#كتمان
اسماء، اسماء، اسماء..... هادا الاسم مش غريب عليه.... هدا هو أعظم كابوس عندو.... عينيه حمارو والكور تاعو زايد يرجف وشواربو زراقو.......
ضحك احمد ضحكة انتصار وهبط مخليلو في يدو التليفون تاعو.......
تقفل الباب هداك وتقفل معاه قلبو.... كيفاه عرفها.... يعني هي حية.... ولا ميتة.... قلبو قاعد يزيد في النبضات حتى رح يحبس....
مش مأمن وش سمع دركا... يعني هدا يعرف كلشي عليه... يعرف حياتو ووش صرا معاه... رح يفضحو قدام الناس....
حس بحاجة تحرق فيه من داخل وبرا.. راح يجري ديخان للدوش... بزق حاجة حمرا شاف معاه ولا يسعل دم..... كلشي توسخ باللون الأحمر....
فمو.... وجهو يديه..... قشو.....
ماهمو والو الا وش قالو قبيل سي احمد هداك....
زاد سعل وسعل حتى داخ في الدوش...
♣️♣️♣️
احمد لي كان فرحان.... علاء بالنسبة ليه هو الحل بش يتهنى من بنت اسما هاديك..... عرفو بنو ميقدرش يضغط عليه إلا بحاجة قوية وما لقا غير ماضيه....
مع انو واحد ما يعرف حكايتو مليح.... أما قدر يعرف انو عندو علاقة بأسماء.... مصدقش هادي الصدفة الغريبة.... لكن استغلها لصالحو ورح يلويلو يدو بيها...
لانو ملامح وجهو والصدمة هاديك.... باينة بنو اسماء هادي كشما مدايرة معاه....
ركب في الطموبيل هو ومرتو والجد لي كان مغشش من لي صرا قدامو.... وانطلق للدار
كي وصلو هما للدار... كانت هي راقدة.. دخل باباها عليها بقوة خلاها تتخلع منو....
".... شوفي انتيا......كي يجي هداك علاء هنايا رح تزوجيه وتروحي منا.... وعندك يجي نهار وترجعي عمرك تزيدي تعتبي باب الدار... نساينا ونساي العايلة هادي........"
يعني رايحة تتزوج علاء هي.... كيفاه ووش صرا
"... ككككفاه هدا؟؟؟"
"... فلول محبش وانكر بنو ولدو اما رح يجي بسيف عليه ويديك... ويا ويلك ديري حاجة.."
علابلها علاء رح يقتلها.... هي هدرت هكداك بش تنقد ولدها برك اما كلشي اتقلب... باباها رح لعلاء وفضحها.... وزايد دعم كذبتها قدامو... وش رح يقول عليها... عاونتها والجزاء تاعي تتفلا عليا.....
غاضها اما رح تكون أنانية مش تمنع هي ولدها.... لأول مرة رح تكون ظالمة وتخمم في نفسها قبل أي واحد...
تخلات على روحها على جال مها.... باباها.... الياس..... واليوم رح تضحي بروحها على جال روحها.....
رقدت هديك الليلة مرتاحة..... يمكن علاء رح يتفهمها و يعاونها....
وسيكون "...... شيطانها الملائكي.... ☠️😈"
☠️☠️♣️♣️♣️♣️♣️♣️♣️♣️☠️☠️
انا ضحية.... سامحني...
ظننتك ملاكا طاهرا.... لكنك صرت مثلهم..
ليس ذنبي خطاياي أصبحت كثيرة و جعلتني أسقط من الجنة...
.... لكنك اخترت السقوط وارتكاب الذنوب..
وهل يختار المرء الجنة ويرفض جحيمك...
.... لن اسامحك.... أردت أن تكوني ملاكي...
لكني أردت أن أكون شيطانة في جحيمك..
لماذا ؟؟؟
لاني أحبك.... 🖤😈💔
أنت تقرأ
كتمان [ مكتملة ]
القصة القصيرةأول قصة ليا وكنت مبتدئة فيها شوية... لكن كتبتها بشغف ...بقلمي أسيل "كتمان....عندما يصبح البوح محرما .." قصة "كِتْمَانْ" قصة رايحة تخرج من كل واحدة فيكم المكبوت، مع شخصية عايشة في عالم صنعتو لروحها، برا تلقاوها كأي شخص عادي، تتصنع السعادة والف...
![كتمان [ مكتملة ]](https://img.wattpad.com/cover/354613214-64-k629921.jpg)