كتمان [ مكتملة ]

الحلقة 25

#كتمان

كانت في عينيه نظرة حزن ودمار ولا ميقدرش يتحكم بروحو لانو الإنسان كل ما يخبي وكل ما يكتم بواه يحس رح يهلك نفسو وكل موقف راح يفكرو بمعاناتو لي عايشها .... النسا لكل يعيفو تمناهم ينقرضو.... كره عايلتو كره ختو كره امو.... كرهها هي.... كلشي بسبتها هي.... خبط يدو مع الحيط بقوة تسمع طق في يدو... متوجعش منها بقد ما توجع من الحياة هادي.....
"..... متقيسسنيش فهمتي...... أنا مانيش ناقصك ولا محوس عليك.... روحي وخليني حوسي على اب ولدك..... اتفكري ليمن مديتي روحك وخليتيه يقيسك..... أنا إنسايني عاونتك على جال حاجة وحدة ودرك خلاص..."
"...... علاه عليك.. خليني حتى نلقى وين نروح نوعدك اول ما نلقى خدمة ولا بلاصة نعيش فيها رايحة نروح ومتزيدش تشوف وجهي..... "

خرج بزربة مش متوله ليها..... وهي موراه تلحق فيه.... ومش قادرة مع الوجع كانت في عملية..... وقفوها الفراملة ورجعوها وعطاوها مهدئ غفات عليه.....

ركب فالطموبيل ومعلابالوش وين يروح .... ضميرو يقلو رآها وحدها حاول تعاونها.... متخليهاش تولي علاء خلاف اما شيطانو يقلو العكس خليها تتعذب هي جابتها لروحها....

وقف قدام حانوت يبيع حوايج للنساء..... تنهد تنهيدة من أعماقو...... ودخل خايف يقيس كاش وحدة لتما اول مرة يدخل لحوانت كيما هادو عينيه تايهة بين الناس وهو ميحملش البلايص المعمرة....
قعد يحوس على حاجة ووجهو حمر حشمان ويديه عرقانين.... النسا يشوفو معاه كاين لي مع راجلها وكاين لي وحدها.... يضحكو عليه ويهدرو مع بعضاهم..... باين مسكين ميعرفش وهو يا أرض انشقي وابتلعيني..... قاعد يلعن في روحو وعلى ضميرو الزبل هدا... وش داه يدخل لبلاصة خاطيه.....
هز اي حاجة لقاها قدامو بزربة.....
".... موسيو نقدر نعاونك.... ؟؟؟"
رجع لبرودو ودور ليها
".... حاب سروال وتريكو....."
"..... تفضل نعاونك...."

كانت حاجة صعيبة ليه.... مع هو ميعرفش النسا وكيفاه يتعامل معاهم حتى لطاي تعها ميعرفهاش.....
سلك وخرج بطلوع الروح.... حاجة معجبتو راح شرالها كيما يلبس هو حمر في حمر....
(تفكرت عيد الحب 😳♥️)
كانت التسعة تع ليل دخل للسبيطار لقاها قاعدة ومازالت تبكي......
رمالها الشكارة وخرج بش يخليها تتبدل..... وهي دوب ما سمعت حسو طلعت عينيها... حست بقلبها ينبض بزربة..... حاجة مهمة رجعتلها..... جامي اهتم بيها واحد كيما هو ...
راحت لبست سروال وتريكو عريض مع فيستا وباسكت....
خرجت تعرج وهو مهتمش سلك السبيطار ومشا وهي تبعتو للطموبيل.....

في قرارة نفسها متاخدة قرار الإجهاض ومعلابلهاش شكون هو لي دار فيها هكدا ومش حابة تعرف لمهم تتهنا منو وهي كارهتو...... وزيد المجتمع رح يظلمها وزيد يظلم علاء معاها....