#كتمان
خرج وخبط الباب موراه مخليها تدور في هدرتو في رأسها.... وهو حاسس بالجمرة تكوي فيه من الداخل... معاناة خديجة قاعدة تتعاود معاه.. أنا هو العذاب رح يكون دوبل... حاسس بالعجز والحيرة..... القوة لي شافها في عينيها خلاتو يبدل رايو في أمر حبها لبلال.... خديجة مهووسة بيه... وهو مهووس بيها... وتصبح المعادلة صعبة للحل....
♣️♣️♣️♣️♣️
عند درصاف لي قاعدة مع أيمن في صالون دو تي كبير وباين مستواه راقي... تشرب فالكافي فرحانة... لابسة بيل وسروال مع خمار... وشعرها كلو خارج منو... دايرتو غير على جال خاوتها لي سيفوه عليها... تضحك و
شايخة متقولش بنو هادي لي تلغات خطبتها البارح....
"٠...ايمن علابلك شحال توحشتك..."
"... مام انا عمري... عندنا بزاف متلاقيناش.."
حكملها يدها وهي تتزعبل عليه زعما..
"... ايمن حابة نقولك حاجة... بابا حاب يزوجني بسيف... وانا كل مرة نرفض على جالك... أرواح اهدر معاه تعرفني غير انت لي في قلبي وبلا بيك نموت... نقدر نقتل روحي ومنزوجش غيرك.... "
ضحك بشوية.....
"....دودو... تعرفيني منحبش هاد السيجي.. أنا كونتر الزواج والتمسخير هداك مدابيا تقعد علاقتنا ليبر ونعيشو كيما حابين بلا قيود ولا
قوانين... "
تبسمت تبسيمة صفرة.. حابة تنوض تضربو هي حابة تتهنا من عايلتها وتتزوج وهو قاعد يتمهبل عليها هنايا...
".... ايمن مالا غير إنساني... "
نحات يدها من يدو وناضت...
"... أنا الله غالب متساعدنيش العقلية هادي..
واسني خبر موتي يجيك قريب... هئ هئ.. "
ناض حكمها وداها للطموبيل... الناس بدأت تتوسسلهم...
"... درصاف عمري... منقدرش ننساك مي الزواج يخرب الحب والعلاقات... وانا مزالني مانيش ساجي ليه..."
"... وش لي ماكش ساجي ايمن... الدراهم عندك الطومبيل عندك وش خص؟؟؟ انا راني 28 سنة مانيش في عمر لعب وتمسخير.. حابة ندير ولادي ونتهنا..."
شاف معاها بتردد وخايف..
"... قابلة تكوني المرة التانية.. ؟؟؟؟ "
"... كيفاه ؟؟؟ انت متزوج؟؟؟ قولي ايمن انت متزوج وقاعد تكذب عليا... "
".. والله يا حبيبة... زواج بسيف عندي عامين وكرهت منها... هي معفونة وموسخة وزيد باشعة و متعجبنيش حتى اللولاد متجيبش.. وانا طول عمري متمنيك نتيا... أقبلي ونعيشك سلطانة... "
".... روح تقود.... قاعد تتمسخر بيا ولا...؟؟ هادي هي آخرة الحب معاك تخدعني وعامين ونتا تكذب عليا... "
"... خديجة متكونيش متسرعة... هي رايح نطلقها اصبري عليا برك... نتزوجو ونعيشك في فيلا كبيرة... وبابا عندو ورث في فرنسا... تحبي نروح نعيشو لتما... "
بدات الحكاية تدخلها في رأسها... هي اصلا ميهمهاش ايمن... لمهم تعيش بدراهمو مرفهة ومدام ربي حلل ربعة عادي... تقبل وخلاص مافيها والو...
طيحت هادوك الدموع تع التمسكين...وحضنتو متأثرة وحازنة منو....
"... خليني نخمم سع لانو انا منحبش نشاركك مع أي واحد... لانو نحبك ايمن... هئ هئ.."
"... حاولي تقبلي عزيزتي ونجي نخطب بزربة..
نشاله..."
تبسمت ووصلها بعيد على الحومة شوية... ودخلت للدار فرحانة... وتغني... وفي عينيها غير الدارهم والأملاك لي رايحة تخليه يكتبهملها على اسمها....
أنت تقرأ
كتمان [ مكتملة ]
Short Storyأول قصة ليا وكنت مبتدئة فيها شوية... لكن كتبتها بشغف ...بقلمي أسيل "كتمان....عندما يصبح البوح محرما .." قصة "كِتْمَانْ" قصة رايحة تخرج من كل واحدة فيكم المكبوت، مع شخصية عايشة في عالم صنعتو لروحها، برا تلقاوها كأي شخص عادي، تتصنع السعادة والف...
![كتمان [ مكتملة ]](https://img.wattpad.com/cover/354613214-64-k629921.jpg)