كتمان [ مكتملة ]

الحلقة 17

#كتمان

الكتمان والخذلان وغدر الزمان..... كلهاحوايج تدمر أي إنسان... تحطمو وتخليه غارق في الهاوية.... علاء ماهو غير مثال عن الواقع... هو مثال عن المعاناة الصامتة.... جا وقت بش يفرغ قلبو... أما هو عندو سبب خلاف خلاه يدير هاد المسرحية قدام عايلتو.... حبهم يكرهوه ويخرجوه من حياتهم... على الأقل يموت من غير ما يخلي واحد يحزن موراه..

الكل قعد مصدوم من لي قالو... فضح العايلة الكل.... معتز تغشش وعينيه حمارو.... أما هو تبسيمتو وساعت..... يحب يشوف الناس يتعذبو...... شاف مع فتون ومشا معناها تبعيني.. وهي الوضع هذا غريب عليها.... راح هز حوايجو.... منا وطلع، واحد ما يزيد يقلقو على اي حاجة.... يكمل الوقت القصير لي بقالو يتعذب وحدو.....
ناض باباه ليه وخزر فيها خزرة يا خسارة.... تبادلو النظرات..... نارية من عند باباه لي جامي هدر معاه.... وعلاء الباردة الثلجية...... لتصبح عاصفة غريبة مزيج بين القسوة والغضب.... السكون والهدوء
نطق بكلمة :" علاه درت هكدا ؟؟ ليوم لي اجتمعت فيه العايلة خربتو وش صرالك.... وشكون هادي البنت.... اهدر متسكتش.."
طلع حاجبو... ومسح شواربو بلسان ونطق بهدوء كالعادة
".... علاه درت هكدا مش شغلك؟؟ حبيت نعطي حقيقة ولادك لي تحبهم.... وحبيت نفكرك بنو عندك ولدك اسمو علاء عمرو 25 سنة...... وزيد حاب نشوفكم تتعذبو شوية... نتقاسمو العذاب مع بعضانا يخي حنا عايلة سعيدة هههه "
هز يدو وضربو بكف قاوي، خدو حمار... موجعتوش الضربة.... عجبتو وحسستو بن عندو باباه....
".... زيدلي وحدة خلاف اللولة مش قاوية.... هيا... "
دور يشوف معاهم وزاد شاف مع ليليا مرت خوه...
"... اسمحيلي نتيا معلاباليش اسمك...؟؟ حبيت نقولك راجلك كان بو بناويت اما درك تاب ههه بصح عسيه يقدر يميل... طول عمرو يسيرو لي تحتو...وبنتكم البايرة الشارفة زوجوها لواحد رايحة تهبل مسكينة راهي مخلطتها.... هكدا دورصاف ههه ايا نقولكم تشاو... ايهم سلملي على مرتك.... "
خرج وشاف مع فتون لي مصدومة وحالة فمها...شكون هدا؟؟ كل دقيقة بشخصية، ماهي فاهمة والو.. تبعتو ومازالت حفيانة.... دورت شافت معاهم ومشات تابعتو.... معلابلهاش وين مديها....
خرجو من الدار.... َركبو في الطموبيل.... القى نظرة اخيرة لدارهم.... تنفس ومشا مخلي أرواح مقهورة ومحطمة...... وقلب امو محروق من قسوة ولدها....