كتمان [ مكتملة ]

الحلقة 20

#كتمان

في مدينة خلاف.... في فيلا كبيرة...
".... كيفاه هربت هدا؟؟ وش خدمتكم مالا قاعد نمد فدراهم بش تخليوها تهرب.... ميهمنيش تجيبوهالي حية ولا ميتة...."
قفل التليفون.... وهو مغشش علاه هربت هادي درك ووين راحت زعما رجعت عندو والله يا فتون نلقاك نسلخك حية..... وسختيلي سمعتي بين الناس....
"... يوسف وش كاين؟؟ "
" بنتك يا لالة.... هربت من السبيطار فليل وواحد ما شافها.... لازم يلقاوها اليوم حية... نزوجها لكاش عبد ونتهنا منها..... وغير الياس هداك لي تنساه.."
"..... وين راحت بنتي.... نتا قتلي حطيناها برك بش نربيوها..... درك تجيبلي بنتي.... وترجعهالي..... حنا غلطنا من لول كي حطيناها لتما.... "
".... وبلاك حاسبة دنيا سايبة.... غير هي متدخلش لهادي الدار.... وزواج راكي عارفتها مش..... " قاطعتو بزربة...
"..... الحكاية هادي عدات عليها بزاف وعندك تزيد تجبدها صفحة وطويناها..... "
".... كلشي بسبتها هي..... العاهرة هديك.... الله لا يرحمها نشاله... ذنوبها ام يخرجو فينا وفي فتون.... "
♣️♣️♣️♣️

كان راقد وعينيه حلفو يتغمضو.... مقدرش يرقد... تفكر بنت خوه ملاك... شحال صغيرة وبريئة..... هو تاني كان هكداك...... شيطانو فاق وحضر... ناض بزربة كانت الوحدة تع ليل.. لقاها راقدة وتشخر ومش حاسة بحاجة....

حاب يرسمها..... ولازم تكون رسمة مثالية ليها... تستاهل تترسم... راح جاب موس صغير من الكوزينة... وكاس... وقعد مقابلها يتمعن فيها..... اول مرة يقعد مع قدام طفلة... مكانتش زينة بزاف..... رموشها قصار وعينيها عسلي... نمش على وجها مغطيه.... وشعر برتقالي محمر قصير..... شفايف صغار عاديين مكانتش مميزة.... شاف رقبتها مجروحة وكاين جرحات فشواربها ويديها.....
حكم الموس وجرح يدو وزاد جرح يدها بشوية... محست بوالو.....
ناض وراح البيت لي كانت معمرة رسمات... رسمات لعايلتو.... وكانت كلها بلون لحمر....
هز حوايجو وراح للصالون وقعد يرسم فيها بتمعن......