"..... منقلكمش حتى نخلص لحكاية... ههه هذا الطفل كلشي ينحيوه للطفلة الطلابة يمدهولو ليه.... اي حاجة من حقها يديها هو... الطفلة بدأت تغير وتكره خوها وولا بالنسبة ليها عدو.... نقلت جارة قدامهم وهادي الجارة كانت مرة للأسف ههه شيطان بشري... كي شافت الطفلة محتاجة وتكره خوها بزاف.... مدتلها دراهم و قش بش كل خطرة تجيب خوها وتستدرجو عندها....
تحمست للفكرة وقبلت لانو الكره كان عامي على عينيها.... وولات كل مرة تدي خوها بسيف عليه عندها... والمقابل تع الدراهم هادوك هو اغتصاب خوها... وي ههههه متستغربوش المرأة هاديك اغتصبت طفل قد ولدها وفرغت فيه شهوتها كيفو كأي رجل كبير وبالغ.....
.... كبر الطفل هداك وفهم وش صرالو... وكانتقام لرجولتو وطفولته الضايعة.... حاول يغتصب بنت خت هاديك المرأة.... وهو مولا 12 سنة..
الملايكة هداك ولا شيطان وولا يشتهي الأطفال الصغار... يحب يمارس مع أي طفل صغير يشوفو...باش يرجع حقه لي واحد ما رجعهولو ... مريض ووحش بشري... هدا السايكو قعد خامد رغبتو وحاول يحاربها...والمقابل بعد على الناس كامل...حرم روحو يكون كيفهم...
لكل فيكم درك قاعد يتسائل شكون هادو لي قاعدة نحكي عليهم انا درك وعلاه.... ؟؟؟
حبيت نفضح كل واحد من العايلة الاستغلالية هادي... جامي سقسيتوني انا وش نحب؟؟ قولو انا وش نحتاج.... ؟؟؟ حتى لاغوب هادي لي لابستها مشاورتونيش فيها.... خيرتولي حياتي و قرايتي... ماضي وحاضري حتى زواجي وراجلي اخترتوه نتوما بلا ما تديو موافقتي على اي حاجة... ؟؟؟ هادي تسموها حياة انو نتزوج راجل مش قابلتو...
ودرك وقت نقولكم حكاية تع من... حكايتي انا و عليلو خويا العزيز. ههههه تصدمتو... "
الكل وجوهم صفارت... الدم نشف.. درصاف في ليلة هادي فضحت كلشي... فرغت وش في قلبها الكل.... خاوتها كامل حاطين ريوسهم فلرض وكاين لي يبكي... ياسين حكمها من يدها وزير عليها وهي تضحك مش لاتية.. حاسة واخيرا بالراحة....
فتون لي جامي توقعت حكاية تطلع من علاء..
درك فسرت كلشي... عرفت الحقيقة لي كان دايما مخبيها عليها... سبب كرهو لولاد... اسما..
رجفتو وعقدتو...ومرضو... كلشي ولا واضح وضوح الشمس.... غمضت عينيها وطلقت دموعها... حاسة واحد فيقها من حلم وردي وورالها الحقيقة تع الدنيا شحال قاسية... طلعت عينيها فيه ودموعها سيالة... لقاتو جامد والصدمة على وجهو
باباه حاط يدو على راسو ويشوف معا ولادو
".... درصاااااالف وش قاعدة تقولي..؟؟؟ قول بنو هذا كلو كذبة..... حبسي تمسخير هيا..."
".... ههههه بابا المسكين لكان مأمنتنيش هاو قدامك سقسيه.... يخي ولدك ملايكة وميغلطش.... ولدك راهو نص راجل.... ههه هيا ياسين نروحو.... ظهرتلي خلصت المسرحية هنايا...."
جا ياسين وحكمها من يدها ووجهو ميتفسرش
فضحتو مرتو لي مزال مولاتش مرتو... الناس راحو وخلاوهم قاعدين لتما.... مسمعو غير صوت عياط فتون....
".... هئ هئ علاء رايحة نولد... اي اي.. رايحة نموت عاوني.... "
دور ليها لقاها حاطة يدها على كرشها وتتوجع..محس غير وهو متعافر معاها هو وخوه وداوها للسبيطار... قاعد يمشي بلا احساس... لانو الصدمة كانت قوية عليه... السر لي خباه عندو سنين... تكشف..
"...فتون اسمحيلي تعيشي... صح غلطت اما والله غير تعذب على وش درت... كنت صغير.. هي السبة لي دارتلي هكدا... متخلينيش فتون.."
باقية تتوجع وتبكي وتشوف معاه...
".... يا خسارتك علاء.... يا خسارتك..."
خلاتلو هادو الزوج كلمات ودخلوها للبلوك... وهو طاح على الكرسي.... و الدوخة والردة زايدة على حالتو...
مسح فمو من الدم هداك وقعد سارح ويدعي فقلبو كلشي يكون مليح....
♣️♣️♣️♣️♣️♣️♣️♣️♣️♣️
".... ودرك كيفاه راك تحس روحك من بعد هذا العلاج لي ديتو..؟؟؟"
لبس نواظرو ومسح على شعرو بشوية متبسم..
"... حمد الله.... تبدلو حوايج بزاف فيا... ودرك هاني علاء لي قدامك..."
".... هاديك الليلة... كيفاه تقدر تسميها..؟؟؟"
"... البداية من بقايا النهاية...."
ضحك أسامة وناض من الكرسي حضنو..
"... هههه هاك وليت علاء جديد سبحان الله درك.....شكون كان يقول بنو علاء تع هداك ول عملول هو لي قدامي درك.... ولا نقولو موسيو المدير... ""
".... ههههه نو مزال... نشاله مورا شهر نترقا لمنصب المدير..."
"... نشاله... درك كيفاه رايح تبدأ حياتك...؟؟"
تبسم ولمعو عينيه بصدق و عشق كبير..
".... ليوم.."
أنت تقرأ
كتمان [ مكتملة ]
Historia Cortaأول قصة ليا وكنت مبتدئة فيها شوية... لكن كتبتها بشغف ...بقلمي أسيل "كتمان....عندما يصبح البوح محرما .." قصة "كِتْمَانْ" قصة رايحة تخرج من كل واحدة فيكم المكبوت، مع شخصية عايشة في عالم صنعتو لروحها، برا تلقاوها كأي شخص عادي، تتصنع السعادة والف...
![كتمان [ مكتملة ]](https://img.wattpad.com/cover/354613214-64-k629921.jpg)