لصوتها...
"... علاه جيتي وش تحوسي... انت مكانش انت وهم انا نحلم برك.. بعدي علي.."
"... هههه مزلت انت هو انت... أنا قلت تكبر وتترجل... مازلت عليلو الخواف.. أرواح متخافش... تشفا وش كنا نديرو أرواح نرجعو ليسوفونير تعنا.... "
"... بعدي عليا هئ هئ يما ارواحي متخلينيش معاها يما منعيني تعيشي... يما اسمحيلي هي السبة..... هئ هئ"
"... ههههه يماك مكانش ومش رايحة تكون... ممنعنكش قبل 19 سنة ومش رايحة تمنعك درك...... "
".... تيك تاك توك واحد اتنين تلاتة.. ههه مزلت تشفا على الغناية هيا كملها..... عليلو أرواح... ولدي......... "
أنت تقرأ
كتمان [ مكتملة ]
Short Storyأول قصة ليا وكنت مبتدئة فيها شوية... لكن كتبتها بشغف ...بقلمي أسيل "كتمان....عندما يصبح البوح محرما .." قصة "كِتْمَانْ" قصة رايحة تخرج من كل واحدة فيكم المكبوت، مع شخصية عايشة في عالم صنعتو لروحها، برا تلقاوها كأي شخص عادي، تتصنع السعادة والف...
![كتمان [ مكتملة ]](https://img.wattpad.com/cover/354613214-64-k629921.jpg)